ಈ ಮರುಳನ ಬಾಳಿಗೆ

ಪಲ್ಲವಿ... 

ಈ ಮರುಳನ ಬಾಳಿಗೆ 

ಹೊಸತು ದಾರಿ ನೀ ತೋರಿದೆ 

ಈ ಕವಿದ ಕನಸಲ್ಲಿಯೂ 

ನಿನದೇ ಮಧುರ ಮಳೆಯಾಗಿದೆ 

ಕಳೆದ ಪ್ರತಿ ಕ್ಷಣವೆಲ್ಲವೂ 

ನವಿರು ನೆನಪಾದಂತಿವೆ 

ನೀ ಬಿಡಿಸಿದ ಮೌನಕೆ 

ಅರಳೋ ತುಟಿಯೇ ಮಾತಾಗಿದೆ 

ನೀ ಕಲಿಸಿದ ಹಾಡನೇ 

ಮನವು ಬಯಸುತ ಹಾಡಿದೆ 

ಕರಗೋ ಹಿಮವಾಗುತ್ತಲೇ 

ಬಳಿಗೆ ಹರಿದೆ ಮೆಲ್ಲಗೆ 

ಚರಣ ೧

ಆರಂಭವೇ ಹೀಗೆ ಆಹ್ಲಾದವಾಗಿ

ಅನುಭಂದದ ಸವಿ ಕೈ ಬೀಸಿ ಕೂಗಿ 

ನನ್ನಲ್ಲಿ ಈ ನಿನ್ನ ಸ್ವೀಕಾರವಾಗಿ 

ಸಂತೋಷವು ನಮ್ಮ ಅನುಯಾಯಿಯಾಗಿ  

ಬಾ ತೆರೆಯಲು ಬಾಗಿಲ

ಬೆಳಕು ಕೊಡುವ ಚೈತನ್ಯವೇ 

ಬಾ ಬೆರೆಯಲು ಕೂಡಲೇ 

ಒಲವ ಸೆಲೆಯ ಅಧ್ಯಾಯವೇ 

ಚರಣ ೨

ತಂಗಾಳಿ ಕೂಡ ತಂಪಾದ ಹಾಗೆ  

ನೀನೆಲ್ಲೇ ಕಾಲಿಟ್ಟರೂ 

ಖುದ್ದಾಗಿ ನೀನೇ ನೆರವಾದ ಹಾಗೆ 

ನಾನೆಲ್ಲೇ ಕಂಗೆಟ್ಟರೂ 

ಆಗಾಗ ಮೂಡಲಿ ಮುನಿಸು 

ಕಣ್ಣೋಟ ಸಮರವೇ ಸೊಗಸು 

ನಾ ಸೋತು ಶರಣಾಗುವೆ 

ನಾ ನಿನ್ನ ಸಮವಾಗುವೆ... 

ಪಲ್ಲವಿ 

ಈ ಮರುಳನ ಬಾಳಿಗೆ 

ಹೊಸತು ದಾರಿ ನೀ ತೋರಿದೆ 

ಈ ಕವಿದ ಕನಸಲ್ಲಿಯೂ 

ನಿನದೇ ಮಧುರ ಮಳೆಯಾಗಿದೆ 

ಕಳೆದ ಪ್ರತಿ ಕ್ಷಣವೆಲ್ಲವೂ 

ನವಿರು ನೆನಪಾದಂತಿವೆ