ಇಲ್ಲೇ ಎಲ್ಲೋ ಕಳೆದಂತೆ ಮನಸು
ಎಲ್ಲೆ ಮೀರಿ ಹೋದಂತೆ ಕನಸು
ನೀ ಕಂಡ ಮೇಲೆ, ಬದಲಾದ ವೇಳೆ
ಅರಿವಿಲ್ಲದಂತೆ ಸಾಗಿತೇನೋ...
ನಿನ್ನಂದವ ಕೊಂಡಾಡಲು
ಆಯಾಸವೇ ಆಗದಲ್ಲ
ಏನೊಂದನು ಗೀಚಿಟ್ಟರೂ
ಸೋಲುತ್ತಿವೆ ಪದವೆಲ್ಲ
ಅವಿತುಬಿಡಲೇನು ನಿನ್ನ ನೆರಳಲ್ಲೇ
ಸರಿಯದಿರು ಚೂರೂ, ಹೇಳದಂತೆ...
ಇಲ್ಲೇ ಎಲ್ಲೋ ಕಳೆದಂತೆ ಮನಸು
ಅದು ಎಲ್ಲಿ ಕಳುವಾಯ್ತೋ ತಿಳಿಸು
ನೀ ಕಂಡ ಮೇಲೆ, ಬದಲಾದ ವೇಳೆ
ಅರಿವಿಲ್ಲದಂತೆ ಸಾಗಿತೇನೋ...
ಹೊಂಬಣ್ಣದ ಕಾರಂಜಿಯು
ಚಿಮ್ಮುತ್ತಿದೆ ಹೋದಲ್ಲೆಲ್ಲ
ಕೂಡಿಟ್ಟರೂ ಕದ್ದೋಡುವೆ
ನೀ ಅರ್ಥವೇ ಆಗುತ್ತಿಲ್ಲ
ತುಟಿಗೆ ತುಟಿಯನ್ನು ಎಳೆದು ತರುವಾಗ
ಮುಗಿಯದಿರೋ ಪಾಡು ಏತಕೋ..
No comments:
Post a Comment