ಲೇಖ ಹಂಸಲೇಖ

ಲೇಖ ಹಂಸಲೇಖ

ಲೇಖ ಹಂಸಲೇಖ 

ಆಡು ಭಾಷೆಗೂ ಮಿಗಿಲಾದ 

ಹಾಡೊಂದು ಬೇಕಾ 

ಒಂದೊಂದೇ ಪದವ ಬೆರೆಸಿ 

ನೀಡುವ ಸಕ್ಕರೆ ಪಾಕ  

ದೇಸಿ ಸಂತ

ನಮಗೆ ಸ್ವಂತ

ಕರುನಾಡ ಮನೆ ಮನಗಳಲಿ

ನಗುವಾಗಿ ನಿಂತ

ರಾಗ ಶ್ರೀಮಂತ

ಸಾಲೇ ವೇದಾಂತ

ಮಾತು ಮಾತಲ್ಲೇ ಗಿಲ್ಲಿ ಗೆಲ್ಲೋ

ಬುದ್ವಂತ

ನುಡಿಸು ನಿನ್ನ ತುತ್ತೂರಿ

ಪಸರು ಕನ್ನಡ ಕಸ್ತೂರಿ

ಚಿಣ್ಣರ ಪಾಲಿಗೆ ಕಿಂದಿರಿ ಜೋಗಿ

ಬೇರೆ ಹೆಸರು ಬೇಕಾ

ಲೇಖಾ ಹಂಸಲೇಖ...

ಈಗಷ್ಟೇ ಕಣ್ಬಿಟ್ಟ ಮಗುವಿಗೆ

ನಿನ್ನ ಹಾಡೇ ಇಷ್ಟ

ಹಣ್ಣಾದವರಲ್ಲೂ‌ ನಿನ್ನ 

ಹಾಡಿನ ನೆನಪು ಸ್ಪಷ್ಟ

ಪಡ್ಡೆ ಹುಡುಗ-ಹುಡುಗಿಯರು

ನಿನ್ನ ಹಾಡನು ಗುನುಗಿದರು

ಪ್ರೇಮ ಲೋಕದ ಅಂಚಿಗೆ ಹಾರಿ 

ಪ್ರೀತಿಯ ಮಾಡಿದರು

ಪೋಲಿ ಸಾಲನು ಗೇಲಿ ಮಾಡುವ

ಭಾಷಾ ಮಾಂತ್ರಿಕ ಬೇಕಾ

ಲೇಖಾ ಹಂಸಲೇಖ...