ನೀ ಮೊದಲ ಬಾರಿ ಇಳಿದು ಬಂದೆ ಮಳೆಯಾಗಿ

ನೀ ಮೊದಲ ಬಾರಿ ಇಳಿದು ಬಂದೆ ಮಳೆಯಾಗಿ

ಎದೆಯ ಮೀಟೋ ಸೋನೆಯೇ

ನೀ ತೊದಲು ಪ್ರೀತಿ ಕಲಿಸಿ ಹೋದೆ ಮೆಲುವಾಗಿ

ನನ್ನ ಜೀವವೇ

ಕಣ್ಣಿನ ಅಂಚಿನ ಕಾಡಿಗೆ ರೇಖೆಯಲ್ಲಿ

ಬಂಧಿಸು ನನ್ನನು ಸಂಗಾತಿಯೇ

ಸಾವಿರ ಸಾಲಿನ ಪ್ರೇಮದ ಕವಿತೆ ನೀನು

ಓದುತ್ತ ಸೋತು ಹೋದೆ ನಿನ್ನ ಗುಂಗಲೇ..

ಓ ಮಾಯೆ ಮಾಯೆ, ಓ ಮಾಯೆ ಮಾಯೆ 

ಹೇ ನನ್ನ ಮನವ ಸೆಳೆದ ಮಾಯಗಾತಿಯೇ 

ಓ ಮಾಯೆ ಮಾಯೆ, ಓ ಮಾಯೆ ಮಾಯೆ 

ನೀ ನನ್ನ ಉಸಿರ ಬೆರೆತ ಜೀವ ಸಾತಿಯೇ..

ಹೂದೋಟವ ಸುತ್ತೋಣವೇ ಇನ್ನಷ್ಟು ಆಸೆ ಹೊತ್ತು

ನಿನ್ನಲ್ಲಿರೋ ಆ ಮೌನ ನನಗೂ ಕೇಳಲಿ

ಜೂಟಾಟವ ಆಡುತ್ತಿವೆ ಕಣ್ಣಲ್ಲಿ ಕನಸು ನೂರು

ಸೋಲುವ ಹಿತವ ನಿನಗೆ ಹೇಗೆ ಹೇಳಲಿ

ಒಂದೊಂದೇ ಹನಿಯನ್ನು ಕೂಡಿಟ್ಟ ಎಲೆಯಂತೆ

ನೀ ತಂದ ನೆನಪು ನನ್ನ ಹೃದಯ ತುಂಬಿದೆ

ಮುದ್ದಾದ ನಗುವಲ್ಲಿ ಕದ್ದೋಡುವ ನಿನ್ನ

ನೆರಳಲ್ಲೇ ನನ್ನ ಬಾಳಿದೆ...