ಬೆರಳೆಣಿಕೆಯಷ್ಟು ಬಣ್ಣಗಳ ತಂದು
ಬೆರೆಸಿ ಕೂತರೆ ಅಲ್ಲಿ ಅದೆಷ್ಟು ಬಣ್ಣಗಳು?
ಒಂದಕ್ಕೆ ಮತ್ತೊಂದು, ಮತ್ತೆರಡು, ಮತ್ತಷ್ಟು
ಬಣ್ಣದ ಅಂತ್ಯವಾದರೂ ಯಾವುದು?
ಕೊಂಚದಲ್ಲಿಯೇ ಕುಂಚ ಮೋಸಕ್ಕೆ ಸಿಲುಕಿತು
ಕಪ್ಪು ಹೆಚ್ಚಾಯಿತು ಕಗ್ಗತ್ತಲಿಗೆ
ಬಿಳುಪು ಹೆಚ್ಚಾಯಿತು ಹಾಲ್ಗಡಲಿಗೆ
ಹಸಿರು ಇನ್ನಷು ಹಸಿರು, ಕೆಂಪು ಕಡುಗೆಂಪು
ನೇರಳೆಯ ನೇರಕ್ಕೆ ಹಳದಿಯ ಹೂ ಅರಳಿ
ರೋಜಾ ಮುಳ್ಳಿಗೂ ಬಂತು ನಾಚಿಕೆ ಮೆರಗು
ಬೆರಳ ಗುರುತಿನ ಒಳಗೆ ಬಣ್ಣ ಬಣ್ಣದ ವ್ಯೂಹ
ಏಕಕ್ಕೆ ಸಾಲದೇ ಅನೇಕ ಸೋಗು!!
ತೊಗಲ ಬಣ್ಣವ ಎಂದು ಲೆಕ್ಕಿಸಿತು ಹಾಳೆ?
ಬಿಡಿ ರೇಖೆಗಳೇ ಹೊರಡಿಸಲಿ ಸುತ್ತೋಲೆ
ಗೀಚಿಕೊಂಡವರೆದೆಯ ಬಡಿತಗಳೇ ಏರಿಳಿತ
ಆತ್ಮ ಸ್ವರೂಪವೇ ಒದಗುವ ಚಿತ್ರ
ಇಲ್ಲದ ಬಣ್ಣದಲೂ ಇದೆ ನೂರು ಬಣ್ಣ
ತೆರೆದು ಕಂಡರೆ ಮಾತ್ರ ಒಳಗಣ್ಣ
ಬಣ್ಣ ಎಲ್ಲವ ಕೂಡಿ ಸಮವಾದ ತಾಣ
ನಿಜ ಬಣ್ಣವೆಂಬುದೇ ಇಲ್ಲ ಕಾಣ...
- ರತ್ನಸುತ
ಬೆರೆಸಿ ಕೂತರೆ ಅಲ್ಲಿ ಅದೆಷ್ಟು ಬಣ್ಣಗಳು?
ಒಂದಕ್ಕೆ ಮತ್ತೊಂದು, ಮತ್ತೆರಡು, ಮತ್ತಷ್ಟು
ಬಣ್ಣದ ಅಂತ್ಯವಾದರೂ ಯಾವುದು?
ಕೊಂಚದಲ್ಲಿಯೇ ಕುಂಚ ಮೋಸಕ್ಕೆ ಸಿಲುಕಿತು
ಕಪ್ಪು ಹೆಚ್ಚಾಯಿತು ಕಗ್ಗತ್ತಲಿಗೆ
ಬಿಳುಪು ಹೆಚ್ಚಾಯಿತು ಹಾಲ್ಗಡಲಿಗೆ
ಹಸಿರು ಇನ್ನಷು ಹಸಿರು, ಕೆಂಪು ಕಡುಗೆಂಪು
ನೇರಳೆಯ ನೇರಕ್ಕೆ ಹಳದಿಯ ಹೂ ಅರಳಿ
ರೋಜಾ ಮುಳ್ಳಿಗೂ ಬಂತು ನಾಚಿಕೆ ಮೆರಗು
ಬೆರಳ ಗುರುತಿನ ಒಳಗೆ ಬಣ್ಣ ಬಣ್ಣದ ವ್ಯೂಹ
ಏಕಕ್ಕೆ ಸಾಲದೇ ಅನೇಕ ಸೋಗು!!
ತೊಗಲ ಬಣ್ಣವ ಎಂದು ಲೆಕ್ಕಿಸಿತು ಹಾಳೆ?
ಬಿಡಿ ರೇಖೆಗಳೇ ಹೊರಡಿಸಲಿ ಸುತ್ತೋಲೆ
ಗೀಚಿಕೊಂಡವರೆದೆಯ ಬಡಿತಗಳೇ ಏರಿಳಿತ
ಆತ್ಮ ಸ್ವರೂಪವೇ ಒದಗುವ ಚಿತ್ರ
ಇಲ್ಲದ ಬಣ್ಣದಲೂ ಇದೆ ನೂರು ಬಣ್ಣ
ತೆರೆದು ಕಂಡರೆ ಮಾತ್ರ ಒಳಗಣ್ಣ
ಬಣ್ಣ ಎಲ್ಲವ ಕೂಡಿ ಸಮವಾದ ತಾಣ
ನಿಜ ಬಣ್ಣವೆಂಬುದೇ ಇಲ್ಲ ಕಾಣ...
- ರತ್ನಸುತ
No comments:
Post a Comment