Tuesday 30 June 2020

ಮೋಡದಾಚೆಯೆಲ್ಲೋ ಒಂದು ಗೂಡು ಕಟ್ಟುವೆ

ಮೋಡದಾಚೆಯೆಲ್ಲೋ ಒಂದು ಗೂಡು ಕಟ್ಟುವೆ  
ಪ್ರೀತಿಯಿಂದ ನಿನ್ನ ಹೊತ್ತು ಹಾರಿ ಹೋಗುವೆ 
ರೆಕ್ಕೆ ಪಡೆದಾಗಿಯೂ ಹಾರದೆ ಏಕೆ ಉಳಿಯುವೆ?
ಈ ದಾರಿಗಳೆಲ್ಲವೂ ಮುಳ್ಳಿನ ದಾಳಿ ಮಾಡಿವೆ 
ಬಾ ದಾಳಿಗೆ ಸಿಕ್ಕದೆ, ಬೇಲಿಯ ದಾಟುತ, ನನ್ನನ್ನು ಕೂಡಲೂ 
ಈ ಭೂಲೋಕವೆಂದರೆ, ನೂರಾರು ತೊಂದರೆ, ನಾವಿಲ್ಲಿ ಬಾಳಲು... 

ಮೋಡದಾಚೆಯೆಲ್ಲೋ ಒಂದು ಗೂಡು ಕಟ್ಟುವೆ  
ಯಾರೂ ಇಲ್ಲದೂರಿನಲ್ಲಿ ನಾವೇ ಅಲ್ಲವೇ 
ಕಣ್ಣಲ್ಲಿ ನಿನ್ನನು ತುಂಬುತ ಕಾಲ ಕಳೆಯುವೆ 
ಆ ನಿನ್ನ ತೊಳಲಿ ಸೋಲುತ ಲೋಕ ಮರೆಯುವೆ 

ಉಣಬಡಿಸುವೆ ಒಲವಿನ ಸವಿ 
ನೀಡು ಸಹಮತವನು 
ಪ್ರತಿ ಉಸಿರಿನ ಒಳ ಹರಿವಲಿ 
ನಿನ್ನ ಸೇವಿಸುವೆನು 
ಬಾ ಗಡಿಯನ್ನು ದಾಟುತಾ, ಸುಳಿಯನ್ನು ಸೀಳುವ, ಜೊತೆಯಲ್ಲಿ ಇಬ್ಬರೂ 
ನಾ ಬೆಂಗಾವಲಾಗುವೆ, ನಿನ್ನನು ಕಾಯುವೆ, ನೀನೆಲ್ಲೇ ಹೋದರು.. 

ಯಾಕೆ ಬೆವರುವೆ ನಾಳೆಗಳನು ನೆನೆಯುತ 
ನಾನೇ ಇರುವೆನು ಗೋಜಲುಗಳ ಬಿಡಿಸುತ 
ಮೋಡದಾಚೆಯೆಲ್ಲೋ ಒಂದು ಗೂಡು ಕಟ್ಟುವೆ  
ಪ್ರೀತಿಯಿಂದ ನಿನ್ನ ಹೊತ್ತು ಹಾರಿ ಹೋಗುವೆ 

ಬರುವುದು ಬರಲಿ, ಎದುರಿಸಿ ನಿಂತು 
ಸಾಗುವ ಮುಂದೆ, ಒಲವಿಗೆ ಸೋತು 

ಈಗಲಾದರೂ ನೀ ನನ್ನ ನಂಬಬಾರದೇ 
ನಿನ್ನ ಪ್ರೇಮವಿಲ್ಲದೆ  ನಾ ಹೇಗೆ ಬಾಳುವೆ 
ನೀರಾಗುವೆ ಕರಗುತ ಕಣ್ಣಲ್ಲಿ ನಿನ್ನ ಉರುಳಿಸಿ 
ಹೇಗಾದರೂ ಬಂದು ನೀ ಬದುಕಿಸು ಒಲವ ಜ್ಞಾಪಿಸಿ.... 

ಜೀವ ನದಿಯೇ ಬರಿದಾದೆಯಾ?

ಜೀವ ನದಿಯೇ ಬರಿದಾದೆಯಾ?
ಈ ಕಣ್ಣಿನಂಚಲ್ಲಿ ಹನಿಯಾದೆಯಾ?
ಹೇಳು ಒಲವೇ ಏನಾಯಿತು?
ನನ್ನಲ್ಲಿ ಹಾಯಾಗಿ ಇರಲಾರೆಯಾ?
ಕೂಗಿ ಕರೆವೆ ಜೋರಾಗಿಯೇ 
ನೋವಿನಲ್ಲೂ ನಿನ್ನ ಹೆಸರ 

ಈ ಜೀವಕೆ ಏಕೋ ಕಾತರ 
ನೀನಿನರದೆ ಬಾಳೇ ಬೇಸರ 
ಈ ಜೀವಕೆ ಏಕೋ ಕಾತರ 
ನೀನಿನರದೆ ಬಾಳೇ ಬೇಸರ 
ಬಾ ಬೇಗನೆ ಇನ್ನೂ ಹತ್ತಿರ 
ನೀನಿನರದೆ ಬಾಳೇ ಬೇಸರ 

ಕೂಗಿ ಕರೆವೆ ಜೋರಾಗಿಯೇ 
ನೋವಿನಲ್ಲೂ ನಿನ್ನ ಹೆಸರ 

ಈ ಜೀವಕೆ ಏಕೋ ಕಾತರ 
ನೀನಿನರದೆ ಬಾಳೇ ಬೇಸರ 
ಈ ಜೀವಕೆ ಏಕೋ ಕಾತರ 
ನೀನಿನರದೆ ಬಾಳೇ ಬೇಸರ 
ನೀನಿನರದೆ ಬಾಳೇ ಬೇಸರ... 

------
ಆಡದ ಮಾತನು ಆಲಿಸು ಈಗಲೇ 
ಗೂಡನು ಕಟ್ಟುವ ಹಾರಿ ಬಾ ಕೂಡಲೆ 
ನೋಡದೆ ನಿನ್ನನು ನೋಟವೇ ಏತಕೆ?
ಕಾಯುತ ನಿಂತಿದೆ ಪ್ರಾಣವು ಕಣ್ಣಲೇ 

ಆಸೆಗಳಿವು ಬಾಯಾರಿವೆ 
ನೀನೇ ಬಂದು ತುಂಬು ಉಸಿರ 
ಈ ಜೀವಕೆ ಏಕೋ ಕಾತರ 
ನೀನಿನರದೆ ಬಾಳೇ ಬೇಸರ 
ಈ ಜೀವಕೆ ಏಕೋ ಕಾತರ 
ನೀನಿನರದೆ ಬಾಳೇ ಬೇಸರ 
ನೀನಿನರದೆ ಬಾಳೇ ಬೇಸರ... 

ಪ್ರತಿ ಕ್ಷಣ ನಿರೂಪಿಸು ಬಾ

ಪ್ರತಿ ಕ್ಷಣ ನಿರೂಪಿಸು ಬಾ 
ಸಮೀಪಿಸಿ ಬಾ 
ಪ್ರೇಮವ ಛಾಪಿಸುವ ಕಲೆ 
ಕಲಾಧರನೆ ಇಗೋ ನಿನಗೆ 
ಒಲಿಯುವ ವೇಳೆ... 
ಪ್ರತಿ ಕ್ಷಣ ನಿರೂಪಿಸು ಬಾ 
ಸಮೀಪಿಸಿ ಬಾ 
ಪ್ರೇಮವ ಛಾಪಿಸುವ ಕಲೆ 
ಕಲಾಧರನೆ ಇಗೋ ನಿನಗೆ 
ಒಲಿಯುವ ವೇಳೆ... 
ಈ ಕಾರಿರುಳ ಗೀರುತಲಿ 
ಬೆಳಗಿಸೆಯಾ ದೀಪ 
ನೆರಳಿನಲಿ ಕಾಣುವೆನು 
ನಲುಮೆಯ ಆ ಪ್ರತಿರೂಪ.. 

ಧರಿಸುವೆ ಇರೋ ಬರೋ ನಾಚಿಕೆಯನು 
ಕಳಚೋಕೆ ನಿನ್ನ ಕರೆವೆ 
ತಡ ಮಾಡದೆಲೆ ಆಗಮಿಸು 
ಉಲಿಯುವೆ ಇನಿ ದನಿ ಹಾಡಿನೊಳಗೆ
ನೀ ಬೆರೆಸು ನಿನ್ನ ಸ್ವರವ 
ಸರಿದೂಗಿಸುತ ಹಾಡುವೆನು 
ಏಕಾಂತ ಹೊಸತಾಗಿ ಅನಿಸೋಕೆ ಶುರುವಾದಂತಿರಲು 
ಏನಂತ ಹೇಳೋದು ತುಟಿಯಂಚಲಿ ನೀ ಕೂತಿರಲು 

ಪ್ರತಿ ಕ್ಷಣ ನಿರೂಪಿಸು ಬಾ 
ಸಮೀಪಿಸಿ ಬಾ 
ಪ್ರೇಮವ ಛಾಪಿಸುವ ಕಲೆ 
ಕಲಾಧರನೆ ಇಗೋ ನಿನಗೆ 
ಒಲಿಯುವ ವೇಳೆ... 

ನಡುಗಿದೆ ಭುವಿ ನಡು ಬಳಸಿದಂತೆ 
ನನ್ನಂತೆ ತಾನು ಕೂಡ 
ಇನಿಯನ ಜೊತೆಗೆ ಇರುವ ಥರ 
ಪ್ರಣಯದ ಪರಿ ಇದು ಹೊಸ ಕಂತು 
ದಿನಕೊಂದು ಬೇರೆ ರೀತಿ 
ನನಗೂ ಸಹಿತ ಕಲಿಸುವೆಯಾ?
ಏನೆಲ್ಲ ಜರುಗಿದರೂ ಏನೂ ಆಗದಂತಿರಬೇಕು  
ಆಗಾಗಾ ಮಳೆಯೊಂದು ನಮ್ಮಂತೆ ಸೋತು ಬರಬೇಕು 

ಪ್ರತಿ ಕ್ಷಣ ನಿರೂಪಿಸು ಬಾ 
ಸಮೀಪಿಸಿ ಬಾ 
ಪ್ರೇಮವ ಛಾಪಿಸುವ ಕಲೆ 
ಕಲಾಧರನೆ ಇಗೋ ನಿನಗೆ 
ಒಲಿಯುವ ವೇಳೆ... 
ಈ ಕಾರಿರುಳ ಗೀರುತಲಿ 
ಬೆಳಗಿಸೆಯಾ ದೀಪ 
ನೆರಳಿನಲಿ ಕಾಣುವೆನು 
ನಲುಮೆಯ ಆ ಪ್ರತಿರೂಪ.. 

