ಹಾಡು ಕಲಿತ ಹಕ್ಕಿ

ಹಾಡು ಕಲಿತ ಹಕ್ಕಿ

ಮೂಕವಾದರೆ ಹೇಗೆ?

ಲೋಕವ ಕಂಡು ದಿಗಿಲಾಗಿ

ಲೋಕವ ಕಂಡು ದಿಗಿಲಾಗಿ ಬಡ ಹಕ್ಕಿ

ಹಾಡೋದ ಮರೆತೇ ಹೋಗಿತ್ತು

ಮೇಲೆ ಹಾರಲು ಬೇಕು

ಜೋಡಿ ರೆಕ್ಕೆಯ ಬಲ

ಮುಟ್ಟೊಕೆ ಮುಗಿಲ‌ ಮಡಿಲನ್ನು

ಮುಟ್ಟೊಕೆ ಮುಗಿಲ‌ ಮಡಿಲನ್ನು ಹಾರೋ ಹಕ್ಕಿ

ಗೂಡಿಗೆ ಮರಳಿ ಬರಬೇಕು

ಬಿದ್ದ ಮಳೆಯಲಿ ಮಿಂದು

ಬಿಸಿಲ ಬೇಗೆಗೆ ಬೆಂದು

ಚಿಗುರು ಹೂವ ಗುಟುಕು ಹಸಿವಿಗೆ

ಚಿಗುರು ಹೂವ ಗುಟುಕು ಹಸಿವನ್ನ ಮರೆಸಿತ್ತು

ಮಿಕ್ಕ ಹೂ ಅರಳಿ ಫಲವಿತ್ತು

ಬಿಟ್ಟು ಹೋದಳು ಅಮ್ಮ

ಎಂದೋ ಕಾವನು ಕೊಟ್ಟು

ಬೇಟೆಗಾರನ ಗುರಿಗೆ ಬಲಿಯಾಗಿ 

ಬೇಟೆಗಾರನ‌ ಗುರಿಗೆ ಬಲಿಯಾಗಿ ತಾಯಕ್ಕಿ

ನಾಕು ಹೊಟ್ಟೆಯ ತುಂಬಿ ತಂಪಾಗಿ 

ಯಾರ ನಂಬಲು ಬೇಡ

ಅನ್ನೋ ಪಾಠವ ಕಲಿತು

ಒಬ್ಬಂಟಿಯಾಗೇ ಉಳಿದಿತ್ತು

ಒಬ್ಬಂಟಿಯಾಗೇ ಉಳಿದಿತ್ತು ಕೊನೆಗಲ್ಲಿ

ಪ್ರೀತಿ ಮಾಡುವುದ ಮರೆತಿತ್ತು

ಏನೂ ಬೇಡದ ಹಕ್ಕಿ 

ಹಿಡಿ ಪೀತಿಯ ಬಯಸಿ 

ಮುಪ್ಪಾದ ಕಾಲಕ್ಕೆ ಒಬ್ಬಂಟಿ 

ಮುಪ್ಪಾದ ಕಾಲಕ್ಕೆ ಒಬ್ಬಂಟಿ ಮುದಿ  ಹಕ್ಕಿ 

ತಪ್ಪಾಗಿ ಬಾಳ ಎಣಿಸಿತ್ತು