Tuesday, 29 December 2015

ಒಲವಿನಲಿ


ಎಲ್ಲಿ ಇರಿಸುವೆ ಹೃದಯವನ್ನು
ನನ್ನ ಅರಿವಿಗೆ ಬಾರದಂತೆ?
ಎಲ್ಲ ಹಾಡಿ ಮುಗಿಸುತೀಯ
ನನಗೆ ಏನೂ ಕೇಳದಂತೆ


ನಿದ್ದೆ ಹೊದ್ದ ಹೂವು ನೀನು
ಕನಸಿನೊಳಗೆ ಬೀಳುವಾಗ
ಮನಸಿಗಂತೂ ಸುಗ್ಗಿ ನೀನು
ಸಿಗ್ಗಿನಿಂದ ಅರಳಿದಾಗ


ನೀನು ನೆನಪಲ್ಲುಳಿದ ಮೇಲೆ
ಬಾಕಿ ಎಲ್ಲ ರದ್ದಿಯಂತೆ
ನಿನ್ನ ಒಲವು ದಕ್ಕಿತೆನಗೆ
ತೀರಲಾರದ ಸಾಲದಂತೆ


ಮೂಡಿ ಬರುವೆಯಾ ನನ್ನೊಳಗೆ
ಒಂದು ಮಧುರ ಹಾಡಿಗಾಗಿ
ಗೀಚಿ ಹರಿದ ಹಾಳೆಗಳಿಗೆ
ಸೋತು ಎರಗಿದ ಸಾಲಿನಂತೆ?


ಕಲಿಸು ಮೊದಲಿನಿಂದ ಪಾಠ
ಕೈಯ್ಯ ಹಿಡಿದು ತೀಡಿ
ತಲುಪುವ ದಿಗಂತವ
ಒಲವಿನಿಂದ ಕೂಡಿ!!


                        - ರತ್ನಸುತ

No comments:

Post a Comment

ನೀರವ ಸ್ಥಿತಿಯಲ್ಲಿ ಯಾರಿವನೆನ್ನದಿರು

ನೀರವ ಸ್ಥಿತಿಯಲ್ಲಿ ಯಾರಿವನೆನ್ನದಿರು ನೀನಿರದೆ ಈ ಗತಿ ಸಿದ್ಧಿಸಿತು ಜೀವಕೆ ಹಾಡುಹಗಲಲ್ಲಿ ನೀ ಆವರಿಸಿಕೊಂಡಿರುವೆ ಕನಸೊಂದು ಬೀಳುತಿದೆ ಗೊತ್ತಿದ್ದೂ ಬಾವಿಗೆ ಬ...