Tuesday 26 July 2022

ತರಾತುರಿಯಲಿ ಪ್ರೀತಿ ಆದಾಗಲೇ

ತರಾತುರಿಯಲಿ ಪ್ರೀತಿ ಆದಾಗಲೇ

ಸರಾಗವಾಗಿಯೇ ಸೋಲುವೆ ನಿನ್ನಲೇ 
ವಿವರಿಸಿ ಹೇಳುವೆ ಬಂದರೆ ಕೂಡಲೇ 
ಕದ ತೆರೆಯುವೆ ಮನಸೊಳಗೆ ಕುಳಿತು ಬೆರೆತು ಹೋಗೆಯಾ...
ಮರೆತರೆ ನೆನಪಿಸು ನೆನ್ನೆಯ ರಾಗವ 
ನಿನ್ನದೇ ದನಿಯನು ತಾಳಿದೆ ನೀರವ 
ಪರಿಚಯ ಮಾಡಿಸು ಒಲಿಯುವ ಒಲವಿಗೆ 
ಅರೆ ಗಳಿಗೆಯು ನಿನ್ನ ತೊರೆದು ಬಾಳಲಾರೆ ಬಲ್ಲೆಯಾ..

ಎಲ್ಲ ಭಯವನು ನೀಗಿಸೋ ಗೆಳೆಯ 
ಮೆಲ್ಲ ಮೆಲ್ಲನೆ ತೆಕ್ಕೆಗೆ ಜಾರುವೆ 
ನೇರವಾಗಿಯೇ ಹೇಳುವೆ ವಿಷಯ 
ಸುತ್ತಿ ಬಳಸಲು ಗೋಜಲು ಅಲ್ಲವೆ  
ಬರದ ಬಾಳಿಗೆ 
ಬರೆದೆ ಸೋನೆಯ 
ಮುಗಿದ ಶಾಯಿಗೆ 
ತುಂಬಿದೆ ಪ್ರೀತಿಯ 
ಸರಿ, ಸರಿ, ನಡಿ ಇನ್ನೂ ಸಾಗೋದಿದೆ 
ಈ ದಾರಿ ನಮ್ಮನೇ ಎದುರು ನೋಡುತ್ತಿದೆ 
ಪದಗಳ ಪೋಣಿಸಿ ಕೊಡುವೆನು ನಿನಗೆ ನಾ 
ಗರಿಗೆದರಿಸುತಲೇ ತೊದಲು ಕವನ ಹಾಡಿ ಮುಗಿಸೆಯಾ..

ಮರೆತರೆ ನೆನಪಿಸು ನೆನ್ನೆಯ ರಾಗವ 
ನಿನ್ನದೇ ದನಿಯನು ತಾಳಿದೆ ನೀರವ 
ಪರಿಚಯ ನೀಡುವೆ ಒಲಿಯುವ ಒಲವಲಿ 
ಅರೆ ಗಳಿಗೆಯು ನಿನ್ನ ತೊರೆದು ಬಾಳಲಾರೆ ಬಲ್ಲೆಯಾ..

No comments:

Post a Comment

ಅತಿ ಮಧುರ ಅನುರಾಗ

ಅತಿ ಮಧುರ ಅನುರಾಗ  ನಿನ್ನೊಲವ ಮಳೆ ಹನಿಗೆ  ಮಿಂದಿರಲು ಮನಸಿದು     ನಿಂತು ನಿಂತು ಬೀಸಿದಂತೆ  ಸಂಜೆ ತಂಪು ಗಾಳಿ  ಅಂಕೆ ಮೀರಿ ಬರುವ ಮಾತು  ಹಾಕಬೇಕೇ ಬೇಲಿ  ಜೊತೆ ಇರಲು ...