ಮನದಾಳದಿ ಇದೋ ಹೊಸ ಬೇರು ಹೊಕ್ಕಂತಿದೆ
ತಾನೇ ಹಬ್ಬಿದ ಬಳ್ಳಿ ಮೈದುಂಬಿಕೊಂಡಿದೆ
ಮನದಾಳದಿ ಇದೋ...
ಸಲ್ಲಾಪಕೆ ನೀ ಕೂಗಲು ಹೂವೆಲ್ಲ ಕಾವಲು
ಎದೆಗಪ್ಪುವೆ ನಾ ಮೆಲ್ಲಗೆ ಮಾತೊಂದ ಹೇಳಲು
ಎದುರಾದರೆ ನಗೋ ಪ್ರತಿಬಿಂಬ ಕಣ್ಣಲ್ಲಿದೆ
ಹಾಡೋ ಹಂಬಲವಿನ್ನೂ ಗರಿ ಮೂಡಿ ಹಾರಿದೆ
ತಂಗಾಳಿಯ ತಂಪೆಲ್ಲವೂ ನಿನ್ನಲ್ಲೇ ತಾಳಿದೆ
ಹೂ ಮಂಚದ ಸಂಕೋಚವ ನೀ ಹೇಗೆ ತೀಡಿದೆ?
ರಂಗೋಲಿಯ ಗೆರೆ, ಚುಕ್ಕಿಯನ್ನು ಬಳಸಲು
ನಮ್ಮ ಪ್ರೇಮ ರೂಪ ತಾ ಮೂಡಿದಂತಿದೆ
ಹೆಚ್ಚುತ್ತಿರೋ ಈ ಭ್ರಾಂತಿಗೆ ನೀ ನೀಡು ಸಾಂತ್ವನ
ಬೆಚ್ಚುತ್ತಲಿ ನಾ ಸೋಲುವೆ ನೀ ಕಾಣದಾಕ್ಷಣ
ತಂಬೂರಿಯ ತಿಳಿ ತಂತಿಯನ್ನು ಮೀಟಿದೆ
ನಿನ್ನ ಇಂಪಿಗೆ ಜೀವ ತರಂಗವಾಗಿದೆ
No comments:
Post a Comment