ಪುಟವ ತೆರೆದಂತೆ ಹೊಸ ದಿನ

ಪುಟವ ತೆರೆದಂತೆ ಹೊಸ ದಿನ

ಪುನಃ ಮರುಕಳಿಸೋ ಪ್ರತಿ ಕ್ಷಣ

ನೆನ್ನೆ ನಾಳೆಯ ನಡುವೆ 

ತೆರೆದು ನಿಂತಿದೆ ಜಗವೇ 

ಬದುಕಿನ ಸಾರಾಂಶವೇ ನಗುವಲ್ಲಿದೆ

ಬಿಡುಗಡೆ ಸಿಗಲಾರದೆ ಬದುಕೆಲ್ಲಿದೆ..? (1)

ಹತ್ತಿರ ಕರೆದಾಗ ದೂರವೇ ಉಳಿವಂಥ

ಅಂಧಕಾರಕೆ ಬೆಳಕು ಕಾವಲಾಗಿದೆ

ಆಸೆಯ ಕಡಲಲ್ಲಿ ಮುಳುಗುವ ನೆರಳನ್ನು

ನಂಬಿದ ಅಲೆ ದಡಕೆ ನೂಕಿದಂತಿದೆ

ಕಾಡುವ ಆ ಪ್ರಶ್ನೆಯೇ ಉತ್ತರಿಸಿದೆ
ನಿನ್ನ ನೀ ಹುಡುಕಾಡಲು ಇಲ್ಲಿ ಸ್ಥಳವಿದೆ .. (2)

ಹಾರುವ ಹಂಬಲಕೆ ಕ್ಷಿತಿಜವೇ ಗುರಿಯಾಗಿ

ರೆಕ್ಕೆ ತಾಳುವ ವಯಸು ಇಂದು ನಮ್ಮದು 
ಎಲ್ಲಿಯೂ ತಲೆ ಬಾಗಿ ನಿಲ್ಲದ ಮನಸೊಂದು

ಜೊತೆಗೆ ಇದ್ದರೆ ಸೋಲು ಎದುರುಗೊಳ್ಳದು

ಜಾರುವ ಕಣ್ಣೀರಿದು ಸಾಹಿತ್ಯವೇ

ನೀರವ ಆವರಿಸಲು ಮಾಧುರ್ಯವೇ.. (3)