ಅರೆ ಬರೆ ಕನಸಿದು ನನ್ನದಾಗಿದೆ

 ಅರೆ ಬರೆ ಕನಸಿದು ನನ್ನದಾಗಿದೆ 

ಪರಿಚಯ ಮಾಡಸೇ ನಿನ್ನ ಕೂಗುವೆ 

ಯಾವುದಾದರೂ ಒಳ್ಳೆ ಹೆಸರಿಡು ನನ್ನ ಪಾಡಿಗೆ 

ಬಿಡುಗಡೆ ನೀಡದ ನಿನ್ನ ಕಣ್ಣಲಿ 

ಸೆರೆಮೆನೆ ಅನುಭವ ಹೇಗೆ ಹೇಳಲಿ 

ಎಲ್ಲ ಆಲಿಸು ಮನಸು ನೀಡುತ ಎದೆಯ ಗೂಡಿಗೆ 

ಬಿಡುವೇ ಇರದೇ ಗಮನ, ಹರಿಸು ನನ್ನ ಕಡೆಗೇ 

ಆಗಲೇ ನಾನು ನಿನ್ನ ಗುಂಗಲಿ ಕಳೆದು ಹೋಗಿರುವೆ... 

ಹತ್ತಿರವಾಗಲು ನಾನು, ಒಗಟನ್ನು ಹೆಣೆಯುತ ಬರುವೆ 

ಬಿಡಿಸುವ ಭರದಲಿ ಆಗ ಮತ್ತೂ ದೂರ ಓಡದಿರು 

ಮೆಚ್ಚುಗೆ ಪಡೆಯಲು ಹೇಗೋ ಉತ್ತಮನಾಗಿಯೇ ನುಡಿವೆ 

ತಪ್ಪುಗಳನ್ನು ಹುಡುಕುತ ನನ್ನ ಬಯಲಿಗೆ ಎಳೆಯದಿರು 

ಎಲ್ಲೇ ಹೋಗು ಜೊತೆಗೆ, ನೆರಳಾಗಿ ಸಾಗಿ ಬರುವೆ 

ಆಗಲೇ ನಾನು ನಿನ್ನ ನಗುವಿಗೆ ಮಾರು ಹೋಗಿರುವೆ.. 

ಹಬ್ಬಿದೆ ಸಂಕಟವೇಕೋ, ಕೊರಳ ಬಿಗಿದಿದೆ ಬಳಸಿ 

ನಿನ್ನನು ಕಾಣದೆ ನಿಮಿಷವೇ ಆದರೂ ಸಾವು ಸುಳಿದಂತೆ 

ಕಬ್ಬಿಗನಾಗುವೆ ನಿನ್ನ ನೆನೆಯುತ ಕಾವ್ಯ ಬಿಡಿಸಿ 

ಏನೇ ಹೇಳು ಪ್ರೀತಿ ಸಿಕ್ಕರೆ ಜಗವ ಗೆದ್ದಂತೆ 

ಪ್ರೀತಿ ಒಂದೇ ಕೆಲಸ, ಬೇರೇನೂ ಬೇಡದು ಹೃದಯ 

ಆಗಲೇ ನಾನು ನಿನ್ನ ಪ್ರೀತಿಯ ದಾಸನಾಗಿರುವೆ