ಅಮ್ಮ ಅಂದು ನಾ
ಮಣ್ಣು ತಿಂದ ತಪ್ಪಿಗೆ
ನೀನು ಇತ್ತ ದಂಡನೆ
ಇನ್ನೂ ನೆನಪಿದೆsssss
ಅಮ್ಮ ಅಂದು ನಾ
ಎಡವಿ ಗಾಯಗೊಂಡರೆ
ನೀನು ಪಟ್ಟ ವೇಧನೆ
ಇನ್ನೂ ನೆನಪಿದೆsssss
ಅಮ್ಮ ಈ ಕಂದನ
ಎದೆಗೆ ಅಪ್ಪಿ ಹಾಡಿದ
ಲಾಲಿ ಹಾಡಿನ ಸವಿ
ಇನ್ನೂ ನೆನಪಿದೆ... (೧)
ಹಗಲು ರಾತ್ರಿ ಕನಸ ಹೊಸೆದು
ಕೌದಿ ಮಾಡಿ ಹೊದ್ದಿಸಿ
ತೋರು ಬೆರಳ ಹಿಡಿದು ಮೆಲ್ಲ
ಹೆಜ್ಜೆ-ಹೆಜ್ಜೆ ಸೇರಿಸಿ
ಹೆಜ್ಜೆ-ಹೆಜ್ಜೆ ಸೇರಿಸಿ
ತಿದ್ದಿ ತೀಡಿ ಅಕ್ಷರಗಳ
ಅರ್ಥವನ್ನು ರೂಪಿಸಿ
ಗದ್ದಲವ ಗೆಲ್ಲುವಂಥ
ಮೌನವನ್ನು ಜ್ಞಾಪಿಸಿ
ಎಷ್ಟೇ ಜನುಮ ಕಳೆದು
ಲೋಕ ಗೆದ್ದು ಬಂದರೂ
ನಿನ್ನ ಮಡಿಲ ನಿದ್ದಿಗಿಂತ
ಯಾವ ಸೊಗಸಿದೆ.. (೨)
ಅಮ್ಮ....
No comments:
Post a Comment