ಮಲ್ಲಿಗೆಯ ಹೂವ ಬಳ್ಳಿಯೇ

ಮಲ್ಲಿಗೆಯ ಹೂವ ಬಳ್ಳಿಯೇ
ನನ್ನ ಕದ್ದು ಹೋದ ಕಳ್ಳಿಯೇ
ಗಾಯವೊಂದ ಮಾಡಲಾರೆಯಾ ಗುಂಡಿಗೆಯಲಿ?
ಬೇಲಿ ದಾಟಿ ಬಂದ ಆಸೆಗೆ
ಕಾಲು ದಾರಿ ಬೇಕು ನಿನ್ನೆಡೆ
ಕೈಯ್ಯ ಚಾಚಿ ನಿಲ್ಲ ಬಲ್ಲೆಯಾ ನಾಚಿಕೆಯಲಿ?
ಕಾಡುವಂಥ ರೂಪಸಿಯೇ
ಬಾರೇ ನನ್ನ ಪೇಯಸಿಯೇ
ಮಾಯವಾದ ತಾಪಸಿಯೇ
ಮೋಡಿ ಮಾಡೋ ಮಾನಸಿಯೇ
ಅಂದವಾದ ರಾಕ್ಷಸಿಯೇ
ಜೀವ ನಾಡಿಯ ಕಸಿಯೇ
ಪ್ರೇಮ ಹಾಳೆಯ ಮಸಿಯೇ
ಸರಸಕೆ ಸಖಿ ಸಖಿ ಬಾ
ಹೊಸ ಒಗಟು ಬಿಡಿಸುವೆ ಸುಖಿ ಬಾ
ಇಗೋ ಕನಸುಗಳ ವಿಳಾಸ
ಜೊತೆ ಸಿಗಲು ಮನಸಿಗೆ ಉಲ್ಲಾಸ
ಇದೇ ಸವಿ ಸಮಯ ಅನ್ನೋದಾ
ಹೊಸ ಒಗಟು ಬಿಡಿಸುವೆ ಸುಖಿ ಬಾ
ಇಗೋ ಕನಸುಗಳ ವಿಳಾಸ
ಜೊತೆ ಸಿಗಲು ಮನಸಿಗೆ ಉಲ್ಲಾಸ
ಇದೇ ಸವಿ ಸಮಯ ...

ಮಲ್ಲಿಗೆಯ ಹೂವ ಬಳ್ಳಿಯೇ
ನನ್ನ ಕದ್ದು ಹೋದ ಕಳ್ಳಿಯೇ
ಗಾಯವೊಂದ ಮಾಡಲಾರೆಯಾ ಗುಂಡಿಗೆಯಲಿ?
ಬೇಲಿ ದಾಟಿ ಬಂದ ಆಸೆಗೆ
ಕಾಲು ದಾರಿ ಬೇಕು ನಿನ್ನೆಡೆ
ಕೈಯ್ಯ ಚಾಚಿ ನಿಲ್ಲ ಬಲ್ಲೆಯಾ ನಾಚಿಕೆಯಲಿ?


ಗಂಧ-ಗಾಳಿ, ಹುಣ್ಣಿಮೆಯಲ್ಲಿ
ಬಾರದೆ ಉಳಿಯ ಬೇಡ ನೀ ದೂರಕೆ ಗಳಿಗೆಯೂ
ನೆನೆಯುತ್ತ ಮರುಗುವೆ, ನಿಂತಲ್ಲೇ ಕರಗುವೆ
ಮಗುವಂತೆ ಅರಸುವೆ ನಿನ್ನ ಬೆರಳ
ಒಂದೇ ಒಂದು, ಮುತ್ತಿಡು ಸಾಕು
ಮತ್ತೇನು ಬೇಕು, ಅರೆ ಬೆಂದಾಗಿರೋ ಜೀವಕೆ
ಏನೇ ಮುದ್ದು, ಆ ನಿನ್ನ ಮಾತು
ಕೇಳುವೇನು, ಮರು ಮಾತಿಲ್ಲದೆಲೆ  
ಓ ಪ್ರೇಮ, ಇಗೋ ನಿನಗೆ ಹೃದಯದಿ ಪ್ರಣಾಮ
ಇದು ಕೊನೆಯಿರದ ಪ್ರಯಾಣ
ಜೊತೆ ಸಿಗಲು ಮನಸಿಗೆ ಉಲ್ಲಾಸ
ಇದೇ ಸವಿ ಸಮಯ ..

ಏನಾದರೂ ಇನ್ನೂ ಎಷ್ಟಾದರೂ 
ನೋವನು ಭರಿಸಬಲ್ಲೆ ನೀ ನನ್ನ ಜೊತೆಗುಳಿಯಲು
ಪ್ರಾರಂಭವಾಗಿದೆ ಈ ಪ್ರೇಮ ಶಾಖೆಯು
ಬಾ ನಮ್ಮ ದಾಖಲು ಮಾಡಿಕೊಳ್ಳುವ
ವಿಚಾರಿಸು, ಒಮ್ಮೆ ನನ್ನ ಬಳಸು
ಚಂದವಾಗಿಸು, ಕರೆ ಬಂದಾಗಿದೆ ಈಗಲೇ
ಬಿಟ್ಟು ಕೊಡು, ನಿನ್ನ ಎಲ್ಲ ಗುಟ್ಟನು
ತೊದಲುತ, ತುಟಿ ಒಂದಾಗಿಸುವೆ 
ಓ ರಾಧೆ, ನಿನ್ನ ಉಸಿರ ಹಿಂದೆ ನಾ ಬರೋದಾ?
ನಿನ್ನ ನೆರಳೊಳಗೆ ಇರೋದಾ?
ಜೊತೆ ಸಿಗಲು ಮನಸಿಗೆ ಉಲ್ಲಾಸ
ಇದೇ ಸವಿ ಸಮಯ ..


https://youtu.be/Zz-4o72VpL0

ಗಾ ಗರಿ ಗಾ ಗರಿ ಗಾರಿ ಗಾ ಮಗರಿ

ಗಾ ಗರಿ ಗಾ ಗರಿ ಗಾರಿ ಗಾ ಮಗರಿ 
ರೀ ರಿಸ ರೀ ರಿಸ ನೀ ಸನಿ 
ಗಾ ಗಾ ಗರಿ ಗಾ ಗರಿ ಗಮಪನಿ ದನಿ ದನಿ ದಪ ಮಗ ರೀ ಮಗ 
ಗಾ ಗರಿ ಗಾ ಗರಿ ಗಾರಿ ಗಾ ಮಗರಿ 
ರೀ ರಿಸ ರೀ ರಿಸ ನೀ ಸನಿ 
ಗಮ ಪನಿ ದನಿ ದನಿ ದನಿ ದಪಪಸ ಸಾ ಸನಿ ದಪ ಮಗ ರೀ ಮಗ 

ಏನಾದೆನು ನಾ ಈ ದಿನ 
ಹೊಸತನವೊಂದು ಮೈಗೂಡಿದೆ 
ಹೇಗಾದರೂ ಮಾತಾಡಿಸು 
ತುಟಿ ಅರಳೋಕೆ ಮನಸಾಗಿದೆ 
ಆಕಾಶದಿ ನಮ್ಮ ಚಿತ್ತಾರವ 
ಬರೆದಾತ ನೀನಲ್ಲವೇ?
ಈಗಲೇ ನೀಡು ಬಾ ಬಾಳಿಗೆ ಮುನ್ನುಡಿ 
ನನ್ನಲಿ ನಿನ್ನನು ತೋರುವ ಕನ್ನಡಿ 

ಈ ಚಂಚಲ ಕಣ್ಣಿನ ಹಂಬಲ 
ನೀನ್ನನ್ನು ಸೆರೆ ಮಾಡಲು 
ಓ... ಬಾ ರಂಜಿಸು ನನ್ನ ಏಕಾಂತದಿ 
ಇನ್ನಷ್ಟು ಒಲವಾಗಲು 
ಅಚ್ಚರಿ ಮೂಡಿಸು ಆಗಾಗ ಮಳೆಯಂತೆ 
ಎಚ್ಚರ ತಪ್ಪುವೆ ತೋಳಲ್ಲಿ ಮಗುವಂತೆ 
ಆಕಾಶದಿ ನಮ್ಮ ಚಿತ್ತಾರವ 
ಬರೆದಾತ ನೀನಲ್ಲವೇ?
ಈಗಲೇ ನೀಡು ಬಾ ಬಾಳಿಗೆ ಮುನ್ನುಡಿ 
ನನ್ನಲಿ ನಿನ್ನನು ತೋರುವ ಕನ್ನಡಿ 

ನೂರಾರಿವೆ ಹೇಳದ ಆಸೆಯು 
ಬಾ ಕೇಳು ಎದೆಗೊರಗುತ 
ಓ... ಆರಂಭವೇ ಇಷ್ಟು ರೋಮಾಂಚಕ 
ಒಲವಿನ್ನು ಸನ್ನಿಹಿತ 
ಅಕ್ಕರೆ ಉಕ್ಕಿತು ನಿನ್ನನ್ನು ಕಂಡಾಗ 
ಎಲ್ಲಕೂ ಉತ್ತರ ನೀಡುವೆ ಯಾವಾಗ 
ಹೂ ಸಂತೆಯ ನಡುವೆ ಎದುರಾಗುವ 
ಮಳೆಬಿಲ್ಲು ನೀನಲ್ಲವೇ?


