ಎದುರಾಗುವೆ ನಾ ನಿನಗೆ

ಎದುರಾಗುವೆ ನಾ ನಿನಗೆ 

ಹೆದರದಿರು ಕನಸಿನಲೂ 

ಉಸಿರಾಗುವೆನು ಜೊತೆಗೆ 

ಪ್ರೀತಿಸುತ ಬದುಕಿಸಲು 

ಹೇಗಾದರೂ ನಗಿಸಿ 

ನಾ ನಗುವೆನು 

ಹೂ ಮೂಡಿಸೋ ನೆಪದಲ್ಲಿ 

ಬಳಿ ಬರುವೆನು 

ಈ ಬದುಕ ನಿನಗಾಗಿ ಬರೆದಿಡುವೆನು 

ಮಳೆ ಬರುವ ಮುನ್ನ 

ಕವಿದಂತೆ ಮೋಡ 

ಹನಿ ಹನಿ ಅಕ್ಷರದ ಕವಿತೆ ಹೊಸೆಯುತಿದೆ 

ಮನ ತಣಿಸುವಾಗ 

ಈ ನಿನ್ನ ಹಾಡು 

ಇನಿ ದನಿಗೆ ಶರಣಾಗಿ ಹೃದಯ ಸೋಲುತಿದೆ

ಮಿತಿ ಮೀರಿ ಬಂದಾಗ ಪ್ರೇಮ 

ನನ್ನಂತೆ ಮರುಳಾಗುತಾರೆ 

ನಿನ್ನ ಹೊರತು ಈಗ ನನಗೆ 

ಪರಿಹಾರ ಯಾರು ಕೊಡುತಾರೆ? 

ಗರಿಗೆದರಿದಂತೆ 

ಬಲಹೀನ ಬಯಕೆ 

ನಿನ್ನೆಸರ ಪಿಸುಗುಡುತ ಜಪ ಮಾಡಿದಂತೆ 

ಅಲೆ ಹೊತ್ತು ಹರಕೆ 

ದಡ ತಲುಪಿದಾಗ 

ನೀ ಬರೆದ ಮರಳ ಬರಹವ ದೋಚಿದಂತೆ 

ಅನುರಾಗ ಎರೆದಂತೆ ರಾಗ 

ನಾ ನಿನ್ನ ವಶವಾಗುವಾಗ 

ನೆರವಾಗು ನೀ ಆಗಿ ಬೇಗ 

ಬಹುಪಾಲು ಜೀವನದ ಭಾಗ