ಉಷೆಯ ನಶೆಗೆ ಬಾಯಾರಿದ ಇಳೆ
ಮಳೆಯು ಹೆಸೆದು ತೃಷೆ ನೀಗಿಸಿದೆ
ಬಾಯಿ ಬಿರಿದ ನೆಲದಲ್ಲಿ ಮತ್ತೆ
ಸಸಿಯೊಂದು ಬೆಸೆಯೆ ಕಾತರಿಸುತಿದೆ
ಸಂಜೆ ರಂಗು ತಮಗಲ್ಲವೆಂದ
ಸತ್ವ ರಹಿತ ಹೂ ಹೂವಿನಲೂ
ಮತ್ತೆ ಮೊಳಗಿದೆ ಬಣ್ಣದೋಕುಳಿ
ಹಸಿರು ಸಹಿತ ಕುಪ್ಪಳಿಸುತಿದೆ...
ರಸ್ತೆ ರಸ್ತೆಯ ಕೂಡಿ ಹರಿದಿದೆ
ಸಿಕ್ಕ ಕಡೆಗೆ ಕುಡಿಯೊಡೆದಂತೆ
ಮತ್ತೆ ಎಲ್ಲಿಗೋ ಸಾಗಿ ನಿಂತರೂ
ಮುಂದುವರಿಸೋ ಉತ್ಸಾಹವಿದೋ
ಬಿತ್ತಿ ಚಿತ್ರ ಹೊಯ್ದಷ್ಟೂ ಕರಗಿ
ಪ್ರತ್ಯಕ್ಷವೇ ರೂಪಾಂತರ
ಮನೆ ಬಾಗಿಲ ಹುಡುಕಿ ಬಂದಿರೋ
ಪ್ಲಾಸ್ಟಿಕ್ ಚೀಲವೂ
No comments:
Post a Comment