ಈಗಲೇ ನೀಡು ಬಾ ಬಾಳಿಗೆ ಮುನ್ನುಡಿ 
ನನ್ನಲಿ ನಿನ್ನನು ತೋರುವ ಕನ್ನಡಿ... 

https://youtu.be/8WEbLFsry5k

Friday 26 June 2020

ಓ ನನ್ನ ರೂಪಸಿ

ಓ ನನ್ನ ರೂಪಸಿ 
ಓ ನನ್ನ ಪ್ರೇಯಸಿ 
ಈಗೀಗ ಕಣ್ಣಲಿ ಕುಣಿಯುವ ಕನಸಿಗೆ 
ನೀನೇ ಬಣ್ಣ ತುಂಬುವೆ
ಓ ರೂಪಸಿ, ಓ ಪ್ರೇಯಸಿ 
ಓ ರೂಪಸಿ, ಓ ಓ ಓ ಪ್ರೇಯಸಿ 

ಧೀಮ್ ಧೀಮ್ ತನನ ಧೀಮ್ ತನನ ಧೀಮ್  ಓ ಓ ಓ
ಹೇಳದೆ ಕೇಳದೆ 
ಧೀಮ್ ಧೀಮ್ ತನನ ಧೀಮ್ ತನನ ಧೀಮ್  ಓ ಓ ಓ
ಗಾಯವ ಮಾಡಿದೆ
ಧೀಮ್ ಧೀಮ್ ತನನ ಧೀಮ್ ತನನ ಧೀಮ್  ಓ ಓ ಓ
ವೇಳೆಗೆ ಕಾಯದೆ
ಧೀಮ್ ಧೀಮ್ ತನನ ಧೀಮ್ ತನನ ಧೀಮ್  ಓ ಓ ಓ
ಪ್ರೀತಿಸ ಬಾರದೇ?

ಸಖಿಯೇ..ಸಖಿಯೇ..

ಸಖಿಯೇ ಹ್ಮ್ಮ್ ಸಖಿಯೇ ಹ್ಮ್ಮ್ 
ನಿಂತು ನೋಡು ಒಮ್ಮೆ ಈ ಮನವ 
ಸಖಿಯೇ ಹ್ಮ್ಮ್ ಸಖಿಯೇ ಹ್ಮ್ಮ್ 
ಸೇರಿ ಹೋಗು ನನ್ನ ಜೀವನವ 

ಅಪ್ಸರೆಯೇ ನೀ ಅಪ್ಸರೆಯೇ 
ಗುಲಾಭಿ ತೋಟದ ಹೂ ನಗೆಯೇ 
ಬೀಸುವ ಗಾಳಿಯ ತಂಪಿನಲಿ 
ಇಣುಕಿ ಬರುವ ಸಂಗೀತವೇ 

ಅಪ್ಸರೆಯೇ ನೀ ಅಪ್ಸರೆಯೇ 
ಗುಲಾಭಿ ತೋಟದ ಹೂ ನಗೆಯೇ 
ಬೀಸುವ ಗಾಳಿಯ ತಂಪಿನಲಿ 
ಇಣುಕಿ ಬರುವ ಸಂಗೀತವೇ 
ಮುಗಿಲ ತೆರೆಯ ಮರೆಯ 
ಬೆಳ್ಳಿ ಬೆಳಕು ನೀನಲ್ಲವೇ?

ನೀಲಿ ಕಣ್ಣಿನ ಕರೆಯಲ್ಲಿ 
ಏನೋ ಹೇಳುವೆ ಮೆಲುವಾಗಿ 
ನೋಡು ಹೇಗೆ ನಾ ಬದಲಾದೆ 
ಈ ನಿನ್ನ ಸಲುವಾಗಿ (drag)
ಬಯಸಿ, ಬಯಸಿ ಹಿಂದೆ ಬರುವೆ 
ನೋಡಿ ಕೂಡ ನಟಿಸಿ ಬಿಡುವೆ 

ಹಾರಿ ಬಂತು ಚಿಟ್ಟೆಯ ಹಿಂಡು 
ನಿನ್ನ ಗೆಲ್ಲುವ ನೆಪದಲ್ಲಿ 
ಹಾಡ ಬೇಕಿದೆ ಈ ಕುರಿತು 
ನಿನ್ನ ಒಲವ ಆಲಾಪದಲಿ 
ಯಾಕೆ ಇನ್ನು ಬೇರೆ ಹಾಡು 
ಬಯಸಿ, ಬಯಸಿ ಹಿಂದೆ ಬರುವೆ 
ನೋಡಿ ಕೂಡ ನಟಿಸಿ ಬಿಡುವೆ 

ಸಖಿಯೇ ಹ್ಮ್ಮ್ ಸಖಿಯೇ ಹ್ಮ್ಮ್ 
ನಿಂತು ನೋಡು ಒಮ್ಮೆ ಈ ಮನವ 
ಸಖಿಯೇ ಹ್ಮ್ಮ್ ಸಖಿಯೇ ಹ್ಮ್ಮ್ 
ಸೇರಿ ಹೋಗು ನನ್ನ ಜೀವನವ 

ಏಕಾಏಕಿ ನಿನ್ನ ನೋಡಿ 
ಮೂಕ ಆಗೋದೇ ಚಂದ 
ಬಾಕಿ ಮಾತೆಲ್ಲವನ್ನೂ 
ಸಾಕು ಮಾಡು ಇಲ್ಲಿಂದ 
ಇಳಿಜಾರಿ ಬಂತು ನೋಡು 
ಕಣ್ಣಿಗೆ ಏನೋ ಆನಂದ 
ಕಂಬನಿ ಕಣ್ಣಿನಿಂದ
---

ಒಂದೇ ಗುರಿಯಂತೆ ನಮಗೆ
ಸಾಗಿ ಬಾ ನನ್ನ ಜೊತೆಗೆ 
ಬಿಡದೆ ಮುದ್ದಾಡುವಾಗ 
ಬರೆದು ಕೊಡು ಎಲ್ಲ ಸಲುಗೆ 
ಸೆರೆಯಾದ ಮೇಲೆ ಈಗ 
ಬಿಗಿ ಮೌನದಲ್ಲಿ ಕೂತು 
ಎಣಿಸೋಣ ತಾರೆ ಸೋತು

ಸಖಿಯೇ ಹ್ಮ್ಮ್ ಸಖಿಯೇ ಹ್ಮ್ಮ್ 
ನಿಂತು ನೋಡು ಒಮ್ಮೆ ಈ ಮನವ 
ಸಖಿಯೇ ಹ್ಮ್ಮ್ ಸಖಿಯೇ ಹ್ಮ್ಮ್ 
ಸೇರಿ ಹೋಗು ನನ್ನ ಜೀವನವ 

ಹೇಳುವುದಾದರೆ ಹೇಳಿಬಿಡು 
ಕಾಯಿಸ ಬೇಡ ನೀ ಚೂರೂ 
ಸುಮ್ಮನೆ ಹಾಗೆ ನಾಚದಿರು 
ದಾಳಿ ಮಾಡು ಇನ್ನಾದರೂ 
ಎದೆಯ ಚಿಪ್ಪಿಲಿ ಹನಿಯಂತೆ 
ಉಳಿದು ನೋಡು ಹೇಗಾದರೂ 


https://www.youtube.com/watch?v=E4t9ARhwnWY

ಹೀಗೆ ಕಣ್ಣಿಂದ ಕಣ್ಣಿಗೆ ಇಟ್ಟು ಗುರಿ

ಹೀಗೆ ಕಣ್ಣಿಂದ ಕಣ್ಣಿಗೆ ಇಟ್ಟು ಗುರಿ 
ಗಾಳಿ ಮುತ್ತಲ್ಲಿ ಕೊಲ್ಲೋದು ಎಷ್ಟು ಸರಿ 
ನಾವು ಸೇರೋಕೆ ಅಂತಾನೆ ಸಿಕ್ಕಾಗಿಯೂ 
ದೂರ ದೂರ ಇದ್ದೀವಲ್ಲ ಎಷ್ಟು ಸರಿ 
ಹೀಗೆಲ್ಲ ಆಗಿ ಉಳಿಯೋದು ಹೇಗೆ 
ಸಾಯೋಕೂ ಮುನ್ನ ಬದುಕನ್ನೊ ಬಾದೆ 
ಈ ಹೊತ್ತಲ್ಲೇನೇನೋ ಪೋಲಿ ನೆನಪು 
ಆಯ್ತು ಸಂಜೆಗೆಂಪು 
ಆಯ್ತು ಸಂಜೆಗೆಂಪು 
ಜೊತೆಗೆ ನಿನ್ನ ನೆನಪು 
ಆ... ಆಯ್ತು ಸಂಜೆಗೆಂಪು 

ಹೀಗೆ ಕಣ್ಣಿಂದ ಕಣ್ಣಿಗೆ ಇಟ್ಟು ಗುರಿ 
ಗಾಳಿ ಮುತ್ತಲ್ಲಿ ಕೊಲ್ಲೋದು ಎಷ್ಟು ಸರಿ 
ನಾವು ಸೇರೋಕೆ ಅಂತಾನೆ ಸಿಕ್ಕಾಗಿಯೂ 
ದೂರ ದೂರ ಇದ್ದೀವಲ್ಲ ಎಷ್ಟು ಸರಿ 

ರಾ ರ ರಾ.... 


