ಇನ್ನೂ ಒಂದಿಷ್ಟು ಹೊತ್ತು
ನೀ ನನ್ನ ಜೊತೆಗಿರಬೇಕು
ಎಲ್ಲ ಬಾಕಿ ಉಳಿದ ಮಾತು
ಹೇಳಿ ಬಿಡಬೇಕು
ಬಿಡುಗಡೆ ಮುನ್ನ ಕೊಡಬೇಕೊಂದು ಮುತ್ತು
ಸೆರೆಯಾದಾಗ ನೀನೇ ನನ್ನ ಸ್ವತ್ತು
ಈ ಹೊತ್ತು ಎಲ್ಲ ಹೊಸತು
ಹೀಗೇ ಇರಲಿ ಯಾವತ್ತೂ...
ಎಷ್ಟು ಕಾಲ ಕೂಡಿದಂತೆ ಕಳೆಯಬೇಕು
ಇಷ್ಟೇ ಬದುಕು ಎಲ್ಲ ಕ್ಷಣವೂ ಬದುಕಬೇಕು
ಒಂದು ಹೆಜ್ಜೆ ನೀನು ಇಟ್ಟು
ಹೋಗ ಬೇಡ ನನ್ನ ಬಿಟ್ಟು
ಸಾಗುವುದಾದರೆ ಜೊತೆಗೇ ಸಾಗೋಣ
ಸಾಯುವುದಾದರೂ ಜೊತೆಗೇ ಸಾಯೋಣ
ನನ್ನ ಪ್ರಾಣ ನೀನೇ ತಾನೆ
ಕಣ್ಣು ನೀನು ರೆಪ್ಪ ನಾನೇ..
No comments:
Post a Comment