ಹೃದಯವೇ ನೆಮ್ಮದಿಗಾಗಿ
ಹುಡುಕಾಡುವೆ ಎಲ್ಲೆಲ್ಲೋ ಸಾಗಿ
ಬಯಸಿದ ಹಾಗೆ ಬದುಕು ನಡೆಸೋಕೆ
ನಾ ಹೊರಟು ನಿಂತಂತೆ
ದಾರ ಹರಿದು ಬಿಟ್ಟ ಮುಗಿಲೆಂಬ
ಗಾಳಿ ಪಟದಂತೆ
ಎಲ್ಲ ಮೋಹ ಮೀರಿದಾಗ
ಭೂಮಿಗೆರಗಲೇ ಬೇಕು
ಮತ್ತೆ ಹಾರುವ ಹಂಬಲಕೆ
ಮನವು ಹಾತೊರೆಯಲೇಬೇಕು
ಹಂಬಲ ನೆಮ್ಮದಿಗಾಗಿ
ಅಲೆದಾಡುವೆ ಆ ಸಲುವಾಗಿ.. ಹಂಬಲ..
ಅಲೆಗಳು ಸಾಲುಗಟ್ಟಿವೆ
ಆ ಒಂದೇ ದಡ ಮುಟ್ಟಲು
ರೆಕ್ಕೆಯು ಬಲಿತರೆ ಸಾಲದೆ
ಆಗಸಕೇಕೆ ಮೆಟ್ಟಿಲು
ತಡವಾಗಿಯೇ ಆದರೂ
ಆ ಗುರಿಯ ತಲುಪೋಕಿದೆ
ಅವಮಾನಿಸೋ ದಾರಿಗೆ
ಮೈಲಿಗಲ್ಲು ನೆಡಬೇಕಿದೆ
ಆರಂಭ… ಆರಂಭ
ಆರಂಭ ಪ್ರತಿ ಹೆಜ್ಜೆಯಿದು
ಆ ದೂರ ಪಯಣಕ್ಕೆ
ಅರಿಯದೆ ತಪ್ಪಿದ ತಿರುವುಗಳಿವು
ಪಾಠ ಇಟ್ಟ ಪಾದಕ್ಕೆ
ಕಲ್ಲು ಮುಳ್ಳುಗಳ ದಾಟಿ
ಎಲ್ಲೋ ತಾಣವಿರಬೇಕು
ಅಲ್ಲಿ ಬೀಳೋ ಕನಸಲ್ಲೂ
ಬೀಳದ ಹಾಗೆ ಸ್ಥಿರತೆಯಿರಬೇಕು..
ನೆಮ್ಮದಿ ಬದುಕೋದಕಾಗಿ
ಬದುಕೋದೆ ನೆಮ್ಮದಿಗಾಗಿ...
ಖುಷಿ... ಖುಷಿ .. ಖುಷಿ ..
ನೆಮ್ಮದಿ ಖುಷಿಯಲಿ
ಖುಷಿಯಲೇ ನೆಮ್ಮದಿ...
No comments:
Post a Comment