ಮೇಲಿಂದ ಮೇಲೆ ಓದೋಕೆ ಕೊಟ್ಟೆ 
ಗುಟ್ಟಾಗಿ ಗೀಚಿಟ್ಟ ಪದ್ಯ 
ಅಲ್ಲಲ್ಲಿ ಚೂರು ತಡೆಯನ್ನು ಇಟ್ಟೆ 
ಮೌನನ ತಡೆಯೋದಸಾಧ್ಯ 
ಸಾಕು ಸುಮ್ಮನಿರು ಅಂತ ಹೇಳದಿರು 
ಎಲ್ಲ ಶುರುವಾಗೋದೆ ಹೀಗೆ ಅಂತಾರೆಲ್ರೂ 
ಒಂದೇ ಪ್ರಾಣ ಇರಬಾರದೇ?
ನಿನ್ನಲ್ಲಿ ನಾನು, ನನ್ನಲ್ಲಿ ನೀನು 
ಎದೆಯಲ್ಲಿ ಪ್ರೀತಿ, ಕಣ್ಣಲ್ಲಿ ಕಣ್ಣು 
ಎಚ್ಚುತ್ತು ನೋಡಿದ್ರೆ ಎಲ್ಲ ಡೂಪು 
ಆಗ್ಲೇ ಸಂಜೆಗೆಂಪು 
ಆಗ್ಲೇ ಸಂಜೆಗೆಂಪು 
ಜೊತೆಗೆ ನಿನ್ನ ನೆನಪು 
ಆ... ಆಗ್ಲೇ ಸಂಜೆಗೆಂಪು 


ಕುಂಟೋ ಬಿಲ್ಲೆ ಆಟ ಆಡೋಕೆ ಹೋಗಿ 
ಕಾಲೆಡವಿ ಬಂತಂತೆ ರಕ್ತ  
ಹೀಗೊಂದು ಸುದ್ದಿ ಕಿವಿಗೆ ಬಿದ್ದಾಗ 
ನಾನೆಷ್ಟು ಅತ್ತಿದ್ದೆ ಗೊತ್ತಾ 
ಎಂಥ ಮಳೆಯಾದರೂ ನಿಂತು ಬಿಡಬೇಕಲ್ಲ 
ಪ್ರೀತಿಗಿಂತ ಏನೂ ಒಳ್ಳೆದಾಗೆಯಿಲ್ಲ 
ಕಾಲವು ನಿಂತು ಬಿಡಬಾರದೇ?
ನೂರಾರು ಆಸೆ ಬಾಕಿ ಇರುವಾಗ 
ಹೇಳೋದ ಬಿಟ್ಟೆ ನಂಗೇನೋ ರೋಗ 
ಯಾರನ್ನೇ ನೋಡಿದ್ರೂ ನಿಂದೇ ರೂಪು 
ಆಗ್ಲೇ ಸಂಜೆಗೆಂಪು 
ಆಗ್ಲೇ ಸಂಜೆಗೆಂಪು 
ಜೊತೆಗೆ ನಿನ್ನ ನೆನಪು 
ಆ... ಆಗ್ಲೇ ಸಂಜೆಗೆಂಪು 

ರಾ ರ ರಾ.... 


https://youtu.be/pMYnJmRrxXA

Tuesday 23 June 2020

ಕಡಲಿನ ಮೀನಂತೆ ಮರುಗಿದೆ ನಾ

(ಪಲ್ಲವಿ ೧)

(ಹೆಂ) ಕಡಲಿನ ಮೀನಂತೆ ಮರುಗಿದೆ ನಾ 
        ಮುಗಿಯದ ಕನಸೊಂದ ಬಯಸಿದ ನಾ 
        ಮುಗಿಲೆಡೆಗೆ ಮೊಗವಿರಿಸಿ, ಮಳೆ ಹನಿಯ ಸ್ಮರಿಸುತಲಿ
        ನಟಿಸಿ ನಗುವೆ, ಬಯಸಿ ಅಳುವೆ 
        ತೊರೆದು ನಿನ್ನನ್ನು ಗಾಯ ಗೊಳಿಸಿರುವೆ 
        ಮನ್ನಿಸು ನನ್ನ, ಮನ್ನಿಸು ನನ್ನ, ಮನ್ನಿಸು ನನ್ನ

        ನಟಿಸಿ ನಗುವೆ, ಬಯಸಿ ಅಳುವೆ 
        ತೊರೆದು ನಿನ್ನನ್ನು ಗಾಯ ಗೊಳಿಸಿರುವೆ 
        ಮನ್ನಿಸು ನನ್ನ,  ಮನ್ನಿಸು ನನ್ನ,  ಮನ್ನಿಸು ನನ್ನ,  ಮನ್ನಿಸು ನನ್ನ

(ಗಂ)  ನಿನ್ನೇ ಹುಡುಕಾಡಲೆಂದು 
         ಊರೂರಂತೆ ಅಲೆದಾಡಿ ಬಂದೆ 
         ನಿನ್ನಲ್ಲೇ ಕಳೆದು ನಾ ಹೋಗಿರುವೆ 
         ಬರೆದು ಕೊಡುವೆ ಮನಸಾರೆ 
         ಈ ಜೀವನ ನಿನಗಾಗಿ ತಾನೆ 
         ಏರು ಪೆರು ಉಸಿರಾಟದಲೂ 
         ಹಿಡಿದಿಟ್ಟೆ ನಿನ್ನ ಬಯಸಿದ ಹೃದಯದಲಿ 
         ಓ..  ಹಿಡಿದಿಟ್ಟೆ ನಿನ್ನ ಬಯಸಿದ ಹೃದಯದಲಿ 

(ಚರಣ ೧)

(ಹೆಂ)  ಈ ದಾರಿ ತುಂಬ ಹೂ ಚಿಗುರುತಿವೆ 
         ನನ್ನಂತೆ ನೀನೂ ಬೇರೂರಿರುವೆ 
         ಬಿಡುಗಡೆ ನೀಡಿ ಬಂಧಿಸಿದೆ 
         ಮನ್ನಿಸು ನನ್ನ ಒಲವೇ.. 

(ಗಂ)   ಬೀಸುವ ಗಾಳಿ ನೀನಾಗಿಯೇ 
          ಅವಳ ಬಳಿಗೆ ಹೊತ್ತು ಹೋಗು ಬಾ 
          ಗೀಚಿ ಬರೆದ ಹಾಳೆ ಕೊರಗಿದೆ 
          ಈ ಕವಿತೆಗೂ ಉಸಿರಿದೆ

 (ಹೆಂ)  ನಟಿಸಿ ನಗುವೆ, ಬಯಸಿ ಅಳುವೆ 
          ತೊರೆದು ನಿನ್ನನ್ನು ಗಾಯ ಗೊಳಿಸಿರುವೆ 
          ಮನ್ನಿಸು ನನ್ನ,  ಮನ್ನಿಸು ನನ್ನ,  ಮನ್ನಿಸು ನನ್ನ

( ಚರಣ ೨)

(ಹೆಂ)   ಏಕಾಂತದಲ್ಲೂ ನೀ ಜೊತೆಗಾರ 
          ಆರಂಭ ಮಾಡು ಓ ಕಥೆಗಾರ 
          ಮುಗಿಯುದ ಪ್ರೇಮದ ಸರಣಿಯ ನೀನು 
          ಮುಳುಗದ ಪ್ರಣಯದ ದೋಣಿಯು ನೀನು 

         ನಟಿಸಿ ನಗುವೆ, ಬಯಸಿ ಅಳುವೆ 
         ತೊರೆದು ನಿನ್ನನ್ನು ಗಾಯ ಗೊಳಿಸಿರುವೆ 
         ಮನ್ನಿಸು ನನ್ನ, ಮನ್ನಿಸು ನನ್ನ, ಮನ್ನಿಸು ನನ್ನ

(ಗಂ)  ನಿನ್ನೇ ಹುಡುಕಾಡಲೆಂದು 
         ಊರೂರಂತೆ ಅಲೆದಾಡಿ ಬಂದೆ 
         ನಿನ್ನಲ್ಲೇ ಕಳೆದು ನಾ ಹೋಗಿರುವೆ 
         ಬರೆದು ಕೊಡುವೆ ಮನಸಾರೆ 
         ಈ ಜೀವನ ನಿನಗಾಗಿ ತಾನೆ 
         ಏರು ಪೆರು ಉಸಿರಾಟದಲೂ 
         ಹಿಡಿದಿಟ್ಟೆ ನಿನ್ನ ಬಯಸಿದ ಹೃದಯದಲಿ 
         ಓ..  ಹಿಡಿದಿಟ್ಟೆ ನಿನ್ನ ಬಯಸಿದ ಹೃದಯದಲಿ.... 


https://youtu.be/7_RU5mSqX3Y

ಚಿಂತೆ

ಮೋಸ ಮಾಡುವವಗೆ 
ಮೋಸ ಹೋಗುವ ಚಿಂತೆ, ಹೆಚ್ಚು ಕಾಡುವುದು 
ಕಾಸು ಮಾಡಿದವಗೆ 
ಕಾಸು ಕರಗುವ ಚಿಂತೆ, ಹೆಚ್ಚು ಕಾಡುವುದು 
ಇಂದು ಮುಗಿದು ನಾಳೆಯ ಚಿಂತೆ 
ಬದುಕಿನಾಚೆಗಿನ ಸಾವಿನ ಚಿಂತೆ 
ಚಿಂತೆವುಳ್ಳ ದಾರಿಯಲ್ಲಿ ಚಿಂತಿಸದವರ ಚಿಂತೆ 
ಚಿಂತೆಯಿರದ ಸಂತೆಯಲ್ಲಿ ನಿದ್ದೆ ಬಾರದ ಚಿಂತೆ 

ಕೋಪ ಬೀರಿದಲ್ಲಿ ದೀಪ ಆರಲಿಲ್ಲ 
ಶಾಪ ಕೊಟ್ಟರೂನು ಮಬ್ಬು ಮೂಡಲಿಲ್ಲ 
ಹರಿವ ನೀರಿನಲ್ಲಿ ದೋಣಿ ಮುಳುಗಲಿಲ್ಲ 
ಅಂಬಿಗ ಕುರುಡಾಗಿ ಸುಳಿಗೆ ಸಿಲುಕಲಿಲ್ಲ 
ಬಯಸಿದವು ಯಾವೂ ಆಗಲಿಲ್ಲವೆಂಬುದೇ ಚಿಂತೆ 
ಚಿಂತೆಯಿರದ ಸಂತೆಯಲ್ಲಿ ನಿದ್ದೆ ಬಾರದ ಚಿಂತೆ 

