Monday, 29 February 2016

ಪ್ರೇಮ ಪ್ರಯಾಸ

ನಿನ್ನತ್ತ ಹೂವೊಂದ ಎಸೆದೆ ನಾ
ಗಮನವ ನನ್ನತ್ತ ಸೆಳೆಯಲು
ಕನಸೊಂದ ನಾ ಕದಡಿಬಿಟ್ಟೆನಾ?
ಒಮ್ಮೆಲೆ ಕಣ್ತುಂಬಿ ಬರಲು


ಯಾವತ್ತೂ ಸಿಗದವಳು ಸಿಕ್ಕೆ ನೀ
ತುಂಬು ಸಂತೆಯಲಿ ಚೌಕಾಸಿ ಮಾಡುತ
ನಾನೊಂದು ಮಳಿಗೆಯನು ತೆರೆಯಲೇ?
ಇದ್ದ ಹೃದಯಕ್ಕೆ ಬೆಲೆಯನ್ನು ಕಟ್ಟುತ


ಕುಂಟು ಬಿಲ್ಲೆ ಆಟಕ್ಕೆ ಕರೆಯುವೆ
ಆಸೆಗೆ ಕಾಲು ಬಂದಂತೆ ಓಡಿ ಬಾ
ಎಲ್ಲ ಆಟದಿ ನಾನಂತೂ ಸೋಲುವೆ
ಮತ್ತೆ ಮತ್ತೆ ಕಲಿಸುತ್ತ ಜಯಿಸು ಬಾ


ಒಬ್ಬನೇ ಇದ್ದರೆ ಶೂನ್ಯ ನಾ
ನೀನಿರೆ ನನಗೆ ಸ್ಥಿರವಾದ ಹೆಸರು
ಜೀವಕ್ಕೆ ವಿಸ್ತಾರ ಬೇಕಿದೆ
ನೀಡು ಅನುಮೋದನೆಯ ನಗೆಯ ಮೊಹರು


ಕಳೆದವನ ಕಿಸೆಯಲ್ಲಿ ಉಳಿದೆ ನೀ
ಎಂದೂ ಅಳಿಯದೆ ಉಳಿದ ವಿಳಾಸ
ನಗುವನ್ನೇ ನೀ ಮುಡಿಯಬೇಕು
ಅದಕೇ ನೋಡೆನ್ನ ಎಲ್ಲ ಪ್ರಯಾಸ!!


                                     - ರತ್ನಸುತ

No comments:

Post a Comment

ನೀರವ ಸ್ಥಿತಿಯಲ್ಲಿ ಯಾರಿವನೆನ್ನದಿರು

ನೀರವ ಸ್ಥಿತಿಯಲ್ಲಿ ಯಾರಿವನೆನ್ನದಿರು ನೀನಿರದೆ ಈ ಗತಿ ಸಿದ್ಧಿಸಿತು ಜೀವಕೆ ಹಾಡುಹಗಲಲ್ಲಿ ನೀ ಆವರಿಸಿಕೊಂಡಿರುವೆ ಕನಸೊಂದು ಬೀಳುತಿದೆ ಗೊತ್ತಿದ್ದೂ ಬಾವಿಗೆ ಬ...