Monday, 28 September 2015

ಅತೀತ


ಅತಿ ಸಣ್ಣ ಸುಳ್ಳು
ನಮ್ಮೊಲವಿಗೊಂದು
ಹುಳಿ ತೊಟ್ಟು ಹಿಂಡುವಾಗ
ಮಂಜು ಹನಿಯೇ
ಅಂಜಿಕೆಯೇ ಬೇಡ
ಒಡೆವಂತದಲ್ಲ ಪ್ರೇಮ


ಅತಿ ಘೋರ ಕನಸು
ಮಿತಿ ಮೀರುವಾಗ
ಗತಿಗೆಡುವ ಶಂಕೆಯೇಕೆ?
ಕಣ್ತೆರೆದು ನೋಡು
ನಿಜವುಂಟು ಎದುರು
ಉಲ್ಲಾಸದಲ್ಲಿ ನಲಿದು


ಅತಿ ಮೌಲ್ಯವಾದ
ಉಡುಗೊರೆಯ ಕೇಳು
ಕೊಡಬಲ್ಲೆ ನಿಮಿಷದಲ್ಲೇ
ಒಂದೊಮ್ಮೆ ಕಿರಿದು
ಅನಿಸಿದರೆ ಹೇಳು
ಹೃದಯವನೇ ಸೀಳಿ ಕೊಡುವೆ


ಅತಿ ಮದುರ ವಾಣಿ
ಶೃತಿಗೊಪ್ಪೋ ವೀಣೆ
ನಿನ್ನ ಕಣ್ಣ ಚಲನ
ಎದೆಯಲ್ಲಿ ಬಿಡದೆ
ಗುನುಗುಟ್ಟುವಂಥದಾ-
ನಿನ್ನ ತುಂಟ ಮಾತು


ಅತಿರೇಖವಲ್ಲ
ಅತಿ ಸರಳವಾದ
ಬಣ್ಣನೆಗೂ ಸಿಗುವ ನೀನು
ಚಿರಪರಿಚಯಕ್ಕೂ
ಮರು ಪರಿಚಯಿಸುವ
ಅಪರೂಪವಾದ ಚೆಲುವೆ!!


                     -- ರತ್ನಸುತ

No comments:

Post a Comment

ನೀರವ ಸ್ಥಿತಿಯಲ್ಲಿ ಯಾರಿವನೆನ್ನದಿರು

ನೀರವ ಸ್ಥಿತಿಯಲ್ಲಿ ಯಾರಿವನೆನ್ನದಿರು ನೀನಿರದೆ ಈ ಗತಿ ಸಿದ್ಧಿಸಿತು ಜೀವಕೆ ಹಾಡುಹಗಲಲ್ಲಿ ನೀ ಆವರಿಸಿಕೊಂಡಿರುವೆ ಕನಸೊಂದು ಬೀಳುತಿದೆ ಗೊತ್ತಿದ್ದೂ ಬಾವಿಗೆ ಬ...