Tuesday, 5 May 2020

ಗಝಲ್ ಟ್ರೈಯಲ್ (ನೆನಪಿನಂಗಳ ಸುತ್ತಿ ಬರುವೆ ಇರುಳೇ ತಾಳು)

ನೆನಪಿನಂಗಳ ಸುತ್ತಿ ಬರುವೆ ಇರುಳೇ ತಾಳು
ತುಂಬು ಬೆಳದಿಂಗಳಲಿ ಮಿಂದ ಮರುಳೇ ತಾಳು

ಇನ್ನೂ ಬರೆಯದೆ ಬಾಕಿ ಉಳಿದ ಪುಟಗಳೆಷ್ಟೋ 
ಆಗಲೇ ದಣಿವೆಂದು ಕುಣಿವ ಬೆರಳೇ ತಾಳು

ಭಾರವಾಗಿದೆ ಭುವಿಯ ಒಡಲು ದುಃಖವ ಹೊತ್ತು
ಕರಗಲೀಗ ಸಮಯವಲ್ಲ ಮುಗಿಲೇ ತಾಳು

ಸುಪ್ತವಾಗಿಹ ಸತ್ಯ ಸುಳ್ಳಿನುಡುಗೆಯ ಬಿಚ್ಚಿ
ನಿನ್ನನನುಸರಿಸುವಂತಿದೆ ಬೆತ್ತಲೇ ತಾಳು

ಎಲ್ಲ ಗೀಚಿ ಕೊನೆಗೆ ಹೆಸರಷ್ಟೇ ಉಳಿದಿದೆ
ಒಮ್ಮೆಗೆಲ್ಲವ ನುಂಗಲಾಯ್ತು ಕಡಲೇ ತಾಳು

ಈಗಷ್ಟೇ ಮರು ಪಯಣ ಬೆಳೆಸೋ ಮನಸಾಗಿದೆ
ಮುನ್ನ ನಿನ್ನ ದಾಟಿ ಬಿಡುವೆ ಹೊಸಲೇ ತಾಳು

No comments:

Post a Comment

ದೂರದಲ್ಲಿ ಯಾರೋ ನನ್ನ ಕೂಗಿದಂತಿದೆ

ದೂರದಲ್ಲಿ ಯಾರೋ ನನ್ನ ಕೂಗಿದಂತಿದೆ  ಹತ್ತಿರದಲ್ಲಿ ಬಂದು ಕೂತುಕೊಂಡ ಹಾಗಿದೆ  ಯಾವ ಮಾತಿಲ್ಲದೆ, ಮೌನವೇ ಸಾಗಿದೆ  ಹೋಗಿ ಬಂದು ನಿಲ್ಲಲಿಲ್ಲ  ಎಚ್ಚರಿಸಿ ಕೇಳಲಿಲ್ಲ ನನ್ನಂತ...