Monday 1 November 2021

ಕಾಡುವಂತೆ ನೀ ನೆನಪಾಗುವೆ

ಕಾಡುವಂತೆ ನೀ ನೆನಪಾಗುವೆ

ಊಹೆಯ ತುಂಬ ಆವರಿಸುವೆ   
ಕಾಡುವಂತೆ ನೀ ನೆನಪಾಗುವೆ

ದಾಹದ ವೇಳೆಯೂ, ನೀನೇ ನೀರಾಗುವೆ 
ಜೀವ ಕಾಪಾಡೋ ಉಸಿರಾಗುವೆ  
ಕಾಡುವಂತೆ ನೀ ನೆನಪಾಗುವೆ

ನೀಡದೇ ಕಾರಣ ಮಾಯವಾದಾಗ ನೀ 
ಸಾವಿನ ಅಂಚಿಗೆ ದೂಡಿದಂತಾಗಿದೆ 
ನೋಡು ಏಕಾಂತವೇ ದಾರುಣ 
ನೋವಿಗೂ ನಿನ್ನನೇ ಕೂಗುವೆ
ಕಾಡುವಂತೆ ನೀ ನೆನಪಾಗವೆ...

ಉತ್ತರ ಇಲ್ಲದ ಪ್ರಶ್ನೆಯ ಕೇಳುತ
ರೇಗಿಸಿ ಮೌನದಿ ಸೋಲಿಸು ಹಾಗೆಯೇ
ಇಂಗಿದ ಕಣ್ಣನು ತಾಕುತ
ಬಾಷ್ಪಕೂ ಭಾಷೆಯ ಕಲಿಸುವೆ 
ಕಾಡುವಂತೆ ನೀ ನೆನಪಾಗವೆ...

ನೂಪುರ ನಾಚಿದೆ ನಾಟ್ಯವ ಆಡಲು 
ತಾಳವು ನಿನ್ನಲಿ ಲೀನವಾದಂತಿದೆ 
ಜೀವ ನೀನಾದರೆ ಹಾಡಿಗೆ 
ನಿನ್ನನು ಕೂಡಿ ನಾ ಹಾಡುವೆ  
ಕಾಡುವಂತೆ ನೀ ನೆನಪಾಗವೆ...

No comments:

Post a Comment

ದಣಿವಾರಿ ಕೊಳದಲಿ

ದಣಿವಾರಿ ಕೊಳದಲಿ  ಕೆಂದಾವರೆ ಅರಳಿದೆ  ಮುಗಿಲೇರಿ ಬರದಲಿ  ಹನಿಗೂಡಲು ಇಳಿದಿದೆ  ರವಿಕಾಂತಿ ಸವಿಯುತ  ಹರಳಂತೆ ಮಿನುಗುತಾ  ಬೆರಗಲ್ಲೇ ತಯಾರಿಯಾಗುತಿದೆ  ಮನದಂಗಳ ಮುಂಜಾನೆಯ...