ತೊಟ್ಟು ಹನಿಗಳು!!

ಇತಿ-ಮಿತಿ ಇರಿಸಿತು
ಅನ್ಯರಿಗೆ ಮೋಸ ಮಾಡದಿರಲು.
ತನಗೆ ತಾನೇ ಮೋಸ ಮಾಡಿಕೊಳಲು
ಬಡ ಮನಸು ಯಾವ ಮಿತಿಯನೂ ಇರಿಸಿಕೊಳ್ಳದೇ !!
___________________________________________
ಮಳೆಯೊಂದಿಗೆ ನಿನ್ನ
ಪ್ರೇಮ ಸಂದೇಶವ ರವಾನಿಸಿದೆಯಾ ??
ಯಾಕೋ ಜೋರಾಯ್ತು ಗುಡುಗು-ಸಿಡಿಲು
ನಡುವೆ ಅಲ್ಲಲ್ಲಿ ಕೇಳಿಬಂದರೂ
ಪೂರ್ತಿ ಗ್ರಹಿಸುವಲ್ಲಿ ಸೋತೆ, ಮತ್ತೆ ಸೋತೆ !!
___________________________________________
ತೇರೆಳೆದ ದಾರಿಯಲಿ
ನೀ ನಡೆದೆ ಗೊತ್ತೆನಗೆ
ನೀ ಹೆಜ್ಜೆ ಇಟ್ಟೆಡೆ
ಮರು ಚಿಗುರಿದೆ ಗರಿಕೆ
___________________________________________
ಬರೆದ ಮಾತ್ರಕೆ ನಾ ಕವಿಯಲ್ಲಾ
ನಿನ್ನ ಪ್ರೀತಿಸಿದ ಮೇಲೂ ಪ್ರೆಮಿಯಾಗಲಿಲ್ಲವಲ್ಲಾ
ಅದಕ್ಕಾಗಿ ಮನಸು ಯಾವುದಕ್ಕೂ ಮನ್ನಣೆ ಕೊಡುತ್ತಿಲ್ಲಾ !!
___________________________________________

                                                             --ರತ್ನಸುತ