ಮಬ್ಬು ಮುಸುಕನು
ಹೊದ್ದ ರಾತ್ರಿ
ತೂಗು ಜೋಳಿಗೆ ಇದೋ
ಕದ್ದು ನೋಡುವ
ಚಂದ್ರನಿಲ್ಲ
ಸದ್ದು ಮೂಡದೇ
ಹೇಳು ಎಲ್ಲಿಗೆ
ತೇಲಿ ಹೋದೆ
ತಂಪು ಗಾಳಿಯೇ ಇರು
ತೂಗುವಾಟವು
ಬೇಕು ಎಂದು
ಕೋಪಗೊಂಡಿದೆ ತರು
ವಿನೋದವೆಲ್ಲ ನಿನ್ನ ಹಿಂದೆ
ತಯಾರಿಯಾಗಿ ನಿಂತ ಹಾಗೆ
ಇರಾದೆ ನಿನ್ನದೇನು ಹೇಳು...
ಚಿಲಿಪಿಲಿ ಇದೇ ರಾಗ ಎದೆಯಲಿ
ಬೆರೆಸುವೆ ಪದೆ ಹೀಗೇ ಉಸಿರಲಿ
ಗುನುಗಲು ಅದೇಕೋ ನೀ ಮರೆಯಲಿ
ಕನಸಿಗೂ ಸಕಾಲ ಈ ಜೊತೆಯಲಿ
ಮರೆಯದಂತೆ ಒಂದೂ ನಿಮಿಷ ತುಂಬು ದಿನಚರಿ
ಎಲ್ಲವನ್ನೂ ಮೀರಿ ಬಂದೆ ನೀನೇ ಅಚ್ಚರಿ
ತರರಾರ ರಾ ರ
No comments:
Post a Comment