ಬಿತ್ತಿಕೊಂಡ ಮೋಡ ಇಲ್ಲಿ ಕರಗಲಿಲ್ಲ 
ಹಾಕಿಕೊಂಡ ಸೀಮೆ ದಾಟಿ ಹಬ್ಬುತಿಲ್ಲ 
ನೆಚ್ಚಿದ ಬಣ್ಣವ ಹೂವು ತಾಳುತಿಲ್ಲ 
ಕದ್ದು ತಂದ ಹಣ್ಣು ರುಚಿಯ ಮರೆಸುತಿಲ್ಲ 
ತನ್ನಿಷ್ಟಕೆ ಏನೂ ಕುಣಿಯುತಿಲ್ಲವೆನ್ನುವ ಚಿಂತೆ 
ಚಿಂತೆಯಿರದ ಸಂತೆಯಲ್ಲಿ ನಿದ್ದೆ ಬಾರದ ಚಿಂತೆ 

ಪ್ರೀತಿಗೆ ಪ್ರತಿಯಾಗಿ ದ್ವೇಷ ಕಾರುತಾರೆ 
ಅಪ್ಪುವ ಬದಲಾಗಿ ಉಸಿರ ಕಟ್ಟುತಾರೆ 
ಎಲ್ಲಕೂ ಮಿಗಿಲಾಗಿ ತಾವೇ ಇರಬಯಸಿ 
ಎಳೆತ, ತುಳಿತಕ್ಕೆ ಸಂಚು ಹೂಡುತಾರೆ 
ತನ್ನವ ಯಾರೆಂದು ಅರಿತುಕೊಳ್ಳಲಾಗದ ಚಿಂತೆ 
ಚಿಂತೆಯಿರದ ಸಂತೆಯಲ್ಲಿ ನಿದ್ದೆ ಬಾರದ ಚಿಂತೆ 

ಗೋಡೆ ಗೋಡೆಗೆ ವಿವಿಧ ಲಕ್ಷಣ 
ಉಪ್ಪರಿಗೆ ಬಳಲಿ ಬಿರಿಯೇ ತಕ್ಷಣ 
ಬಾಗಿಲ ಬಿಗಿಯಾಗಿಸಲು ಏನಂತೆ 
ಉರುಳುಗಂಬಕ್ಕೆ ಕೊಡುವುದೇ ಸಾಂತ್ವನ 
ಇರುವುದನ್ನು ಉಳಿಸಿಕೊಳುವ ಹವಣಿಕೆಯ ಚಿಂತೆ 
ಚಿಂತೆಯಿರದ ಸಂತೆಯಲ್ಲಿ ನಿದ್ದೆ ಬಾರದ ಚಿಂತೆ... 

Monday 22 June 2020

ಎಲ್ಲಿಯೂ ಹೋಗದೆ ಉಳಿದ ತಂಗಾಳಿಯೇ

ಎಲ್ಲಿಯೂ ಹೋಗದೆ ಉಳಿದ ತಂಗಾಳಿಯೇ
ಎಂದಿಗೆ ತಲುಪುವೆ ನನ್ನ ಸಂಗಾತಿಯ?
ಹೇಳಲು ಸೋತಿರೋ ಮಾತು ನೂರಾರಿವೆ 
ಮುಂಬರೋ ಸಾಲಿಗೆ ಮಾಡಿ ಕೊಡು ದಾರಿಯ
ಮೋಹಕ ಸಂಜೆಗೆ ಕಾಯುವ ಹಂಬಲ ನನ್ನದು
ತೀರದ ನೋವನು ವಿವರಿಸಿ ಹೇಳಲು ಆಗದು

ಮತ್ತದೇ ರಂಗಿನ ಉಡುಪು ತೊಟ್ಟಿರುವೆ
ಸಲೀಸಾಗಿ ನಿನಗೆ ಗುರುತು ಸಿಗಲೆಂದು
ಸುತ್ತಲೇ ಸುಳಿದೂ ಕುರುಡಾಗಿ ಬಿಡುವೆ 
ನನಗಿಂತ ಮಿಗಿಲಾದ ಮುರುಳರ ಕಂಡು

ಏನಾದರೇನೀಗ ಮತ್ತೊಮ್ಮೆ ಹೊರಳಿ 
ಬೀಸಿ ಹೋಗು ಬಿರಿದ ಎದೆ ಬೀದಿಯಲ್ಲಿ
ಒಲುಮೆಯ ಎಚ್ಚರಿಸು ತೂಕಡಿಸುವಂತಿರೆ
ಪ್ರೀತಿಯಲಿ ಸೋತವರೇ ಸಾಮಾನ್ಯರಿಲ್ಲಿ
ಮೌನ ರಾತ್ರಿಯ ಕೆಣಕುವ ಹಾಡಿಗೋ ನನ್ನದು 
ಪ್ರಶ್ನೆಯೇ ಇಲ್ಲದೆ ಉತ್ತರ ಹುಡುಕಲು ಆಗದು!

ಮತ್ತಿಗೆ ಕಾರಣ ಹುಡುಕಿ ಹೀರುತಲಿರುವೆ
ಅವಳ ಕಣ್ಣ ನೆನೆದು ಮಂಕಾಯ್ತು ಮದ್ಯ
ತುಟಿ ಮೇಲೆ ನಗುವನ್ನು ನಂಬುವ ಲೋಕ
ಅರಿವುದೇ ಒಳಗೊಳಗೆ ಚೂರಾದ ಸತ್ಯ

ಕಾತರ ಬೆರಳಂಚಿನಲಿ ಸೋತ ಕತೆಗೆ
ಬೇಸರಕೆ ಹರಿದ ಗೂಡಾದಂತಿದೆ ಮನ
ಗೊತ್ತಿರುವ ದಾರಿಯಲಿ ನೂರಾರು ತಿರುವು
ಹೊಸ ದಿಕ್ಕಿನಲ್ಲೀಗ ಪ್ರೇಮ ಪಯಣ
ತೇಲಿ ಹೊರಟ ಮೋಡದ ಪಾಡು ನನ್ನದು
ಕರಗಬೇಕಿರುವಲ್ಲಿ ಪೂರ್ತಿ ಕರಗಲು ಆಗದು

Wednesday 17 June 2020

ಹೇಳು ಗೆಳತಿ ಏನು ಬೇಕು

ಹೇಳು ಗೆಳತಿ ಏನು ಬೇಕು 
ಜನ್ಮ ದಿನಕೆ ಉಡುಗೊರೆ?
ಈಗಿಂದೀಗಲೇ ಕೂಡಿ ಇಡುವೆ 
ಕೊಂಡು ತರಲು ಆದರೆ 
ಕುಹಕ ನಗೆಯ ಬೀರಬೇಡ 
ಮನಸು ಒಪ್ಪದೆ ಹೋದರೆ 
ಬಳಿಕ ನನ್ನ ದೂರಬೇಡ 
ನೀಡಲಿಲ್ಲವಾದರೆ 

ತಡೆದು ನಿಲ್ಲಿಸು ಜಗಳವಾಡುತ  
ನಿನಗೆ ಎಲ್ಲ ಹಕ್ಕಿದೆ 
ಬಹಳವಾಗಿ ಅರಸಿ ಬಂದು 
ನೀನು ನನಗೆ ಸಿಕ್ಕಿದೆ 
ನಗುವಿನಲ್ಲಿ ಚಂದ ನೀನು 
ನಿನ್ನ ದುಃಖ ನನ್ನದು 
ಎಷ್ಟು ಪ್ರೀತಿಸುವೆನೆಂದರೆ 
ಮಾತಲ್ಲಿ ಹೇಳಲು ತೀರದು 

ನನ್ನ ಬಡತನ ಹೊಸತು ನಿನಗೆ 
ರೂಢಿ ಮಾಡಿಕೋ ಮೆಲ್ಲಗೆ
ದ್ವಂದ್ವ ಬದುಕು ತುಂಬ ದೂರ 
ಸಾಗಲಾರದು ಎನಿಸಿದೆ 
ನನ್ನ ಸಿರಿ ನೀ, ನಿನ್ನ ಸಿರಿ ನಾ 
ಯಾವ ಸಿರಿ ಸರಿ ಸಾಟಿಯು 
ಸೇರಿ ತಟ್ಟಲು ಹದ ಸಿಗುವುದು 
ರುಚಿ ಹೆಚ್ಚುತ ರೊಟ್ಟಿಯು 

ಇಗೋ ಹಿಡಿ ಬರಿಗೈಯ್ಯಿ ನನದು 
ಒಂಟಿಯಾಗಲು ಎಂದೂ ಬಿಡದು 
ಖಾಲಿ ಕಿಸೆಯಲಿ ಕನಸು ಆರು 
ನಿನ್ನ ಕೂಡಿ ಮತ್ತೂ ನೂರು
ಮರೆತ ಮಾತ ಮರಳಿ ನೀಡು 
ಕ್ಷಮೆಯ ಖಾತೆ ಭರ್ತಿ ಮಾಡು 
ಪ್ರತಿ ಸಂಜೆ ನಿನ್ನ ಓದುವೆ 
ಕವಿತೆಯಾಗಿ ನನ್ನ ಕಾಡು 

ಇಷ್ಟೇ ಗೆಳತಿ ನನ್ನ ಜಾತಕ 
ಮುಂದಿನಿಂದ ಹಿಂದಕೆ 
ಹಿಂದಿನಿಂದ ಮುಂದಕೆ 
ಒಂದೇ ಎಣಿಕೆ, ಒಂದೇ ಲೆಕ್ಕ 
ಇನ್ನು ಮೇಲೆ ಏರು ಮುಖವ 
ಕಾಣಬಹುದು ಬಾಳ ರೇಖೆ 
ಕುಂದು ಕೊರತೆಯ ನೀಗಿಸಿ 
ನೀನಿರುವೆಯಾದರೆ ನನ್ನ ಪಕ್ಕ 

Tuesday 16 June 2020

ನೆರಳನೀವ ಮರವೇ

ನೆರಳನೀವ ಮರವೇ 
ನಿನಗೆ ಬಿಸಿಲ ಭಯವೇಕೆ?
ಹಂಗಿನಲ್ಲಿ ಕ್ಷೇಮ ನಾನು 
ಮಡಿಲ ನಂಬಿದುದಕೆ 

ಉಸಿರಿನಲ್ಲಿ ನಿನ್ನ ಧ್ಯಾನ
ನೀನೇ ಇರದೆ ಇರದು ಪ್ರಾಣ
ಹಕ್ಕಿ ಗೂಡಿಗೆ ನೆಲೆಯು ನೀನು 
ನೀನು, ದೇವರು ಒಂದೆಯೇನು?
ಹೇಳು ಮರವೇ ಏನು ಬೇಕು?
ಇಗೋ ಕೊಡಲಿ ಪೆಟ್ಟು ನಾಕು!

