Sunday 24 November 2013

ನೀವು ನಾನು

ನೀವು ಬೆಟ್ಟ
ನಾನು ಕೀಟ
ನಿಮ್ಮ ಸಮ ನಾನಲ್ಲ

ನೀವು ಮರ
ನಾನು ಗರಿಕೆ
ನಿಮ್ಮ ಜೋಡಿ ನನಗಲ್ಲ

ನೀವು ಪೊಟರೆ
ನಾನು ಗುಂಡಿ
ನನ್ನಿಂದೇನೂ ಹಿತವಿಲ್ಲ

ನೀವು ಮುಗಿಲು
ನಾನು ನೀಲಿ
ನೀವಿಲ್ಲದೆ ನಾ ಏನಿಲ್ಲ

ನೀವು ಮಣ್ಣು
ನಾನು ಋಣ
ನೀವಿಡದೆ ನನಗುಳಿವಿಲ್ಲ

ನೀವು ಕಿಚ್ಚು
ನಾನು ಉರಿ
ಹಚ್ಚದೆ ಬೆಳಕು ನನದಲ್ಲ

ನೀವು ಬಿಸಿಲು
ನಾನು ನೆರಳು
ನಿಮ್ಮಾಟಕೆ ಸೊಲುವೆನಲ್ಲ

ನೀವು ನೀವೇ
ನಾನು ನಾನೇ
ನಿಮ್ಮವನಾಗುವುದೆನ್ನ ಹಂಬಲ !!

                        -- ರತ್ನಸುತ 

1 comment:

  1. ಒಪ್ಪಿಸಿಕೊಂಡ ಪರಿಯಲ್ಲೇ ನಿಮ್ಮ ಮುಂದಿನ ಗೆಲುವಿನ ಸೂಚನೆ ಇದೆ.

    ReplyDelete

ಅತಿ ಮಧುರ ಅನುರಾಗ

ಅತಿ ಮಧುರ ಅನುರಾಗ  ನಿನ್ನೊಲವ ಮಳೆ ಹನಿಗೆ  ಮಿಂದಿರಲು ಮನಸಿದು     ನಿಂತು ನಿಂತು ಬೀಸಿದಂತೆ  ಸಂಜೆ ತಂಪು ಗಾಳಿ  ಅಂಕೆ ಮೀರಿ ಬರುವ ಮಾತು  ಹಾಕಬೇಕೇ ಬೇಲಿ  ಜೊತೆ ಇರಲು ...