ಆನಿವರ್ಸರಿ ತಿಂಗಳ ಶುರುವಲ್ಲಿ ಬಿದ್ದರೆ
ಸ್ಯಾಲರಿ ಬರುವುದು ಚಿಲ್ ಮಾಡು ಮಗ
ಆನಿವರ್ಸರಿ ತಿಂಗಳ ಮಧ್ಯೆ ಎಲ್ಲೋ ಬಿದ್ದರೆ
ಸೇವಿಂಗ್ಸ್ ಮಾಡಿದರೆ ಆಯ್ತಲ್ಲ ಮಗ
ಆನಿವರ್ಸರಿ ತಿಂಗಳ ಕೊನೆಯಲ್ಲಿ ಬಿದ್ದರೆ ಸಾಲ ಮಾಡಿ ನಂತರ ತೀರಿಸು ಮಗ
ಅವ್ಳು ಗಿಫ್ಟ್ ಕೊಟ್ಟು ನೋಡುತಾಳೆ ಜೇಬಲಿ
ಯಾವ ಸೈಝುಗಲ್ಲು ಉಗುರವ ಮಾಡಿಸಲಿ
ಬಂಗಾರ ಅಂದ್ರೆ ಅವಳಿಗೆ ಬರಿ ಇಷ್ಟ
ಹಿತ್ತಲಲ್ಲಿ ಮಣ್ಣ ಯಾವ ಕಡೆ ಬಗೆಯಲಿ
ಹೋದ್ವರ್ಷ ಹೇಗೋ ರೋಸು ಕೊಟ್ಟು ಜಾರಿಕೊಂಡೆ
ಆ ಸಿಟ್ಟು ಈಗ ಬೆನ್ನ ಹತ್ತಿ ಬಂದಿಹುದೇ
ನಾನು ಹೇಳಿ ಕೇಳಿ ಪ್ಲಾನಿಂಗಲ್ಲಿ ತುಂಬಾ ವೀಕು
ಏನ್ ಮಾಡುವುದು ಹೇಳಿ ಇಂಥ ಟೈಮಿನಲಿ
ಕಣ್ಣೀರಿನಲ್ಲೇ ಕೊಲ್ಲೋ ಸ್ಕೆಚ್ಚು ಹಾಕಿಕೊಂಡು
ಹಂಗಾಗಿ ಕಾಡಿಗೆಯ ಹೆಚ್ಚು ತೀಡಿಕೊಂಡು
ಹೇಗೇಗೋ ಆಡುತಾಳೆ ಇನ್ನು ಲೇಟಾದರೆ
ಯಾಮಾರಿಸಲು ಟಿಪ್ಸು ಕೊಡಿ ಯಾರಾದರೂ
ಬೀದಿ ಬದಿ ಪಾನಿ ಪೂರಿ ಅಂದ್ರೆ ಇಷ್ಟನಂತೆ
ಆದ್ರೆ ಅಷ್ಟಕ್ಕೆಲ್ಲ ಸುಮ್ನಾಗಲ್ಲ ಅದೇ ಚಿಂತೆ
ದೊಡ್ಡ ರೆಸ್ಟೋರೆಂಟು ಅಂತ ಹೋದ್ರೆ ಮೂರು ನಾಮ
ಹಾಕಿ ಕಳಿಸ್ತಾರೆ ಅರ್ಧಂಬರ್ಧ ಹೊಟ್ಟೆ ತುಂಬ್ಸಿ
No comments:
Post a Comment