ಪಲ್ಲವಿ
ಶುಭಮಂಗಳ ಬೆಳದಿಂಗಳ ಸುರಿ
ಬೆಳಗಲಿ ಮನದಂಗಳ
ಕರಿ ಉಬ್ಬಿನ ಅಲೆಯೆಬ್ಬಿಸಿ
ಬಲೆಯಾಗಿಸಿದೆ ಆ ಕಂಗಳ
ಮುಂಗುರುಳಿನ ಮುಂಗೋಪವ
ಕಿವಿ ಮರೆಗೆ ಸರಿಸುವೆ ವಾಹ್ ರೇ ವಾಹ್
ತುಟಿ ಹಿಗ್ಗಿಸಿ, ನಗೆ ಉಕ್ಕಿಸಿ
ಹಂಚುತ್ತಲಿರುವೆ ಸಿಹಿ ಪೊಂಗಲ
ಚರಣ
ಎಪ್ಪತ್ತರ ಆ ಆರತಿ
ಅವರ ಥರ ನಿನ್ನ ಕೀರುತಿ
ಹಳೆ ಕಾಲದ ಹೆಸರಾದರೂ
ಹೊಸತೊಂದು ಸೆಳೆವ ಜಾದು
ಹತ್ತತ್ತಿರ ನಾ ವಾಲುವೆ
ಪ್ರಣಯ ರಾಜ ಪ್ರಭಾಕರ
ಶ್ರೀನಾಥರ ಅವತಾರವ
ಪಡೆದು ಬರಲೇ ಇಂದು
ಮಿನುಗೋ ತಾರೆ
ರಮಿಸೋ ನೀರೆ
ನಿನ್ನ ಜೋಡಿ ನಾನು
ಕರಗಿ ಹೋದ
ಹೃದಯ ನಿನದೇ
ದೋಚಿ ಹೋಗು ನೀನು..
No comments:
Post a Comment