ತಡವಾಗಿಸದೆ ಎದುರಾಗು

ತಡವಾಗಿಸದೆ ಎದುರಾಗು

ಮುಡುಪಾಗಿಸುವೆ ಮನಸನ್ನು

ಅನುಮಾನಿಸದೆ ನೆರವಾಗು

ಅನುವಾದಿಸುತ ಒಲವನ್ನು

ತಲೆದೂಗುವೆನು ಶರಣಾಗಿ

ನೀ ಆಡೋ ಸುಳ್ಳಿಗೂ ಸೋತು

ಕನಸಲ್ಲಿಯೂ ಕೋರುವೆ ನಿನ್ನ

ಹಿಂದಿರುಗಲು ಆತುರವೇನು 

ಮೊದಲಾಗಿದೆ ಆಗಲೇ

ಮುದ ನೀಡುವ ಭಾವನೆ

ಮರುಳಾಗಿ ಜೊತೆ ನೀಡು

ಸರಿ ಹೋಗುವೆ ಸುಮ್ಮನೆ

ಕರೆಯೊಂದನು ನೀಡಲೇ 

ಎದೆಗಪ್ಪುತ ನಿನ್ನನೇ

ಮರುಳಾಗಿ ಜೊತೆ ನೀಡು

ಸರಿ ಹೋಗುವೆ ಸುಮ್ಮನೆ

ಹೊರ ಬಾರದ ಮಾತು

ಕಣ್ಣಲ್ಲಿಯೇ ಕೂತು

ಏನೇನೋ ‍ನುಡಿದಂತೆ ನೂರು ವಿಚಾರ

ಹೃದಯ ತುಂಬೆಲ್ಲ

ನೀನೇ ಇರುವಂತೆ

ನೀ ನಡೆಸು ನಾ‌ ನಡೆವೆ ನಿನ್ನ ಪ್ರಕಾರ

ಸ್ವೀಕರಿಸು ಒಲವ ಮನವಿ

ಮಿಡುಕಾಡಿಹೆನು ಬಿಡದೇ

ಕಾದಿರುವೆ ಕೈ ಚಾಚಿ ಭಯದಲ್ಲಿ

ಎದೆ ಬಿರಿಯಿತು ಬಾಣ

ಹೋದಂತಿದೆ ಪ್ರಾಣ

ನೀ ಹಾಗೆ ಮುನಿಸಲ್ಲಿ ನೋಡಲು ನನ್ನನ್ನು

ಬಿಳಿ ಹಾಳೆಯ ಮೇಲೆ

ಅರೆ ಬೆಂದಿರೋ ಸಾಲು

ನೀ ಮುಂದುವರಿಸು ನಾ ಮರೆಯುವೆ ಸಾಲನ್ನು

ಸೋಜಿಗವೇ ನೀ ಆವರಿಸು

ಮಿತಿ ಮೀರಿದ ಪ್ರೀತಿಯಲಿ

ನಿಂತರೆ ನಿಲ್ಲಲಿ ಉಸಿರು ಮಡಿಲಲ್ಲಿ..