ನಗು

ಯಾರೋ ನಗುತ್ತಿದ್ದವನ ನಿಲ್ಲಿಸಿ
ನಗುವಿಗೆ ಕಾರಣ ಕೇಳಿದೆ,
ಕಾರಣವಿಲ್ಲದೆ ನಗುತ್ತಿರುವುದಾಗಿ ಗೊತ್ತಾಗಿ
ನಗು ಬಂತು

ಮತ್ತಿನ್ನಾರೋ ಬಂದು
ನಾ ನಗುಲು ಕಾರಣ ಕೇಳಿದಾಗ
"ಯಾರೋ ಕಾರಣವಿಲ್ಲದೆ ನಗುತ್ತಿದ್ದವನ
ನೆನೆದು ನಗುತ್ತಿದ್ದೆ" ಎಂದು ಹೇಳಲಾಗದೆ
"ಸುಮ್ಮನೆ" ಎಂದೆ,
ಆತನೂ ನಕ್ಕ

ಅಲ್ಲಿಗೆ ಕಾರಣವಿಲ್ಲದ ನಗು
ನಗುವಿಗೆ ನಿಜವಾದ ಕಾರಣವಾಯಿತು

ಈಗ ನಾ ನಗುತ್ತೇನೆ
ನಗಿಸುವ ಸಲುವಾಗಿ
ಕಾರಣವಿದ್ದೂ ಇಲ್ಲದಂತೆ
ಇಲ್ಲದೆಯೂ ಇದ್ದಂತೆ!!

                                  -- ರತ್ನಸುತ