ಮೆಲ್ಲಗೆ ತೆರೆಯಲಿ ಎರಡೂ ಮನಸಿನ ದ್ವಾರ

ಮೆಲ್ಲಗೆ ತೆರೆಯಲಿ ಎರಡೂ ಮನಸಿನ ದ್ವಾರ

ಹತ್ತಿರ ಆಗುವ ಮಾತು ಉಳಿಯಲಿ ದೂರ 

ಮೊದಲ ನೋಟ ಬೆರೆತಾಗ 

ಗಾಢವಾಯಿತು ಅನುಬಂಧ 

ತೊದಲುವಾಗ ಏನೇನೋ 

ಹೇಳಲಾಗದ ಆನಂದ 

ಜೊತೆಗೆ ಕಳೆದ ಮಧುರ ಸಮಯ 

ಕ್ಷಣವೆಲ್ಲವ ಸೇರಿಸಿ ಹಾಡುವ ಹಾಡೊಂದ 

ಈ ಕಾಡೋ ಮಳೆಯಲಿ

ನೆನೆಯುವ ಆ ಖುಷಿಯೇ ಬೇರೆ

ಈ ಕಾಡೋ ಮಳೆಯಲಿ

ಮನಸಿದು ಸೂರೆ..

ನಾ ಕುಳಿತಿರುವಲ್ಲೇ

ನೀ ನೆನಪಿಗೆ ಬಂದಾಗ

ಆ ನೆನೆಪುಗಳ ಕವಿತೆಗೆ ನಿನ್ನ ಹೆಸರಿಡುವೆ

ನಾವಿಬ್ಬರೂ ಬೆರೆತ

ಆ ಜಾಗವೇ ಕುರುಹಾಗಿ

ನಾಳೆಗೆ ಒಲವ ಗುರುತುಗಳಾಗಿ ಬರೆದಿಡುವೆ

ಪ್ರತಿ ಪದ ತಲುಪಿದ

ಹೃದಯವಿನ್ನೂ ನಿನದೇನೇ

ಬರಹಕೆ ನಿಲುಕದ ಚಂದ ಭಾವನೆ

ಗರಿಗೆದರಿದ ಮನಸಿಗೆ ಜಿಗಿಯುವ ಬಯಕೆಯು

ಹೇಗೆ ತಡೆದಿಡಲಿ?

ಈ ಕಾಡೋ ಮಳೆಯಲಿ

ನೆನೆಯುವ ಆ ಖುಷಿಯೇ ಬೇರೆ

ಈ ಕಾಡೋ ಮಳೆಯಲಿ

ಮನಸಿದು ಸೂರೆ..

ಓಲೈಸುವೆಯೇನು 

ಹಾತೊರೆಯುತ ನನ್ನನ್ನು

ನಾ ಪ್ರತಿ ಇರುಳು ಧಾವಿಸಿ ಬರುವೆ ಕನಸಲ್ಲೂ

ಈ ಥರ ಉಸಿರಲ್ಲಿ

ಯಾರನೂ ಬೆಸೆಯದ ನಾನು

ನಿನ್ನಲೇ ಬೆರೆತು ಹೋಗುವೆ ಒಪ್ಪಿಗೆಯಾ ಹೇಳು

ತಳಮಳ ತರಿಸುತ ತಣಿಸುವಾತ ನೀನೇನಾ

ಅಧರಕೆ ಸರಿಗಮ ಕಲಿಸಲೇ ದಿನ

ಹೊಸ ಅಲೆಯಲಿ ಚಲಿಸುತ ಬರುವೆನು ಬಳಿಯಲಿ

ದಡದಲೇ ಕಾಯುವೆಯಾ..

ಈ ಕಾಡೋ ಮಳೆಯಲಿ

ನೆನೆಯುವ ಆ ಖುಷಿಯೇ ಬೇರೆ

ಈ ಕಾಡೋ ಮಳೆಯಲಿ

ಮನಸಿದು ಸೂರೆ..