ಚಂದ್ರನಿರದೆ ಬಿಕೋ ಎನಲು 
ಕತ್ತಲಷ್ಟೇ ಸುತ್ತುವರೆದು 
ಬುಡದ ಮುನೇಶ್ವರನ ದೀಪ
ಹೊಟ್ಟೆ ತುಂಬ ಶುದ್ಧ ತುಪ್ಪ 
ಯಾರು ಕೊಟ್ಟಾರೋ ಬೆಳಕ
ಕಡಿದುಬಿಡುತಾರೋ ಬಳಿಕ?

ಬೀಸಿ ಬಂತು ಬಿರುಗಾಳಿ 
ಮೈಯ್ಯೊದರಿದಂತೆ ಭುವಿ 
ಹತ್ತಾರು ಮರವು ಸತ್ತು 
ವಿಷಯ ನಿನ್ನ ಕಿವಿಗೂ ಬಿತ್ತು 
ಅಳುಕದೆ ನೀ ಒಂದಿಷ್ಟೂ 
ಈರ್ಷೆ ಇಗೋ ಮತ್ತಷ್ಟು 

ಧೋ ಎಂದು ಬಂತು ಮಳೆ 
ಕೊಚ್ಚಿ ಹರಿದು ಹೋಯ್ತು ಇಳೆ 
ಸಾವು ನೋವಿಗಿಲ್ಲ ತಡೆ 
ನಿನ್ನ ನಿಲುವು ಒಂದೇ ಕಡೆ 
ಆಶ್ಚರ್ಯಕ್ಕಿಲ್ಲ ಕೊನೆ 
ಇಗೋ ಉರುಳಿ ಬಿತ್ತು ಮನೆ!

ಸಾಕೀ...ಸಾಕೀ

ಸಾಕೀ... (೪)
ಎದೆಯ ಕದವ ನೂಕಿ
ಒಳಗೆ ಸುಳಿಯೇ ಸಾಕೀ
ಹೃದಯ ಹೃದಯ ತಾಕಿ
ಒಲವಾಗಿಸು ಬಾ ಸಾಕೀ..
ಸಾಕೀ.. (೪)

ಮನಸಿನ ಮರೆಯಲ್ಲಿ ಅರಳಿದೆ ನೀನಂದು
ಸೇರಿರುವೆ ಈಗ ಉಸಿರನ್ನೂ
ಕರೆದರೆ ನೆರವಾಗಿ ಕನಸಿಗೆ ಬರಬೇಕು
ದಾಟಿಸಲು ಕವಿದ ಇರುಳನ್ನು
ಮಿನುಗೋ ನಕ್ಷತ್ರ ಇರಿಸಿ ಕಣ್ಣಲ್ಲಿ
ಕರಗೋ ನನ್ನನ್ನು ಬಳಸು ಭರದಲ್ಲಿ
ಕಾಯುವ ಮನಸಿಲ್ಲ ಈ ಜೀವಕೆ

ಸಾಕೀ.. (೪)
ಮುಗುಳು ನಗೆಯ ಜೀಕಿ 
ಹಗುರಾಗಿಸೆಲೇ ಸಾಕಿ 
ಹೃದಯ ಹೃದಯ ತಾಕಿ
ಒಲವಾಗಿಸು ಬಾ ಸಾಕೀ..

ನುಡಿಯದೆ ಏನನ್ನೂ ವಿನಿಮಯವಾದಂತೆ
ಭಾವದ ಸಂದೇಶ ಇದು ಹೊಸತು
ದಿನಚರಿ ಮುಗಿವಂತೆ ಕಾಣದು ಇಂದೇಕೋ
ಬರೆಯಲು ಮೊದಲಾಗಿ ಈ ಕುರಿತು
ಮರಳಿ ಮನಸಾಗಿ ಬರಲಿ ತಂಗಾಳಿ
ಕಾದು ಕೂರೋಣ ಕಿಟಕಿ ಬಳಿಯಲ್ಲಿ
ಬೇಗುದಿ ಹೊಸತಲ್ಲ ಈ ಜೀವಕೆ

ಸಾಕೀ.. (೪)
ಕೊನೆಯ ಮಾತು ಬಾಕಿ 
ಕೀಳಿ ಹೋಗೇ ಸಾಕಿ 
ಹೃದಯ ಹೃದಯ ತಾಕಿ
ಒಲವಾಗಿಸು ಬಾ ಸಾಕೀ..

Saturday 13 June 2020

ಪ್ರೀತಿಯೆಂಬುದು ಸಾಗರದಂತೆ, ಪ್ರೀತಿ ಮಳೆಯ ಬಿಂದು

ಪ್ರೀತಿಯೆಂಬುದು ಸಾಗರದಂತೆ, ಪ್ರೀತಿ ಮಳೆಯ ಬಿಂದು 
ಪ್ರೀತಿಯೆಂಬುದು ಹೂ ಬಿರಿದಂತೆ, ಪ್ರೀತಿ ಸುಧೆಯ ಸಿಂಧು 
ಪ್ರೀತಿಯಿಂದಲೇ ಚಿಗುರೊಡೆಯುವುದು, ಪ್ರೀತಿಯೊಂದು ಜಾದು 
ಪ್ರೀತಿ ಜಗವ ಸಲಹುತಲಿಹುದು, ಪ್ರೀತಿ ದೇವರೂ ಹೌದು 
ತೀರದಂಥ ಮಾಯೆಯಂತೆ, ಚಂದವಾಗಿ ಕಾಡುವಂತೆ 
ಈ ಪ್ರೀತಿಯೇ ಧ್ಯಾನವು...

ನಿನ್ನ ಕಂಡು ಹಾಡೋ ಆಸೆ ಈ ಜೀವಕೆ 
ನೋಡಿ ನೋಡದಂತೆ ಹೋದೆ ನೀ ಏತಕೆ? --- ೨

ಯಾರೇ ಆದರೂ ಬಾಗಲೇ ಬೇಕು, ಪ್ರೀತಿಯೆದುರು ಸೋತು 
ಎಲ್ಲ ಹೇಳಲು ಆಗುವುದಿಲ್ಲ, ಮೌನ ತಾಳಲು ಮಾತು 
ತಾಳ ತಪ್ಪಿತು ನನ್ನೆದೆ ಈಗ, ಗೀಚಿ ನಿನ್ನ ಕುರಿತು 
ನೂರು ಜನ್ಮಗಳಾದರೂ ಬೇಡ, ನೀನು ಇರದ ಹೊರತು  

ಪ್ರೀತಿ ಬಂಧಿಸುವ ಬಲೆಯಂತೆ, ಪ್ರೀತಿ ಅಲೆಯ ವಿಹಾರ 
ಪ್ರೀತಿ ನಶೆಯ ಮಾದರಿಯಂತೆ, ಮುಳುಗಿದವರ ಪ್ರಾಕಾರ 
ಪ್ರೀತಿ ಕನ್ನಡಿ ಬಿಂಬದ ಹಾಗೆ, ನಮ್ಮದೇ ಚಿತ್ತಾರ 
ಪ್ರೀತಿಗಿಲ್ಲ ಯಾವುದೇ ಹೆಸರು, ಯಾವುದೇ ಆಕಾರ  
ತೀರದಂಥ ಮಾಯೆಯಂತೆ, ಚಂದವಾಗಿ ಕಾಡುವಂತೆ 
ಈ ಪ್ರೀತಿಯೇ ಧ್ಯಾನವು... 

ನಿನ್ನ ಕಂಡು ಹಾಡೋ ಆಸೆ ಈ ಜೀವಕೆ 
ನೋಡಿ ನೋಡದಂತೆ ಹೋದೆ ನೀ ಏತಕೆ? --- ೨

ನಿನ್ನ ಮೋಹಿಸಿ ಅದೇಕೋ ಮರುಳಾಗಿರುವೆ 
ನನ್ನ ಕನಸಲ್ಲೂ ನೀ ಬಂದು ಮನೆ ಮಾಡಿರುವೆ --- ೨

ಎಲ್ಲೆ ಮೀರಿ ಬಂದೆ ನೋಡು, ನಿನ್ನ ಗುಂಗಿನಲ್ಲಿ 
ತುಂಬಿಕೊಂಡೆ ನಿನ್ನೇ ಪೂರಾ, ನನ್ನ ಕಣ್ಣಿನಲ್ಲಿ 
ಇಬ್ಬರದ್ದೂ ಒಂದೇ ಯಾನ, ಬಾಳ ದಾರಿಯಲ್ಲಿ 
ನೀನೇ ಬೇಕು ಅನ್ನೋದೊಂದೇ ಪಟ್ಟು ಮನಸಿನಲ್ಲಿ 

ಪ್ರೀತಿ ಕುರುಡು ಆದರೂ ಕೂಡ, ಬಣ್ಣ ಮಾರೋ ಸಂತೆ 
ಪ್ರೀತಿಯೊಂದೇ ಉಳಿವುದು ಕೊನೆಗೆ, ಏಕೆ ಬೇರೆ ಚಿಂತೆ 
ಪ್ರೀತಿ ಸಹಜ ಜೊತೆಗುಳಿಯುವುದು, ಆಡುವ ಉಸಿರಂತೆ 
ಪ್ರೀತಿ ಬಿಸಿಲ ದಣಿವಾರಿಸಲು, ದೊರಯುವ ನೆರಳಂತೆ 
ತೀರದಂಥ ಮಾಯೆಯಂತೆ, ಚಂದವಾಗಿ ಕಾಡುವಂತೆ 
ಈ ಪ್ರೀತಿಯೇ ಧ್ಯಾನವು... 

