ಕಾಮನ ಬಿಲ್ಲು ಬಿಡಿಸಿದೆ ಕವನ
ಭೂಮಿ ಓದಲೆಂದು
ಬಣ್ಣದ ಸಾಲನು ತರುವನು ವರುಣ
ಹೂವಿಗೆ ಒಪ್ಪಿಸಲೆಂದು
ಆಗಸದ ಅನಕ್ಷರತೆ ಎದ್ದು ಕಾಣುತಿದೆ
ಚೆದುರಿದ ಮೋಡ, ಕರಗಿದ ಬಣ್ಣ
ನೀಳ ನೀಲಿ ಬಾನು, ಮರುಗುತಿದೆ...
ಚುಂಬನಕೆ ಹಂಬಲಿಸಿ
ನೀರಿನ ಗುಳ್ಳೆ ಚೂರಾದಂತೆ
ಬಂಧನವ ಸಂಭ್ರಮಿಸಿ
ಮಲ್ಲಿಗೆ ಮಾಲೆ ಅರಳುವುದಂತೆ
ಎಚ್ಚರ ತಪ್ಪದೆ ಉಚ್ಛರಿಸಿದವು
ಸುಸ್ವರವ ಹಕ್ಕಿಗಳು
ಉತ್ತರಕಾಗಿ ಕಾಯದೆ ಉಳಿದವು
ಸುಂದರ ಪ್ರಶ್ನೆಗಳು
ಕೌತುಕದ ಗೂಡಿನಲಿ
ಗುಟುಕಿಗಾಗಿ ಎದುರು ನೋಟ
ಎಟುಕದ ಹಣ್ಣಿಗಳ
ದೀರ್ಘಾವಧಿ ತೊನೆದಾಟ
No comments:
Post a Comment