ಎಷ್ಟು ಮುದ್ದು, ನಿನ್ನ ಮಾತು
ಅದರ ಅರ್ಥ, ನನಗೇ ಗೊತ್ತು
ನಗುವ ಸದ್ದು, ನನ್ನ ಸ್ವತ್ತು
ಮೌನವಂತೂ, ಚಂದ ಗುಟ್ಟು
ಹೇಳದೇನೆ ಮನದ ಎಲ್ಲ ಆಸೆ ತಿಳಿಯಿತೇನು?
ನನ್ನ ಪ್ರೀತಿಯಂತೆ ಚಿಗಿರಿದಂಥ ಹೂವು ನೀನು
ಬೆರಳ ಹಿಡಿದು ಬಾಳ ರೂಪಗೊಳ್ಳಿಸೋಣವೇನು
ನಿನ್ನ ಮೊದಲ ಸಾಲು ನಾನು, ನನ್ನವೆಲ್ಲ ನೀನು
ಏನು ಸೊಬಗ ಕಂಡೆ ನನ್ನ ನೆರಳಿನಂತೆ ಬರುವೆ
ಕಹಿ ಎದೆಯ ಸೀಳಿ ಜೇನ ಜಾಡು ಹಿಡಿದ ಇರುವೆ
ತೋಚಿದಂತೆ ಆಡಿಕೊಂತ ಆಯ ತಪ್ಪಿ ಬೀಳುವೆ
ಎತ್ತಿ ಕುಣಿಸಿದಾಗ ಏನು ಆಗದಂತೆ ಚೀರುವೆ
ಯಾವ ಪುಣ್ಯ ಫಲವೋ ನನಗೆ ಸಿಕ್ಕೆ ನೀನು ಭಾಗ್ಯವೇ
ಏನೇ ಬರಲಿ ನಾನು ನಿನ್ನ ಕಾವಲಾಗಿ ನಿಲ್ಲುವೆ
ಸದ್ದು ಮಾಡಲು. ದೊಡ್ಡ ತಪ್ಪದು
ನಿದ್ದೆಗೆಡಿಸಿದೆ, ಶಿಕ್ಷೆ ತಪ್ಪದು
ಮತ್ತೆ ಆಗಲಿ ಜೋರು ಕಾಳಗ
ಮನದ ಗದ್ದುಗೆ ಎಂದೆಂದೂ ನಿನ್ನದು
No comments:
Post a Comment