ನದಿಯ ದಂಡೆಯ ಮೇಲೋ

ನದಿಯ ದಂಡೆಯ ಮೇಲೋ

ಚಹದ ಅಂಗಡಿಯಲ್ಲೋ

ನಾವೆಲ್ಲಿ ಎದುರಾಗುವ?

ಕಂದೀಲು ಹಚ್ಚಿದೆ

ಲೋಕ ಎಚ್ಚೆತ್ತಿದೆ 

ಹೃದಯಕ್ಕೆ ಬಿಡುವಿಲ್ಲವಾ?

ಇಳಿ ಸಂಜೆ ವೇಳೆ

ಕಿಟಕಿಗೆ ವಾಲಿ

ಅರೆಗಣ್ಣು ಮುಚ್ಚುತ್ತಿರೆ

ಪುಟಿದಂತೆ ಸಣ್ಣ

ಕನಸೆಂಬ ಮಾಯೆ

ಬೆರಗಂತೆ ನೀ ಕಂಡರೆ

ಸುತ್ತಲೂ ಕೊನೆಗಾಣದ ಗದ್ದಲ

ನಿನ್ನನೇ ಸದಾ ಆಲಿಸೋ ಹಂಬಲ

ನಮ್ಮುಸಿರ ನಡುವೆ

ಬೆಸೆದು ರಾಗವ

ಹೊಸ ಬಾಳನ್ನು ಹೊಸೆಯೋಣವೇ

ಬೇಡ ಮುಡಿಗೆ ಹಣಿಗೆ

ರಂಗೇಕೆ ತುಟಿಗೆ

ಸಿಂಗಾರ ಹೊರೆ ಮಯ್ಯಿಗೆ

ಅನುಮಾನಿಸೋಕೆ

ಅಲ್ಲಾರೂ ಇಲ್ಲ

ನಾವಿಬ್ಬರೇ.. ಇಬ್ಬರೇ...

ಸಖಿಯೇ... ಸಖಿಯೇ...

ಅಲ್ಲೇನೇ ನಮ್ಮ ನೆಲೆ

ಸಲ್ಲದ ಈ ಭೂಮಿಯು

ಸಾಕಾಗಿದೆ ಅಲ್ಲವೆ?

ಸಮಯ ತುಸು ಮೆಲ್ಲ ಈ ಲೋಕದಿ

ಸಾಗಿದೆ ಪ್ರತಿಯೊಂದು ಕ್ಷಣ ಮೋಹದಿ..

ನಮ್ಮುಸಿರ ನಡುವೆ

ಬೆಸೆದು ರಾಗವ

ಹೊಸ ಬಾಳನ್ನು ಹೊಸೆಯೋಣವೇ