ಸಾವಿರ ಕಣ್ಣಿನ ನವಿಲುಗಳ

 ಸಾವಿರ ಕಣ್ಣಿನ ನವಿಲುಗಳ

ಸಾಲಲಿ‌ ನಿಲ್ಲಿಸಿ‌ ನಾನು

ಒಂದೇ ಕಣ್ಣನು ಮುಚ್ಚುತಲಿ

ನಿನ್ನನು ಮೋಹಿಸಲೇನು?

ಸುಡೋ‌ ಸೂರ್ಯನೆದುರಲ್ಲಿ

ನಗೋ‌ ಹುಣ್ಣಿಮೆ

ಕೊಡೆಯನ್ನು ನಾ ತೆರೆದಾಗಿದೆ

ಬಂದು ಸೇರಿಕೋ

ಸಂಜೆಯ ವೇಳೆಗೆ ಎಲ್ಲ ತಣ್ಣಗೆ ಆಯಿತು

ಗಾಳಿಗೆ ಪತ್ರವು ಹಾರಿ ಹೋದರೆ ಹೋಯಿತು

ತಂಪು ಪಾನಕ‌ ಹೀರುವಾಗ ನೀ

ಹಾಗೆ ನೋಡಲೇಕೆ?

ಮಳೆ ಬೀಳುವ ವೇಳೆ, ನೆಲ ನಾಚುತ

ಬಿರುಕೆಲ್ಲವ ಹೊಲಿದಂತಿದೆ

ನಿಜ ಅಂದುಕೋ

ಹಾಡನು ಹೇಳುವೆ ಕೇಳು ಕಂಚಿನ ಕಂಠದಿ

ತಾಳವ ಹಾಕುತ ಹೋಗು ಗೆಚ್ಚೆಯ ಪಾದದಿ

ಈಚೆ ಬಂದರೆ ಬೆಂದು ಹೋಗುವೆ

ಮಲ್ಲೆಯಂತೆ ನೀನು

ಗರಿ ಚಪ್ಪರ ಹಾಕಿ ತಯಾರಾಗಿದೆ

ಇದೇ ಮಂಟಪ, ನಮಗೆನ್ನುವೆ

ಜೊತೆ ಮಾಡಿಕೋ...