ಆಗಬಹುದು ಒಮ್ಮೊಮ್ಮೆ ಕಲ್ಲಿನ ಮೇಲೂ ಪ್ರೀತಿ
ಕಲ್ಲು ಹೃದಯಗಳ ನಡುವೆ ಪುಟಿದ ಚಿಗುರು ಪ್ರೀತಿ!
ನಿಲ್ಲದೆ ಒಂದರ ಹಿಂದೊಂದಂತೆ ಮೂಡುವುದು ಅಲೆಯು
ಇನ್ನೆಷ್ಟು ನಿರೂಪಿಸಬೇಕೋ ಕಾಣೆ, ಅವು ಕಿನಾರೆಯೆಡೆ ಪ್ರೀತಿ!
ಹೂವಿಲ್ಲದೆ ಬರಿದಾಗಿದೆ ಬಳ್ಳಿ, ಕಿತ್ತವರು ನಿರ್ಭಾವುಕರೇ ಸರಿ
ಕದ್ದ ಹೂಗಳ ಘಮಲು ಸತ್ತ ಹೆಣಗಳಿಗೂ ಪ್ರೀತಿ
ಬಿಟ್ಟು ಹೊರಟಿಹ ದಾರಿ ಎಲ್ಲೂ ಕೆಟ್ಟು ನಿಲ್ಲದು ಏಕೆ?
ನೆಟ್ಟ ಮೈಲಿಗಲ್ಲುಗಳಿಗೆ ಸಿಕ್ಕ ಏಕಾಂತವೇ ಪ್ರೀತಿ
ದೀಪ ಪ್ರಕಾಶಿಸಲು ಎಷ್ಟಾದರಷ್ಟು ಕತ್ತಲು ಪ್ರಹರಿಸಬೇಕು
ಬೆಳಕು ಕತ್ತಲ ಜಿದ್ದಾಜಿದ್ದಿಗೆ ಹುಟ್ಟುವುದೆಲ್ಲವೂ ಪ್ರೀತಿ..
No comments:
Post a Comment