ಹೃದಯವೇ ಹಗುರವಾದೆ

ಹೃದಯವೇ ಹಗುರವಾದೆ

ಹೀಗೇ ಇರು, ನೀ ಇನ್ನೂ ಮುಂದೆ

ಉದುರಿದ ನೆನಪಿನ ಎಲೆಗಳೇನೇ

ಈ ದಾರಿಯ ತುಂಬ

ಅಡಿಯಿಡುವಲ್ಲಿ ಮೂಡಿ ಬಂತೇನೋ

ನನ್ನೆದೆಯ ಪ್ರತಿಬಿಂಬ

ನಡೆದು ಎಲ್ಲವೂ ಸರಾಗ

ಮೂಡೋ ಮಂದಹಾಸ

ಹಗುರ ಆದ ಹೃದಯದೊಳಗೆ ನಾ

ಇರಿಸುವೆನು ನೆನಪನ್ನೇ

(ನೆಮ್ಮದಿ ಹಳೆಯ ಸಂಬಂಧಿ

ಅದರೊಳಗೆ ನಾ ಆಗಿರುವೆ ಬಂದಿ)

ಹೃದಯವೆ ಮಗುವಿನಂತಾದೆ

ಹೀಗೇ ಇರು, ನೀ ಇನ್ನೂ ಮುಂದೆ

ದಾಟಲು ಎಲ್ಲ ಸೀಮೆಯ

ತುಡಿಯುವ ಆ ಹರಿವೆಲ್ಲಿದೆ?

ಅಲೆಯ ಕಾಣೋ ಕಣ್ಣಿಗೆ

ಕಡಲಿನ ಆಳದರಿವೆಲ್ಲಿದೆ?

ನಾ ಹುಡುಕಲೇ ಬೇಕಿದೆ

ನನ್ನೊಳಗೆ ಇದಕುತ್ತರ

ಎದೆಗೊಪ್ಪುವ ಬಡಿತವೇ

ಬೆರಗು ಮೂಡಿಸೋ ಸುಸ್ವರ

ತೇಲೋದಾ ಇಲ್ಲ ಮುಳುಗೋದಾ

ನಾ ಅನಿಸಿದಂತಲ್ಲ

ಎಣಿಸುತ ಬೆರಳ ಓಡೋ ಸಮಯ

ಹಾಗೇ ಕೂರಬೇಕಿಲ್ಲ

ಪ್ರೀತಿ ಮಾಡಬೇಕೀಗ 

ಚೂರು ಹೆಚ್ಚೇ ನನ್ನನ್ನು

ಸಿಕ್ಕ ಹಾಗೆ ನಾ 

ನನಗೇನೇ ಮತ್ತೆ 

ಹುಡುಕಿ ಹೊರಟಂತೆ 

ನೆಮ್ಮದಿ ಹಳೆಯ ಸಂಬಂಧಿ

ಅದರೊಳಗೆ ನಾ ಆಗಿರುವೆ ಬಂದಿ..