ಪ್ರೀತಿ ಅಂದರೇನು?
ಹುಡುಕಿ ಹೊರಟೆ ನಾನು
ಎಲ್ಲ ಭಾವ ತೀರವನ್ನೂ
ಕೇಳಿ ಬಂದ ಮೀನು
ನಿನ್ನ ಕಣ್ಣಿನಾಳದಲ್ಲಿ
ನನ್ನ ಕಂಡು ಹಿಗ್ಗಿದವನು
ನಾನಿನ್ನೂ ನಿನ್ನವನು
ನೀ ನನ್ನ ಜೀವದಣು
ನಾನು ಮತ್ತು ನೀನು
ಬೇಡ ಇನ್ನೂ ಏನೂ
ನಾನು ಮತ್ತು ಜಾನು...
ಇದ್ದ ಪ್ರಾಣವನ್ನು
ಪಣಕೆ ಇಟ್ಟ ಮೇಲೆ
ಏನೇ ಆದರೂನೂ
ದಕ್ಕ ಬೇಕು ತಾನು
ಲೆಕ್ಕ ಮಾಡಲಾಗದಷ್ಟು
ನಗುವ ಸರಕು ತಂದು
ಸುರಿದೆ ತುಂಬಿದೆದೆಯ
ಮಿಂದು ಹೊಮ್ಮುವಂತೆ ನೀನು
ನಾನು ಮತ್ತು ನೀನು
ಬೇಡ ಇನ್ನೂ ಏನೂ
ನಾನು ಮತ್ತು ಜಾನು...
No comments:
Post a Comment