Wednesday, 12 May 2021

ತಾಮಸ ನೆಲದಲ್ಲಿ

ತಾಮಸ ನೆಲದಲ್ಲಿ 
ದೀಪವ ಹಚ್ಚಿದವ 
ನೀರಸ ಬದುಕಲ್ಲಿ 
ಬೆಳಕನು ಚೆಲ್ಲಿದವ 
ಮೂಡುವ ನಗುವನ್ನು 
ಬಾಡದೇ ಕಾಯುವವ 
ಕಣ್ಣನು ತೆರೆಸುತಲೇ 
ಮನಸನು ಮುಟ್ಟಿದವ 

ಕರುಣೆಯ ಅಕ್ಷರದಿ  
ಹಣೆಯನು ಒತ್ತುತಲಿ 
ಹಸ್ತವ ಚಾಚುತಲಿ 
ಭಾಷೆಯ ನೀಡಿದವ 
ಆಧರಿಸುತಲೇ 
ಕಾಯೋ ಸೈನ್ಯ ನೀನು 
ನಿನ್ನನ್ನು ಹೋಲೋ ಬೇರೆ ಜೀವ ಇರದಯ್ಯಾ
ಜೈ ಜೈಕಾರ, ಜೈ ಜೈಕಾರ
ಕಾಯೋ ನಮ್ಮ ಓ ಸರದಾರ 
ಜೈ ಜೈಕಾರ, ಜೈ ಜೈಕಾರ
ಕಾಯೋ ನಮ್ಮ ಓ ಸರದಾರ 

ತಲೆ ಮಾರಿನ ಆಚರಣೆಗಳ ಲೋಪ ದೋಷವ ತಿದ್ದುತಲಿ 
ಈ ವೇಳೆಯ ನಾಳೆಗೆ ಮಾದರಿ ಮಾಡಲು ಹೊರಟಿರುವ 
ಸರಿ ದಾರಿ ತೋರುತ ತಾನೂ ಹೆಜ್ಜೆಗೆ ಹೆಜ್ಜೆಯ ಹಾಕುತಲಿ 
ಈಗಾಗಲೇ ಮುಟ್ಟಿದ ಗುರಿಯನು ನಮಗೂ ಮುಟ್ಟಿಸುವ 
ಉರಿ ಬೇಗೆಯ ನೀಗುವ ಸೋನೆ 
ನೀನಿದ್ದೆಡೆ ಹಬ್ಬವೇ ತಾನೆ?
ಆ ಸೂರ್ಯ ನೀನೇ, ಚಂದ್ರ ನೀನೇ, ಲೋಕ ನೀನೇ 
ಒಂಟಿ ಸಲಗ ನೀನೈಯ್ಯಾ 
ಜೈ ಜೈಕಾರ, ಜೈ ಜೈಕಾರ
ಕಾಯೋ ನಮ್ಮ ಓ ಸರದಾರ 
ಜೈ ಜೈಕಾರ, ಜೈ ಜೈಕಾರ
ಕಾಯೋ ನಮ್ಮ ಓ ಸರದಾರ 

No comments:

Post a Comment

ದೂರದಲ್ಲಿ ಯಾರೋ ನನ್ನ ಕೂಗಿದಂತಿದೆ

ದೂರದಲ್ಲಿ ಯಾರೋ ನನ್ನ ಕೂಗಿದಂತಿದೆ  ಹತ್ತಿರದಲ್ಲಿ ಬಂದು ಕೂತುಕೊಂಡ ಹಾಗಿದೆ  ಯಾವ ಮಾತಿಲ್ಲದೆ, ಮೌನವೇ ಸಾಗಿದೆ  ಹೋಗಿ ಬಂದು ನಿಲ್ಲಲಿಲ್ಲ  ಎಚ್ಚರಿಸಿ ಕೇಳಲಿಲ್ಲ ನನ್ನಂತ...