Friday 30 December 2016

ಗರುಡ ಗೀತ ಸಾಹಿತ್ಯ ೧

ರೋಮಾಂಚನ.. ರೋಮಾಂಚನ...

ಇರುವಾಗ ನನಗಾಗಿ, ನೀನೆಂದೂ ಜೊತೆಯಾಗಿ
ಪ್ರಾಣಕ್ಕೀಗ ಪ್ರಾಣ ಸಿಕ್ಕಂತೆ
ರೋಮಾಂಚನ.. ರೋಮಾಂಚನ...


ಬೆರೆತಾಗ ಕೈಯ್ಯಲ್ಲಿ, ಕೈಯ್ಯೊಂದು ಬಿಗಿಯಾಗಿ
ಖುಷಿಯಲ್ಲಿ ಕಣ್ಣು ತುಂಬಿಕೊಂಡಂತೆ
ರೋಮಾಂಚನ.. ರೋಮಾಂಚನ...


ನನಗೂ, ನಿನಗೂ ಈಗಷ್ಟೇ ಒಲವಾಗಿ
ಹದಿನಾರರ ಪ್ರಾಯಕೆ ಇಳಿದಂತೆ
ಸನಿಹ, ಸನಿಹ ಬರುವಾಗ ಮನಸಲ್ಲಿ
ಅತಿ ಸುಂದರ ನಾಚಿಕೆ ಮೆರೆದಂತೆ


ಗರಿಗೆದರಿದ ಹಕ್ಕಿಯ ಹಾಗೆ
ಉಸಿರಾಡುವೆ ನಿನ್ನುಸಿರಲ್ಲಿ
ಕೊನೆಗೊಂದು ಮುತ್ತ ನೀಡು ನಗುವಲ್ಲೇ...


ರೋಮಾಂಚನ.. ರೋಮಾಂಚನ...

ನಿನ್ನ ತುಟಿಯಲ್ಲಿ, ಆನಂದ ಕಂಡಾಗ
ಚುಕ್ಕಿಗೊಂದು ಮಿಂಚು ಬಂದಂತೆ
ರೋಮಾಂಚನ.. ರೋಮಾಂಚನ...


ಮಾತನಾಡಿಕೊಳ್ಳೋಣ
ರಾತ್ರಿ ಬೀಳೋ ಮಳೆಯಂತೆ
ಪ್ರೀತಿಸುತ್ತ ಸಾಗೋಣ
ದೇಹ ಎರಡು ಒಂದೇ ಉಸಿರಂತೆ
ಹಾಗೊಮ್ಮೆ ಸಾವಲ್ಲೂ ಬೇರಾಗೆವೆನ್ನುತ್ತ
ಆಣೆ ಮಾಡಿ ಕೂಡಿ ನಡೆದಾಗ
ರೋಮಾಂಚನ.. ರೋಮಾಂಚನ...


ಎದೆ ಗೂಡ ಮರೆಯಲ್ಲಿ ಹಾಡೊಂದು ಕೊರೆವಾಗ
ಹಾಡಿಕೊಂಡೇ ಜೋಡಿಯಾಗೋಣ
ರೋಮಾಂಚನ.. ರೋಮಾಂಚನ...

                                  
                                                 - ರತ್ನಸುತ 

No comments:

Post a Comment

ಅತಿ ಮಧುರ ಅನುರಾಗ

ಅತಿ ಮಧುರ ಅನುರಾಗ  ನಿನ್ನೊಲವ ಮಳೆ ಹನಿಗೆ  ಮಿಂದಿರಲು ಮನಸಿದು     ನಿಂತು ನಿಂತು ಬೀಸಿದಂತೆ  ಸಂಜೆ ತಂಪು ಗಾಳಿ  ಅಂಕೆ ಮೀರಿ ಬರುವ ಮಾತು  ಹಾಕಬೇಕೇ ಬೇಲಿ  ಜೊತೆ ಇರಲು ...