ತಂದೆ ಮಗುವಾಗಿ

ತಂದೆ ಮಗುವಾಗಿ

ಮಗುವು ತಾಯಾಗಿ

ಜಗವೇ ಜೋಗುಳದ ಹಾಡಾಗಿದೆ

ಮಮತೆ ಕಡಲಾಗಿ

ಜಿಗಿವ ಅಲೆಯಾಗಿ

ಸುರಿವ ಮಳೆ ಕೂಡ ಜೊತೆಗೂಡಿದೆ

ತುಳುಕೋ ಕಣ್ಗಳಿಗೆ

ತೊದಲೋ ನುಡಿಗಳಿಗೆ

ಕಲ್ಲು ಮನಸುಗಳೇ‌ ಕರಗುತ್ತಿವೆ

ಪ್ರೀತಿ ಸಿಕ್ಕಿರಲು

ಹಸಿವು ಬಿಕ್ಕಳಿಸಿ

ಆನಂದದ ರಂಗು ತುಂಬುತ್ತಿದೆ

ಯಾರ ಉಸಿರಿನಲಿ 

ಯಾರ ಹೆಸರಿದೆಯೋ

ನಂಟಸ್ತಿಕೆ ಎಂಬ ಕಗ್ಗಂಟಲಿ

ದೇಹ ದಣಿದಿರಲು

ಪಾದ ಸವೆದಿರಲು

ನೆನಪುಗಳ ಕಂತೆ ಎದೆ ಗೂಡಲಿ

ತಂದೆ ಮಗುವಾಗಿ

ಮಗುವು ತಾಯಾಗಿ

ಜಗವೇ ಜೋಗುಳದ ಹಾಡಾಗಿದೆ

ಎಲ್ಲ ಸುಖಗಳಿಗೂ 

ಮಿಗಿಲಾದ ಸುಖವೇ

ಬಂಧು ಬಂಧನದೊಳ ಅನುರಾಗವು

ತಿರುಗಿ ನೀಡುವುದೇ

ಪ್ರೀತಿಯ ನಿಯಮವದು 

ಸಾರ್ಥಕ ಪಡೆದ ಪ್ರತಿ ಜನ್ಮವು..

ತಂದೆ ಮಗುವಾಗಿ

ಮಗುವು ತಾಯಾಗಿ

ಜಗವೇ ಜೋಗುಳದ ಹಾಡಾಗಿದೆ

ಮಮತೆ ಕಡಲಾಗಿ

ಜಿಗಿವ ಅಲೆಯಾಗಿ

ಸುರಿವ ಮಳೆ ಕೂಡ ಜೊತೆಗೂಡಿದೆ