ಹೆಂಗಸರಿಗೆ ಬಂಗಾರ ಕೋರಿಕೆ
ಗಂಡಸರಿಗೆ ನೆಪವಾಯಿತು ಹೂಡಿಕೆ
ಹೆಂಗಸರಿಗೆ ಬಂಗಾರ ಕಾಣಿಕೆ
ತೊಡಿಸುವುದು ಗಂಡರ ಹೊಣೆಗಾರಿಕೆ
ಬಂಗಾರ ಆಚಾರಿಯ ಆಟಿಕೆ
ಬ್ಯಾಂಕಿನವರ ಪಾಲಿಗೆ ಅದು ಭದ್ರತೆ
ಸಾಲವೇನೋ ಕೊಡುತಾರೆ ಸುಲಭಕೆ
ಬಡ್ಡಿ ಕಟ್ಟಿ ಬಿಡಿಸಿಕೊಳ್ಳುವುದೇ ಹೆದರಿಕೆ
ವಾಕಿಗಂತ ಹೋಗಬ್ಯಾಡಿ ಆಚೆಗೆ
ಪಾಲೀಶು ಮಾಡಿಸಿ ಆಭರಣಕೆ
ಅಸಲಿ-ನಕಲಿ ನೋಡರು ಕದಿಯೋದಕೆ
ಶೋಕಿ ಕೊನೆಗೆ ಎರಗಬಹುದು ನಿಮ್ಮ ಜೀವಕೆ
ಏ.ಸಿ ಮಳಿಗೆಯೊಳಗೆ ಕಾಲಿಟ್ಟಿರಿ
ಸಲ್ಯೂಟು ಹೊಡೆಯುವನು ಸೆಕ್ಯೂರಿಟಿ
ದೊಡ್ಡ ಒಡವೆ ಕೊಂಡರೆ ಕೂಲ್ಡ್ರಿಂಕು ಫ಼್ರೀ
ಚಿಕ್ಕ ಗ್ರಾಹಕರೋ ಕ್ಯಾರೇ ಇಲ್ಲ ರೀ
ಕೊಂಡಾಗ ಒಡವೆಗಳು ಲಕ್ಷಕೆ
ಗಿರವಿಯಿಟ್ಟಾಗ ಬರದೇಕೋ ತೂಕಕೆ
ಕಲ್ಲು, ವ್ಯಾಕ್ಸು, ಮಣ್ಣು-ಮಸಿ ತಗೆಯಿರಿ
ಮಜೂರಿಗೆಂದು ಕೊಟ್ಟ ಮೊತ್ತ ಕಳೆಯಿರಿ
ಕೊನೆಗೆ ಉಳಿದ ಬಂಗಾರ ಕಷ್ಟಕೆ
ಆಗಬಹುದು ಎಂಬುದೇ ಮೂಢನಂಬಿಕೆ
ಶೇಟು ಕಟ್ಟಿಕೊಂಡ ದೊಡ್ಡ ಬಂಗಲೆ
ಪಾಠ ಕಲಿಯಬೇಕಿತ್ತು ನಾವಾಗಲೇ
ಮತ್ತೆ ಬಂತು ನೋಡಿ ಹೊಸ ಆಫ಼ರು
ಜಾಹೀರಾತು ನೀಡಬರುವ ದೊಡ್ಡ ಲೋಫ಼ರು
ಈ ಜೇಬಿನಿಂದ ಆ ಜೇಬಿಗೆ
ಪೈಸ ಉಳಿಸದೆ ಎಗರಿಸುವ ನಿಸ್ಸೀಮರು...
No comments:
Post a Comment