ರೊಟೀನ್ ಹನಿಗಳು !!

ದಾರಾವಾಹಿಯ ನೋಡುತ್ತಾ ಹೆಚ್ಚಿದ ಈರುಳ್ಳಿಗೆ
ತಾನು ಕಣ್ಣೀರಿಗೆ ಹೊಣೆಯಲ್ಲಾ ಎಂಬ ಸಮಾದಾನವಿತ್ತು !!
*****

ಮಾರುಕಟ್ಟೆಯಲ್ಲಿ ಸತ್ತು ನಾರುತ್ತಿದ್ದ ಹೆಗ್ಗಣಕ್ಕೆ
ಸಹಭಾಗಿಯಾಗಿದ್ದ ತ್ಯಾಜ್ಯ ವಿಲೆವಾರಿಗೊಂಡು
ಕಾಗೆ, ಹದ್ದುಗಳ ಕೊಕ್ಕಿನ ಕುಕ್ಕು ತಕ್ಕ ಮಟ್ಟಿಗೆ ತಪ್ಪಿತು !!

*****


ಕೊಡ ತುಂಬಿತೆಂದು ಅತ್ತ ನಲ್ಲಿ ನಿಲ್ಲಿಸುವ ಹೊತ್ತಿಗೆ (ಉತ್ತರಾಖಂಡ ಸಮಸ್ಯೆ)

ಇತ್ತ ಒಲೆಯ ಮೇಲಿನ ಹಾಲು ಉಕ್ಕಿ ಹೋಯಿತು (ಬೋಧಗಯಾ ಸಮಸ್ಯೆ) 

*****

ಅತ್ತ ಮಗು ಗುಂಡಿನ ಸದ್ದು ಕೇಳಿದೊಡನೆ 

ಅಳುವುದನ್ನ ಒಮ್ಮೆಲೆ ನಿಲ್ಲಿಸಿತು 

ಮತ್ತೆಂದೂ ಅದು ಅಳಲೇ ಇಲ್ಲಾ !! (ಜಮ್ಮು ಕಾಶ್ಮೀರದ ಉಗ್ರತೆಯ ನೆನೆದು)

*****

ಅಕ್ಕಿ ಬೆಲೆ ಇಳಿಮುಖವಾದರೆ 

ಅನ್ನದ ಬೆಲೆ ಇಳಿಮುಖವಾದೀತೇ ??

*****

-:ಇದೀಗ ಬಂದ ಸುದ್ದಿ:- 

ಮುರಿಯಲು ಒಂದು ರೆಕಾರ್ಡು 

ಛಾಪಿಸಿದನೊಬ್ಬ ದುಬಾರಿ ವೆಡ್ಡಿಂಗ್ ಕಾರ್ಡು 

*****

-:ಮುಖ್ಯಾಂಶಗಳು:-

ಯಡಿಯೂರಪ್ಪ ಜೊತೆ ಬಿ.ಜೆ.ಪಿ ವರಿಷ್ಟರ ಸಂದಾನ 

ಆಗುವುದೇ ರಾಣ್ಬೀರ್ ದೀಪಿಕಾ ಕಲ್ಯಾಣ ??

ಸಭೆಯಲಿ ನಿದ್ದೆಗೆ ಜಾರಿ ಪ್ರಧಾನಿಗೆ ಅವಮಾನ 

ಕ್ರಿಕೆಟ್ ವೀರರಿಗೆ ತಲಾ ಕೋಟಿ ರುಪಾಯಿ ಬಹುಮಾನ 

ದೇಶದಲ್ಲಿ ಏರು ಪೇರಾಗುತ್ತಿದೆ  ಹವಾಮಾನ 

ಇಲ್ಲಿಗೆ ಈ ವಾರ್ತಾ ಪ್ರಸಾರ ಮುಗಿಸೋಣ

ಮತ್ತೆ ನಾಳೆ ಬೇಟಿಯಾಗೋಣ  

                                        --ರತ್ನಸುತ