ಕರೆವೆ ಮತ್ತೆ ಮತ್ತೆ ಇದೋ

ಕರೆವೆ ಮತ್ತೆ ಮತ್ತೆ ಇದೋ

ಮನಸಿನೊಳಗೆ 

ನಿನಗೆಲ್ಲ ತಿಳಿವಂತೆ

ಅರಿವೆ ಏನಂದುಕೊಂಡರೂ

ನಿನ್ನೊಳಗಿರುವ 

ನಾನೆಲ್ಲ ಕಲಿತಂತೆ

ಬರುವೆ ಮುಂಚಿತವಾಗಿ

ಎದುರುನೋಡುತ ಕೂತು

ನಿನಗಾಗಿ, ನಿನಗಾಗಿ

ನೂರಾರು ಕಾಲಕ್ಕೂ

ಹೀಗೇನೇ ಒಂದಾಗಿ

ಬಳೋಣ ನಾವಿನ್ನೂ

ಹಾಯಾಗಿ.. ಹಾಯಾಗಿ

ಈ ಪ್ರೇಮ ಯಾನಕ್ಕೆ

ಸುತ್ತೋಲೆ ನೀಡುತ್ತ

ಸುತ್ತಾಡಿಕೊಳ್ಳೋಣ

ಹಾಯಾಗಿ.. ಹಾಯಾಗಿ

ಒಂದು ಎಲೆಯು ಉದುರೋದು

ಮತ್ತೆ ಚಿಗುರಿ ಅರಳೋಕೆ

ಕಳೆದುಕೊಂಡುದ ನೆನೆದು

ಇರುವ ಕ್ಷಣವ ಕಳಿಬೇಕೆ?

ನೆನಪ ಸಂತೆಯ ತುಂಬ

ನಮ್ಮ ಹೆಜ್ಜೆಯ ಗುರುತು

ಹುಡುಕೋಣ.. ಹುಡುಕೋಣ..

ಒಂದೂರಿನಲ್ಲೊಬ್ಬ

ಚೆಲುವಾಂತ ಮಾರಾಯ

ಯುವರಾಣಿ ಹುಡುಕುತ್ತ

ಬಂದಂತೆ.. ಬಂದಂತೆ..

ಆ ರಾಣಿ ಯಾರೆಂದು

ಕಣ್ಣಾರೆ ಕಂಡಾಗ

ದಂಗಾಗಿ ನಿಲ್ಲುತ್ತ

ಸೋತಂತೆ.. ಸೋತಂತೆ..