Tuesday, 1 March 2016

ಬಿಡಿ ಬಿಡಿಯ ಆಸೆಗಳು

ಅತಿಯಾದ ಪ್ರೇಮದಲಿ ಪ್ರೇಮವಲ್ಲದೆ ಮತ್ತೆ
ಬೇರೇನ ಬರೆಯಲಿ ಹೇಳು ನೀನೇ
ಮಿತವಾಗಿ ನಕ್ಕರೂ ಸೋಲುವ ನನ್ನನ್ನು
ನಗುವಲ್ಲಿ ಗೆದ್ದವಳು ನೀನೇ ತಾನೆ?!


ಹಲವಾರು ಕಾರಣ ಇದ್ದರೂ ಏನೊಂದ
ನುಡಿಯದೆ ನಿನ್ನನ್ನೇ ಇಷ್ಟ ಪಡುವೆ
ಕಣ್ಣೆದುರು ಇದ್ದರೆ ನಿನ್ನದೇ ಚಿತ್ರ ಪಟ
ನೋಡುತ್ತ ಜಗವನ್ನೇ ಮರೆತು ಬಿಡುವೆ


ನೀರಂಥ ನೀರೆ ನೀ ನೀರಾಗಿಸುವೆ ನನ್ನ
ಹರಿಯೋಣ ಬಾ ಜೊತೆಗೆ ಕೂಡಿಕೊಂಡು
ಜೀವಂತವಾಗಿಸುವ ಮೈಲಿಗಲ್ಲುಗಳನ್ನು
ನಮ್ಮ ಪ್ರಣಯದ ಕುರಿತು ಹೇಳಿಕೊಂಡು


ನುಡಿದ ಆಸೆಗಳನ್ನು ನುಡಿಸಿಕೊಂಡೆ ನೀನೇ
ಬಿಡಿಸಿಕೊಳ್ಳುವ ಆಸೆ ಇನ್ನೂ ಚೂರು
ನಾವು ಹೊರಟ ದಾರಿಯಲಿ ಹೂವು ಚೆಲಿದೆ
ಸಾಗಿರಲುಬಹುದೇನೋ ಪ್ರೇಮ ತೇರು!!


ಎಳೆಯ ಸಂಪಿಗೆ ನಿನ್ನ ಸ್ಪರ್ಶದ ಹವಣಿಕೆಗೆ
ರೆಕ್ಕೆ ತೊಡಿಸುವ ಕಾಲ ಬರಲಿ ಬೇಗ
ಅಲ್ಲಿ ಇಲ್ಲಿ ಹುಡುಕದಿರು ನಿನ್ನ ಸ್ಥಾನಕ್ಕೆ
ಹೃದಯ ತುಂಬಿ ಕೊಡುವೆ ಅಲ್ಲೇ ಜಾಗ!!


                                           - ರತ್ನಸುತ

No comments:

Post a Comment

ದೂರದಲ್ಲಿ ಯಾರೋ ನನ್ನ ಕೂಗಿದಂತಿದೆ

ದೂರದಲ್ಲಿ ಯಾರೋ ನನ್ನ ಕೂಗಿದಂತಿದೆ  ಹತ್ತಿರದಲ್ಲಿ ಬಂದು ಕೂತುಕೊಂಡ ಹಾಗಿದೆ  ಯಾವ ಮಾತಿಲ್ಲದೆ, ಮೌನವೇ ಸಾಗಿದೆ  ಹೋಗಿ ಬಂದು ನಿಲ್ಲಲಿಲ್ಲ  ಎಚ್ಚರಿಸಿ ಕೇಳಲಿಲ್ಲ ನನ್ನಂತ...