ನವಿಲುಗರಿಯ ಹಾಡು

ನವಿಲುಗರಿಯೊಂದು 
ನಾಚಿದಂತನಿಸಿತು 
ನಿನ್ನ ಮುಖ ನೋಡಿ 
ಗಂಧರ್ವ ಲೋಕ
ನೆನಪಾಯಿತು ನಿನ್ನ 
ಹಾಡನ್ನು ಹಾಡಿ 

ಮನಸಲ್ಲಿ ಒಂದು 
ಸಣ್ಣ ಮನೆ ಮಾಡಿ 
ನಿನ್ನ ಹೆಜ್ಜೆ ಗುರುತ 
ಇರಿಸಲೇನು 
ಎಷ್ಟೆಲ್ಲಾ ಆಸೆ 
ಬಚ್ಚಿಟ್ಟುಕೊಂಡಿರುವೆ 
ಒಂದೊಂದೇ ಮೆಲ್ಲ
ಹೇಳಲೇನು?                                [೧]

ಕನಸುಗಳು ನಿನ್ನ ಕನವರಿಸಿವೆ 
ಕವನಗಳ ಬರೆದು ಕಾದಿರಿಸಿವೆ 
ಕಳವಳಕೆ ನೂರು ಕಾರಣವಿದೆ 
ಕರೆಯೋಲೆಗೆ ನೀ ಉತ್ತರಿಸದೆ 

ಮುತ್ತೊಂದ ನೀಡುವೆ 
ಬಳಿಗೆ ಬರಲು 
ಮಗುವಂತೆ ನಾ 
ನಿನ್ನ ಮಡಿಲು ಸಿಗಲು....               [೨]

ನವಿಲುಗರಿಯೊಂದು ....... 

ಅನುರಾಗ ಅರಳಿ ಹಾಡಾಯಿತು 
ಅನುಗಾಲ ನಿನ್ನ ಜಪವಾಯಿತು 
ಅನುಮಾನವೇಕೆ ಅಭಿಸಾರಿಕೆ 
ಅಭಿಮಾನಿ ನಾನು ನಿನ್ನಂದಕೆ 

ಅತ್ತಾಗ ಬರುವೆ 
ಮುತ್ತ ಸರಿಸಿ 
ನಿನ್ನೆದೆಗೆ ನನ್ನ 
ಉಸಿರು ಬೆರೆಸಿ .....            [೩]

ನವಿಲುಗರಿಯೊಂದು ....... 

                             -- ರತ್ನಸುತ