ನಿನ್ನ ಕಂಡು ಹಾಡೋ ಆಸೆ ಈ ಜೀವಕೆ 
ನೋಡಿ ನೋಡದಂತೆ ಹೋದೆ ನೀ ಏತಕೆ? --- ೨

https://youtu.be/cBG2w085N04

Thursday 11 June 2020

ಗಝಲ್ (ಉರಿದ ಒಡಲು ಬೆಳಗುವ ದೀಪವ ಹೇಗೆ ನಂಬಬೇಕು?)

ಉರಿದ ಒಡಲು ಬೆಳಗುವ ದೀಪವ ಹೇಗೆ ನಂಬಬೇಕು?
ಎಡವಿದ ಉಂಗುಟ ಕಲ್ಲು ದೇವರ ಏಕೆ ನಂಬಬೇಕು?

ನದಿಯ ಬಿರುಸಿಗೆ ತಟದ ಮಣ್ಣು ಕೊಚ್ಚಿ ಹೋಗುವಾಗ 
ಮಳೆಯ ಮಾತನು ಚುಗುರು ಬಳ್ಳಿ ಹೇಗೆ ನಂಬಬೇಕು?

ಪಾದರಕ್ಷೆಯಿರದೆ ಮುಳ್ಳು ಚುಚ್ಚಿ ನೋಯುವಾಗ 
ಬೆಟ್ಟದಂಚಿನ ದೇವಾಲಯಗಳ ಏಕೆ ನಂಬಬೇಕು?

ನಮ್ಮೊಳಗಿನಾತ್ಮವ ಎಚ್ಚರಗೊಳಿಸಲು ಸೋತು 
ಪರಮಾತ್ಮನನ್ನೋಲಿಸುವ ಸ್ತೋತ್ರಗಳ ಹೇಗೆ ನಂಬಬೇಕು?

ಮೌಢ್ಯಗಳ ಸರಕನ್ನು ನಂಬಿಕೆಯ ಸಂತೆಯಲಿ ಮಾರಿ 
ಮುಕ್ತಿಗೆ ಖಾತರಿ ನೀಡದ ದಲ್ಲಾಳಿಗಳ ಏಕೆ ನಂಬಬೇಕು?

ತನ್ನ ದೇವರು ಇನ್ನು ದೇವರಿಗಿಂತ ಮಿಗಿಲೆಂದು ನಂಬಿಸಲು 
ಸುಳ್ಳಾಡಿದವನು ದೇವರೇ ಎಂದು ಹೇಗೆ ನಂಬಬೇಕು?

ಮುರಿದ ಹಡಗಲ್ಲಿ ಸರ್ವಧರ್ಮ ದೇವರುಗಳ ಸ್ಥಾಪಿಸಿ 
ಸಾಗರವು ಧರ್ಮ ಮುಕ್ತವೆಂದರೆ ಏಕೆ ನಂಬಬೇಕು?

ಕಷ್ಟಗಳು ದೇವರ ಪರೀಕ್ಷೆಯೆಂದೂ, ಸುಖ-ದುಃಖಗಳು ಫಲಿತವೆಂದೂ 
ಜೀವನಾನುಭವಗಳ ಅಷ್ಟು ಸಲೀಸಾಗಿಬಿಟ್ಟರೆ ಹೇಗೆ ನಂಬಬೇಕು?

ಗಝಲ್ (ಸುಟ್ಟ ಗಾಯ ಸುಟ್ಟಾಗಿಗಿಂತ ನಂತರಕೆ ತಾ ನೋಯುವುದು)

ಸುಟ್ಟ ಗಾಯ ಸುಟ್ಟಾಗಿಗಿಂತ ನಂತರಕೆ ತಾ ನೋಯುವುದು 
ಕಳೆದ ಪ್ರೀತಿ ಹೀಗೇ ತಾನೆ ನೆನಪ ತರಿಸುತ ನೋಯುವುದು 

ಮರೆತು ಬರಲು ಇನ್ನೆಲ್ಲೋ ಒಲವ ಹೊಸತು ದಾರಿಯ ಹಿಡಿದಿರಲು 
ಎಷ್ಟೇ ಎಚ್ಚರ ವಹಿಸಿ ನಡೆದರೂ ಮುಳ್ಳು ಚುಚ್ಚುತ ನೋಯುವುದು 

ಕೆಡವಿ ಬಿಟ್ಟ ಕಲ್ಲೊಳಗೆ ಈಗಲೂ ಏಕೋ ಈ ಪರಿ ಪರಿತಾಪ?
ಕೆತ್ತಿಕೊಂಡ ಉಳಿ ಸುತ್ತಿಗೆಯಿನ್ನೂ ಪಕ್ವವಾಗುತ ನೋಯುವುದು 

ಮೂಖವಾಗಿ ತಾನುಳಿದ ಗಾಳಿ ಸಿಕ್ಕ ಕೊರಳನು ಸೇರುತಲೇ 
ಬಿಕ್ಕಿ ಅಳುತ ಎದೆ ಭಾರಗೊಳಿಸೆ ಕಣ್ಣು ಹನಿಯುತ ನೋಯುವುದು 

ಜೀವವನ್ನೇ ಹಿಂದಿಕ್ಕಿ ಬಂದು ಗುರಿ ತಲುಪಿದಂತೆ ಗೆಲುವಾದಾಗ 
ಸೋತವುಗಳ ಬವಣೆ ಕಂಡು ಮನಸು ಮರುಗುತ ನೋಯುವುದು 

ನುಡಿಯುವಂತೆ ಹಾಲಕ್ಕಿಯೊಂದು ಮುಂಬಾಗಿಲಲ್ಲಿ ಗೂಡನು ಕಟ್ಟಿ 
ಸಂಭವಿಸಬಹುದಾದ ನಾಳೆಗಳ ಸುಳುವು ನೀಡುತ ನೋಯುವುದು 

ತಂಪು ನೆರಳು ತಂಗಾಳಿ ಸುಳಿದು ಧರೆ ಸ್ವರ್ಗವೇ ಎಂಬಂತಿರಲು 
ಹಿಡಿದ ಲೇಖನಿ ವಿರಹ ಗೀತೆಯ ಬಯಸಿ ಬರೆಯುತ ನೋಯುವುದು 

ಸೋತ ಪ್ರೇಮಿ ಹೀಗಿರಲು ಲೋಕ ತನ್ನನ್ನು ಹೇಗೆ ಬಣ್ಣಿಸಬಹುದು?
ಇತಿಹಾಸ ಪುಟಗಳ ಕೆದಕಲು ಬೆರಳು ಖಂಡಿತ ನೋಯುವುದು!!

ಮಳೆಯ ಹಿಂದೆ ಬಿಸಿಲು ಬಂದು

ಮಳೆಯ ಹಿಂದೆ ಬಿಸಿಲು ಬಂದು
ಮೂಡಿತಿಲ್ಲಿ ಕಾಮನ ಬಿಲ್ಲು
ಹಿಡಿದು ತಂದೆ ಚಿಟ್ಟೆಯೊಂದ 
ಕೊಡುವೆ ನಿನಗೆ ಓಡದೆ ನಿಲ್ಲು
ಗೀಚಿಕೊಳ್ಳುವೆ ಸಾಲನು
ಮನದ ಖಾಲಿ ಪುಟದಲಿ
ಉಳಿಸಿಕೊಳ್ಳುವೆ ಆಸೆಯ
ಹೇಳಲಾಗದೆ ಎದುರಲಿ
ಈಗಾಗಲೇ ತುಂಬ ತಡವಾಗಿದೆ
ಹೇಳೋದು ಇನ್ನೂ ಬಾಕಿ ಇದೆ..

ಕಿಟಕಿ ಗಾಜಿಗೆ ಚಿಟ-ಪಟ 
ಮಾತು ಕಲಿಸಿತು ಮಳೆ ಹನಿ
ದೋಣಿ ಮಾಡಿ ಪುಟಗಳ
ತೇಲಿ ಬಿಡುವೆ ತಾಳು ನೀ
ಜರುಗಿ ಹೋಗಲಿ ಈಗಲೇ
ಒಂದು ಸಣ್ಣ ಕದನವು
ಸೋತು ಇಬ್ಬರೂ ಕೂರುವ
ಸರಿದು ಹೋಗಲಿ ಕಾಲವು
ಮೊಗ್ಗೆಲ್ಲವೂ ಈಗ ಅರಳೋಕಿದೆ
ಹೇಳೋದು ಇನ್ನೂ ಬಾಕಿ ಇದೆ..

ಬಿಡಿಸ ಬೇಕಿದೆ ಒಗಟನು
ಸಿಗುವೆಯಾದರೆ ಕನಸಲಿ
ಕರೆದು ಹೋಗುವೆ ನಗುವನು
ಇರಿಸಿ ನಿನ್ನ ತುಟಿಯಲಿ
ಬೀಸೋ ಗಾಳಿಯ ಸೊಗಸನು
ಉಸಿರಿನಾಳಕೆ ಇಳಿಸುವ
ಉದುರಿದೆಲೆಗಳ ಎಣಿಸುತ
ಮರದ ನೆರಳಿಗೆ ತಿಳಿಸುವ
ಈ ದಾರಿಯೂ ಕೂಡ ಮುಗಿವಂತಿದೆ
ಹೇಳೋದು ಇನ್ನೂ ಬಾಕಿ ಇದೆ..

