ನೀರಲ್ಲಿ ಅಲೆಯಂತೆ ನೀ ಬಂದೆ

ನೀರಲ್ಲಿ ಅಲೆಯಂತೆ ನೀ ಬಂದೆ
ತೀರಕ್ಕೆ ನೀ ನನ್ನೇಕೆ ದೂಡಿದೆ?
ಮೋಹಕ್ಕೆ ಮಳೆಯೊಂದ ನೀ ತಂದೆ
ಭಾವಕ್ಕೆ ನೀ ಹೆಸರನ್ನೂ ನೀಡಿದೆ..

ಅರಳಿದ ಆಸೆಯಲಿ, ಎರಚುತ ಬಣ್ಣವ
ಮನಸಿನ ಸೂರಿನಡಿ, ಪರಿಚಯವಾದೆಯಾ..
ಹೃದಯವೇ ಅನುಮಾನವಿಲ್ಲದೆ
ಪ್ರಣಯವ ಬರಮಾಡಿಕೊಂಡಿದೆ
ಉಳಿವುದಾದರೆ, ಉಲಿಯಬೇಕಿದೆ
ಒಲವಿನ ರಾಗ ಈಗ...


ಮುಗಿಲಿನ ಜೊತೆಗೂಡಿ, ನಲಿಯುತ ಅಲೆದಾಡಿ
ಸುಮಧುರ ಹಾಡೊಂದ ಹಾಡುತ
ಕೊನೆಯೇ ಇಲ್ಲದ ಕನಸಾಗುತ...
ಮುಂದುವರಿದ ಕ್ಷಣಕೆ, ಮಂದಹಾಸ ನೀಡುವ
ಹಿಂದಿರುಗಿ ಹೆಜ್ಜೆಗಳ ಲೆಕ್ಕವಿಡುವ


ತೆರೆದಿದೆ ಹೊಸದೊಂದು ಹಾಳೆಯು
ಬರೆಯುವ ಮನದಾಸೆ ಸಾಲನು
ಇರುಳ ಕಾಣದ, ಹೊನಲು ಸಂಭ್ರಮ
ಮುಗಿಯದ ಮಾಯೆ ಪ್ರೀತಿ...