ಗಾಜಿನಂಥ ಕೆನ್ನೆ ಮೇಲೆ

ಗಾಜಿನಂಥ ಕೆನ್ನೆ ಮೇಲೆ

ಈಜಿ ಹೊರಟ ಕಂಬನಿ

ಮೋಜಿನಲ್ಲಿ ಗೀಚಿಕೊಂಡು 

ಚುಚ್ಚಿ ಹೋದ ಲೇಖನಿ 

ಬಾಳ ಕಥನದಲ್ಲಿ 

ತಿರುವು ಮುರುವು ನೂರು 

ನೆನಪ ಬುಟ್ಟಿಯಲ್ಲಿ 

ಮುಳ್ಳು ಸಹಿತ ಹೂವು 

ಯಾವ ದಿಕ್ಕಿನಲ್ಲಿ 

ನಗುವ ಕಾಣಲಿ 

ಯಾರ ಗುಂಗಿನಲ್ಲಿ 

ಅವಳ ಮರೆಯಲಿ 

ನೋವೂ ಕೂಡ ಮಾತನಾಡಬಹುದು 

ನಗುವು ಹಾಗೇ ಮೌನವಹಿಸಬಹುದು 

ಕಲ್ಲು ತಾನೇ ಕರಗಿ ಹೋಗಬಹುದು 

ನೀರು ಪ್ರಾಣವನ್ನೇ ಕಸಿಯಬಹುದು 

ಇಷ್ಟೆಲ್ಲಾ ಅರ್ಥವಾಗಲು 

ಬರಬೇಕಾಯಿತು ನೀ ನನ್ನ ಬಾಳಿಗೆ 

ಇನ್ನಷ್ಟು ಬೇಕು ಅಂದರೂ 

ಮಾಯವಾಗಿ ಹೋದೆ ನೀ ಮುಗುಳಾಚೆಗೆ