ಮಗುವೇ ನನ್ನ ಮಗುವೇ

ಮಗುವೇ ನನ್ನ ಮಗುವೇ 

ನಾನಿರುವೆ ನಿನ್ನ ಜೊತೆಯಲ್ಲೇ 

ನಗುವ ಉಡುಗೊರೆಯ

ನಾ ಕೊಡುವೆ ನಿನ್ನ ಹರಸುತಲೇ   

ಬಾಳಿನ ಪುಟಗಳು ಈಗ  

ಬಣ್ಣವ ತಾಳಿವೆ ನೋಡು 

ಮೌನದ ಪರಿಧಿಯ ಮುರಿದು 

ಹಾಡಾಗಿಸಿದ ಸ್ವರವೇ... 

ಮಗುವೇ ನನ್ನ ಮಗುವೇ... ಮಗುವೇ ನನ್ನ ಮಗುವೇ 

ಪುಟ್ಟ ಪುಟ್ಟ ಹೆಜ್ಜೆ 

ಇಟ್ಟು ಬಂದೆ ನೀನು 

ಎದೆಯ ದೀಪವ ಬೆಳಗಿಸಲು

ಒಂದೇ ನೋಟದಲ್ಲಿ 

ಕಾಡೋ ಕೋಪವನ್ನೂ 

ಮಂಜಿನ ಹಾಗೆ ಕರಗಿಸಲು

ಮಿಡಿವಾಗ ನಿನಗಾಗಿ

ಹಾಯಾಗಿ ಈ ಹೃದಯ 

ನಿಜದಲ್ಲಿ ಸಂತೋಷ 

ಆದಂತಿದೆ ಉದಯ 

ಮಗುವೇ ನನ್ನ ಮಗುವೇ... ಮಗುವೇ ನನ್ನ ಮಗುವೇ 

ಕಂಡುಕೊಂಡೆ ನೋಡು

ಬಾಳ ದಾರಿಯನ್ನು

ಹಿಡಿದು ನಡೆಸಲು ನೀ ಬೆರಳ

ಏನೇ ಬೇಕು ಹೇಳು 

ಕೊಡುವೆ ಎಲ್ಲವನ್ನೂ

ಆಲಿಸುತ ನಿನ್ನ ನೆರಳ

ಕನಸಲ್ಲೂ ಹುಡುಕಾಟ 

ನಿಲ್ಲಿಸದ ಕಣ್ಣುಗಳು 

ಬಾಳಲ್ಲಿ ಸೋಲಿಲ್ಲ 

ಜೊತೆಯಾಗಿ ನೀನಿರಲು 

ಮಗುವೇ ನನ್ನ ಮಗುವೇ... ಮಗುವೇ ನನ್ನ ಮಗುವೇ