ಊದುಗೊಳವೆ ಹಾಡು

ಇರುಳ ಹಾಸಿಗೆ ಮಡಿಲು
ತುಂಟ ಗೊಲ್ಲನ ಕೊಳಲು
ಹೊಮ್ಮಿ ಬರಲು ನಾದ
ತೆಕ್ಕೆಯಾದಳು ರಾಧ

ಮಾತು ಮುಗಿಯುವ ವೇಳೆ
ನಾಚಿ ಹೊರಳಿದ ಹಾಳೆ
ಪದವೊಂದು ತಾ ಉಕ್ಕಿ 
ಶೃಂಗಾರವೇ ಬಾಕಿ

ಕಚ್ಚಿದೊಡೆ ನಾಲಿಗೆಯು
ಹುಚ್ಚೆದ್ದು ಪುಳಕದಲಿ
ಮೂಡಿತು ಸೊಲ್ಲು
ಹಚ್ಚಾದ ಸಾಲು

ಕಣ್ಗಪ್ಪು ಕರಗಿ
ಕೆಂಪೆದ್ದ ಕೆನ್ನೆ
ಹಸಿದ ಬಾಯಿಗೆ ಸಿಕ್ಕ 
ಹಸಿ ಕಡಿದ ಬೆಣ್ಣೆ

ಕೊಳಲು ಮೂಖಿ ತಾನು
ಬಿಸಿಯುಸಿರು ಸೋಕಿ
ಮೆಲ್ಲ ನುಡಿಯಿತು ವೀಣೆ
ತಂಗಾಳಿ ತಾಕಿ

ಮತ್ತೆ ಊದುವ ಕೊಳವೆ
ಹಾಳೆ ಹೊರಳುವ ಸಲುವೆ
ಕವಿದ ಕತ್ತಲ ಕಾವ್ಯ
ಜೊನ್ನ ಶಿಶುವೆ !!

                  -- ರತ್ನಸುತ