ತೆರೆಯ ಸರಿಸಿ

ತೆರೆಯ ಸರಿಸಿ ಮರೆಯಾಗಿರುವ ಮುಖವ ತೋರು ಒಮ್ಮೆ

ಮುಗುಳು ನಗೆಯ ಬೀರಿ, ಮರುಳ ಮಾಡು ನನ್ನ

ಸನಿಹ ಬರುವ ಸಮಯ ತಿಳಿಸಿ ಬೇಕೆಂದೇ ತಡ ಮಾಡು

ಕಾದು ತಾಳುವೆ ಅಲ್ಲೇ, ಕಣ್ಣಲ್ಲೇ ನೂರು ಬಣ್ಣ 

ನಿದಿರೆ ಬಾರದ ರಾತ್ರಿಗಳ, ವರದಿ ಕೇಳದೆ ಹೋಗುವೆಯಾ

ಅದರೋ ಮಾತನು ಅರಿಯದೆಲೆ, ಅಳೆದು ತೂಗುವೆಯಾ

ಕರೆದು ಹೋಗುವೆ ಸನ್ನೆಯಲೇ, ಪ್ರೀತಿ ಮಾಡಲು ಕಲಿಸುವೆಯಾ 

ತಪ್ಪು ಮಾಡಲು ಮುದ್ದು ಮಾತಲೇ ನನ್ನ ತಿದ್ದುವೆಯಾ  

ಕವಿ ಪುಂಗವರು ಶರಣಾಗುವರು ಹಾಡಿ ಹೊಗಳಲು ನಿನ್ನ 

ಸಾಲಲಿ ಮೊದಲು ನಿಂತವ ನಾನೇ ಕರುಣೆ ತೋರದಿರು

ಪ್ರತಿಯೊಂದರಲೂ ಕೊಂಕನು ಹುಡುಕೋ ಚತುರೆ ಅಲ್ಲವೇ ನೀನು

ಬೇರೆ ಹೆಸರ ಹಿಡಿದು ಕರೆವೆ ಯುದ್ಧವೇ ನಡೆಸಿ ಬಿಡು

ಎಲ್ಲೇ ಹೋದರೂ ಬೆಂಬಿಡದೆ, ನೀನೂ ಹಾಜರಿ ಹಾಕಿರುವೆ 

ಎಲ್ಲ ಅರಿತರು ಸುಮ್ಮನೆ ನೀ, ನನ್ನ ಕಾಡಿಸುವೆ

ನಿನ್ನ ಮುನ್ನುಡಿ ಇಲ್ಲದಿರೋ, ನಾನು ಖಾಲಿ ಪುಸ್ತಕವೇ 

ನೀನು ಅಂಕವ ನೀಡದೆ ಹೋದರೆ ಸೊನ್ನೆ ಆಗಿರುವೆ 

**ಹಾಡು**

https://soundcloud.com/bharath-m-venkataswamy/0k3xr7jc5dmv