ಕಣ್ಣಿಗೊರಗಿದ ಕಾಡಿಗೆ
ಇರಲಿ ಅದರ ಪಾಡಿಗೆ
ಏನೋ ಹೇಳಿದೆ ಆಲಿಸು
ಮಾತು ಕಲಿತ ಗುಂಡಿಗೆ
ನೀಳವಾಯಿತು ನೀರಸ
ಚೂರು ರಂಜಿಸು ಮೇಘವೇ
ದೂರ ದೂರ ಉಳಿದರೆ
ಪ್ರೀತಿಯಾಗಲು ಸಾಧ್ಯವೇ
ನೀನೆಂದರೆ ಮೌನ ಮಿತಿ ಮೀರಿದೆ
ಹೇಳೋದು ಇನ್ನೂ ಬಾಕಿ ಇದೆ..

https://www.youtube.com/watch?v=ef26kRv8M1Q

Wednesday 3 June 2020

ಫಾರಿನ್ ರಿಟರ್ನು ಫ್ರೆಂಡು

ಫಾರಿನ್ ರಿಟರ್ನು ಫ್ರೆಂಡು
ಫೋನು ಮಾಡಿ ಮದುವೆ ಫಿಕ್ಸಾಯ್ತು ಅಂದ
ಎಣ್ಣೆ ಪಾರ್ಟಿನ ಇಟ್ಟು
ಕಂಠ ಪೂರ್ತಿ ಕುಡಿದು ತೂರಾಡಿ ಅಂದ
ಸೆಂಟು ಗಿಂಟು ಹಾಕಿಕೊಂಡು
ಕಲ್ಲರ್ಫುಲ್ಲಾಗಿ ರೆಡಿ ಆಗಿ ಬಂದ 
ಊರಿಗೂರೇ ನೋಡೋ ಹಂಗೆ
ರಿಚ್ಚಾಗಿ ಪಾರ್ಟಿ ಮಾಡಿ ಅಂತ ಅಂದ 
ಪೋಲಿಸು ಕೇಸು ಆದ್ರೂ ನಮ್ಗೆ ಮಿನಿಸ್ಟರ್ರು ಕ್ಲೋಸು

ಡಿ.ಜೆ ಮಾಮ... ಡಿ.ಜೆ ಮಾಮ...  
ಡಿ.ಜೆ ಮಾಮ ಏನೇ ಮಾಡು, ಸೌಂಡು ಸ್ವಲ್ಪ ಜಾಸ್ತಿ ಮಾಡು 
ಡಿಚಕ್... ಡಿಚಕ್...
ಡಿ.ಜೆ ಮಾಮ ಏನೇ ಮಾಡು, ಸೌಂಡು ಸ್ವಲ್ಪ ಜಾಸ್ತಿ ಮಾಡು 
ಡಿಚಕ್... ಡಿಚಕ್...

ಬೀರು, ರಮ್ಮು, ವಿಸ್ಕಿ ಸುರ್ಕೊಂಡು
ತಲೆ ಮಾಂಸ ಸಾರು, ಚರ್ಬಿ ಬೋಟಿನ ತಿನ್ಕೊಂಡು
ಕುಡಿಯದವರ ಕಾಲೆಳೆದುಕೊಂಡು 
ಗ್ಯಾಪಲ್ಲಿ ಚೋರಿ ಪೋರಿಗಳ ಕ್ಯಾಚಾಕ್ಕೊಂಡು
ಬಾರೋ ಸಿಸ್ಯ ಸ್ಟೆಪ್ಪಾಕೋಲೋ
ಫ್ರೆಂಡು ಲೈಫು ಸೂಪರ್ರಾಗಿ ಇರ್ಲಿ ಎಂದೂ
ಗುಂಡು-ತುಂಡು ಜೋಡಿ ಹಂಗೆ
ನೂರ್ಕಾಲ ಸುಖವಾಗಿ ಬಾಳಿ ಎಂದೂ
ಇಷ್ಟು ಬೇಗ ಡಲ್ಲಾಗಿ ಹೋಯ್ತು ಯಾಕೆ ಫೇಸು?

ಡಿ.ಜೆ ಮಾಮ... ಡಿ.ಜೆ ಮಾಮ...  
ಡಿ.ಜೆ ಮಾಮ ಏನೇ ಮಾಡು, ಸೌಂಡು ಸ್ವಲ್ಪ ಜಾಸ್ತಿ ಮಾಡು 
ಡಿಚಕ್... ಡಿಚಕ್...
ಡಿ.ಜೆ ಮಾಮ ಏನೇ ಮಾಡು, ಸೌಂಡು ಸ್ವಲ್ಪ ಜಾಸ್ತಿ ಮಾಡು 
ಡಿಚಕ್... ಡಿಚಕ್...

ಗಝಲ್ (ಎಷ್ಟು ಸುಂದರ ಊಹೆಯ ಬದುಕು, ನಾನು ನಿನ್ನಲಿ ಬೆರೆತಿರಲು)

ಎಷ್ಟು ಸುಂದರ ಊಹೆಯ ಬದುಕು, ನಾನು ನಿನ್ನಲಿ ಬೆರೆತಿರಲು 
ಎಂಥ ಸಂಜೆಯೂ ನವಿರೇಳುವುದು, ನಿನ್ನ ಗುಂಗಲಿ ಬೆರೆತಿರಲು

ಮುರಿದ ಬಾಗಿಲ ಗುಡಿಸಲಿನೊಳಗೂ, ಬೆಂದ ಅಂಬಲಿ ಏನು ರುಚಿ
ಬೆಚ್ಚಗೆ ಹೀರುತ ಒಲೆಯೆದುರಲ್ಲಿ, ಕಣ್ಣು ಕಣ್ಣಲಿ ಬೆರೆತಿರಲು

ಸಾತ್ವಿಕವಾಗಿ ಉಳಿದು ತನ್ನ ನೆಲೆಯನು ಕಂಡುಕೊಳ್ಳುವ ಬಣ್ಣ
ರೂಪಾಂತರಗೊಳ್ಳುವುದೇನೀ ಪರಿ ಬಣ್ಣದ ನೀರಲಿ ಬೆರೆತಿರಲು

ನನ್ನ ದಿನಚರಿ ಒಂದೇ ಆಗಿದೆ, ಮತ್ತೂ ಖಾಲಿಯಾಗುತ ಸಾಗಿದೆ
ಪದಗಳು ಪತ್ತೆ ಹಚ್ಚಿವೆ ನಿನ್ನ ಮನಸಿನ ಪುಟದಲಿ ಬೆರೆತಿರಲು

ರಾಶಿ ರಾಶಿ ಬಯಕೆಗಳ ಹೇಳಲಾಗದೆ ಉಸಿರು ಕಟ್ಟಿಹುದು
ನನ್ನ ಪಾಡು ಹಾಡಾಗುವುದೇ, ನಿನ್ನ ದ್ವನಿಯಲಿ ಬೆರೆತಿರಲು?

ಅರ್ಧಕೆ ನಿಂತ ಕವಿತೆಗಳು ಪರಿಪೂರ್ಣತೆಗೆ ಪಟ್ಟು ಹಿಡಿಯುತಿವೆ
ಅಲಂಕಾರಗೊಂಡಿಳಿದವು ನೀನು ಸಾಲು ಸಾಲಲಿ ಬೆರೆತಿರಲು

ಇಬ್ಬರದೂ ಒಂದೇ ದಾರಿ, ಒಂದೇ ಪಯಣ, ಒಂದೇ ಗುರಿ
ನಾನೇ ಹೊತ್ತು ಸಾಗುವೆ, ಸುಮ್ಮನೆ ನೀ ಎದೆಯಲಿ ಬೆರೆತಿರಲು

ಗಝಲ್ (ಏಕೆ ಮಾಗಿದ ಎಲೆ ಉದುರುವುದು ಈ ಪರಿ)

ಏಕೆ ಮಾಗಿದ ಎಲೆ ಉದುರುವುದು ಈ ಪರಿ 
ಮಾತು ಮುಗಿಸಿದ ಮನ ಮರುಗುವುದು ಈ ಪರಿ 

ಸಂತೆಯಲಿ ಸಿಗುವ ಮುಖ ಏಕಾಂತದಲಿ ಸಿಗದೆ  
ಕನಸಿನಲೂ ಹಿಂಜರಿದು ಕಾಡುವುದು ಈ ಪರಿ 

ಹಿಡಿತಕ್ಕೆ ಕೈಯ್ಯೊಡ್ಡಿ, ಉಂಗುರಕೆ ಬೆರಳೊಡ್ಡಿ
ಬದುಕಿಗೆ ಸಿಗದಂತೆ ಓಡುವುದು ಈ ಪರಿ 

ಕಣ್ಣು ಕಣ್ಣಿನ ನಡುವೆ ಸೇತುವೆಯ ಕಟ್ಟಿಯೂ 
ದಾಟಿ ಬರದೆ ದೂರ ಉಳಿವುದು ಈ ಪರಿ 

ತವಕದಿಂದೆರಗಿದರೂ ನಿರ್ಭಾವ ಸ್ಥಿತಿ ತಲುಪಿ 
ಮಿಡಿಯದ ಎದೆ ನೀರವತೆ ಇದು ಈ ಪರಿ 

ನೀಲಿ ಆಗಸದಲ್ಲಿ ಬಿಳಿ ಶಾಯಿಯ ಬರಹ 
ಮುಗಿವಷ್ಟರಲ್ಲಿ ಇರುಳು ಕವಿದು ಈ ಪರಿ 

ಹಗುರಾಗಲು ಉಸಿರ ಹಂಗು ತೊರೆದ ಒಡಲು 
ನಿಟ್ಟುಸಿರನಿಡಲು ಪರಿತಪಿಸಿಹುದು ಈ ಪರಿ 

ವಿರಹದಲಿ ವಿಹರಿಸಲು ಮುರಿದ ಹಡಗಲಿ ಕೂತು 
ರುದ್ರ ಅಲೆಗಳು ಸಂವಹಿಸುವುದು ಈ ಪರಿ 

ದಣಿವಾರಿ ಕೊಳದಲಿ

ದಣಿವಾರಿ ಕೊಳದಲಿ  ಕೆಂದಾವರೆ ಅರಳಿದೆ  ಮುಗಿಲೇರಿ ಬರದಲಿ  ಹನಿಗೂಡಲು ಇಳಿದಿದೆ  ರವಿಕಾಂತಿ ಸವಿಯುತ  ಹರಳಂತೆ ಮಿನುಗುತಾ  ಬೆರಗಲ್ಲೇ ತಯಾರಿಯಾಗುತಿದೆ  ಮನದಂಗಳ ಮುಂಜಾನೆಯ...