Wednesday, 23 September 2015

ಬಣ್ಣದ ಗುರುತು


ಚಿಟ್ಟೆ ಹಾರಿ ಬಂತು
ಏನೊ ಅಂತು
ಭುಜದ ಮೇಲೆ ಕುಂತು


ಅರ್ಥವಾಗಲಿಲ್ಲ ನನಗೆ
ಎಳ್ಳಿನಷ್ಟೂ
ಅದರ ಮಾತು


ಚಿಟ್ಟೆ ಹಾರಿ ಹೋಯ್ತು
ಚೂರು ಬಣ್ಣ
ಅಲ್ಲೆ ಮೆತ್ತಿ ಬಿಟ್ಟು


ನೆತ್ತರೋ, ನೆಕ್ಟರೋ
ಯಾವ ಹೂವ ಕಣ್ಣೀರೋ
ಬಿಡಿಸಲಾಗದೊಗಟು


ಗೊಂದಲದಲೇ ಹೊರಟು ನಿಂತೆ
ಬೂಟಿನಡಿ ಅಳುವ ಸದ್ದು
ಹೊಸಕಿ ಬಿಟ್ಟ ಚಿಗುರು
ದುಃಖಿಸಿತು ಪೊಗರು


ಚಿಟ್ಟೆ ಮತ್ತೆ ಕಾಣಲಿಲ್ಲ
ಭುಜದ ಬಣ್ಣ ಮಾಸಲಿಲ್ಲ!!


                           -- ರತ್ನಸುತ

No comments:

Post a Comment

ನೀರವ ಸ್ಥಿತಿಯಲ್ಲಿ ಯಾರಿವನೆನ್ನದಿರು

ನೀರವ ಸ್ಥಿತಿಯಲ್ಲಿ ಯಾರಿವನೆನ್ನದಿರು ನೀನಿರದೆ ಈ ಗತಿ ಸಿದ್ಧಿಸಿತು ಜೀವಕೆ ಹಾಡುಹಗಲಲ್ಲಿ ನೀ ಆವರಿಸಿಕೊಂಡಿರುವೆ ಕನಸೊಂದು ಬೀಳುತಿದೆ ಗೊತ್ತಿದ್ದೂ ಬಾವಿಗೆ ಬ...